السبت، 17 سبتمبر 2011

ابتسم :)



اليومين دول بتعامل مع اغلب بياعين مصر في مختلف المجالات
وطبعا بياعين مصر مالهمش زي ابدا
بجد ماشوفتش زيهم في اي بلد زرتها
بتاتا البتة
ده عاااااااادي وكنا متعودين عليه
لكن اليومين دول مالهمش حل
زااااااااادوا وزودوهاااااااااااا
تدخل المحل تحس انك بتتعا
مل معاملة الزنوج في امريكا زمان
تحس انك اقلية انكشارية مضهطه من اسيادك البياعين
ده غير التكشيرة اللي بتحس معاها انك شوية شوية هتتمد علي رجليك
البلد فيها كساد والمفروض ان البياع يجتهد يبيع
علشان يحافظ علي مكان اكل عيشة
وياخد مرتب واعتقد في مح
لات بتدي نسبة من المبيعات
عمري مادخلت محل بره مصر الا والبياعين كانوا مبتسمين لطاف
يتودد اليك وتشتري اكتر طبعا من زوق البياع
مش عارفة امتي بياعينك يامصر هيتعلموا فن البيع وفن الابتسامة
ده حتي تبسمك في وجه اخيك صدقة
ده مايمنعش ان في بياعين كويسين جدااااااا
بس دول بقوا قلة مندس
ة علي البياعين المكشرين
ونبينا صلى الله عليه وسلم قال: (رحم الله عبداً سمحاً إذا باع، سمحاً إذا اشترى، سمحاً إذا اقتضي.)

هناك 64 تعليقًا:

Bent Men ElZman Da !! يقول...

انا بردو اليومين دول بنزل اجيب حاجات كتير
فى محلات بتبيع نفس السلعه
فى محل الاقى البياع فيه بيبقى عايز يجبلى المحل كله يفرجنى عليه ويقولى طب شوفى دى ودى وينزلى السعر على اد ما اقدر
وفى محل تانى الاقى الناس اللى فيه اصلا بيكلمونى وهما باصيين فى حته تانيه وهاين عليهم يحدفونى بحاجه فى وشى :|
تقريبا حالتهم الشخصيه فى الغالب بتكون مأثره عليهم
ماهو الواحد ماعملهمش حاجه يعنى

مصطفى سيف الدين يقول...

صحيح الابتسامة بتخلي الزبون يطلع كل اللي في جيبه ويروح معهوش حق التاكسي
لا يا ستي خليهم كشرين احسن ما يفلسونا :)

SHAPE YOUR LIFE (ABOALI) يقول...

ههههههههههههه
البيع فن من فنون الحياه
وهو يعتمد على فن التعامل مع البشر
وله مهارات معينة يجب التدقيق فيها عند اختيار الشخصية التى تبيع لنا
وهنا فى مصر لا توجد تلك الاختبارات التى تجعل المحلات والمولات يضعون فى واجهتهم اشخاص قادرين على الجذب وتغير ملامح وجوه من يشترون

والله المستعان

البسمة هى بوابة العبور لمن تريد ان تحبه


كل التقدير لانسان حساس قدير

sara helal يقول...

هما البياعين بس ، مصر كلها محتاجه تضحك ، بعد كده هنعمل حملة تبرع ولو بإبتسامه

أنا - الريس يقول...

دا غالبا لأنهم متعلموش من أساسه فن البيع، ونادرا من قرأ فيهم كتاب عن كيفية تزويد مبيعاته، لأنهم بيعتبروا ان دي رفاهية، كما غالبا أصحاب المحلات دول فيهم ناس تعبت عشان تجيب فلوس وعشان تفتح محل وبيعتبر بعد ما فتح المحل خالص بانه المتحكم، ونسي إن ربنا خلي الرزق بالأسباب، فن الإبتسامه، فن لغة الجسد،

بس مسير الوضغ يتغير لأنهم لو استمروا هيجي اللي بيبستم وياكل زباينهم

Unknown يقول...

السلام عليكم

صراحة أختي شمس أنا لا أحب التعميم.. لكن صدقا انطباعي الشخصي قريب مما تقولين، وما أقصده يظهر جليا عندما أقارن هنا في الغربة طريقة البياع المصري بالبياع اللبناني أو الهندي.. بجد هناك فرق، كثيييرا ما أشعر أن البياع المصري ليس حريصا فعلا على البيع...!!!

تحياتي.

الازهرى يقول...

ده مايمنعش ان في بياعين كويسين جدااااااا
بس دول بقوا قلة مندسة علي البياعين المكشرين

أول مرة أفرح إنى من القلة المندسة

المشكلة إن السوق ضاغط على الكل وفعلا فى ضياع بالنسبة للتجارة الفترة دى

بس برضه كله يهون
وايام وهتعدى وبكرة بإذن الله بإيدينا لينا

تحياتى دوما

ابراهيم رزق يقول...

عند حق جدا
فعلا البياعين اصبحوا حاجة صعبة جدا
تقول للبياع او البياعة انا عاوز اللون ده من المقاس يقولك ظبك المقاس الاول و بعدين نجيب اللون اللى انا عايزه
منتهى منتهى الكسل و الجفاء فى المعاملة و بالذات فى المناسبات الاعياد و المواسم

بالنسبة لسؤالك انا حسا اننا جيران لازم الفضائح ايوه انا كنت فى مدرسة ابن خلدون الثانوية العسكرية بالنعام ايام ما كنا بنلبس القميص اللبنى و مش عايز اقولك على اسم شهرة المدرسة عشان الله حليم ستار
و على فكرة انا كتبت بوست عن التزويغ ايام الدراسة
ناقص بقى حاجة واحدة
انك تقولى انك كنتى فى مدرسة حلمة الزيتون او انصاف سرى
ربنا يسعدك و يتمم بخير
تحياتى

Unknown يقول...

عندك حق
مش البايعين بس دى الناس كلها مكشرة مش عارفة ليه؟؟؟؟؟؟؟؟؟؟؟

بنت قلبى يقول...

صح والله
حتى قلت يمكن قيروس
وانتشر للبنى ادمين والا انا كمان منهم
دايما تكشيره
البياع معدتشى فارقه معاه المهم اهو يومى يعدى لعند اخر الشهر ومش فارقه
علشان كده معدشى احنا فينا بركه فى حياتنا
والله المستعان

سواح في ملك اللــــــــــــــــــه- يقول...

ثورة بقي ياست الكل

عيب البياع اي عندنا انه عايز يديلك البضاعة اي علي مزاجه

انا مشفتش غشاشين قد الفكهانية

يكتبك السعر علي ورقة من ناحية بسعر

ومن الناحية التانية بسعر تاني

وينادي للبيع بالسعر الاقل

ولما تروحي تشتري

تلاقي عنده نوعين

مثلا يقوللك

ده بسته جنيه

تقوليه انت مش قلت بخمسه

يقوللك عايز من اي بخمسة ماشي

ويقوم عايز يدبسك في الحاجة المفعصة

مرة من المرات في رمضان

وانا في رمضان ببقي خلقي ضيثق شوية

عملت مشكلة كبيرة مع فكهاني بسبب مايظنه انه شطارة

مع اني في المعتاد لااهتم بالسعر

شمس النهار يقول...

Bent Men ElZman Da* !!

المفروض ان الانسان اللي بيتعامل مع الجمهور يلغي الحالة الشخصية علي جنب ويتقن صنعته

وانا اعتقد ان حال البياعين ده غلطة اصحاب المحلات
لو كل صاحب محل علم البياع ازاي يكون مع الزبون اللي هو درجة اقباله من نجاح او فشل المحل
كان حال البياعين بقا عدل

شمس النهار يقول...

*مصطفي سيف
:)))))

طيب اعمل انا ايه في الشرا وانا مابعرفش اتعامل مع حد مكشر في وشي
:))))
افلس بس مااكشرش ولا حد يكشر في وشي

شمس النهار يقول...

*SHAPE YOUR LIFE (ABOALI)

كلامك مظبوط ياابو علي

المفروض صاحب المحل كمان مايسبش البياع يستفرد بالزبون
لازم يقوم بالمرور في المحل وان تعذر يعين مراقب يباشر سير الدنيا

قدمنا كتير علي مانتعلم الابتسامة
:))

شمس النهار يقول...

*Miss Egyptology

:)))
ايوة مصر كلها محتاجة تضحك صحيح

بس عجبتني فكرة التبرع دي جدااااااااا

يالة نبتدي فيها

:))

شمس النهار يقول...

*MR.PRESIDENT

سيادة الريس عندنا يامرحبا يامرحبا

:))
كلامك صح الصح
في محلات ادخلها اخرج جري من كتر اتامت اللي فيها
وفي محلات لازمنااااااولابد اشتري من سماحة البياعة

:))

ستيتة يقول...

اللي بتتكلمي عنه يا شمس له عدة عوامل

اهمها اننا كلنا بلا استثناء بشر قرفانين
بعد الثورة اللي مع الثورة قرفانين واللي ضدها أقرف وكل هؤلاء وقع عليهم ضرر ما مادي جعل حياتهم اللي كانت جاكتة مقلمة بالطول ابيض في اسود بقت اسود سادة
والعامل التاني قصة اني بعت ما بعتش مش فارقة معايا طالما صاحب العمل لا يراقبني
بمعنى
الضمير فينيتو
والتحفيز فينيتو
وتحيا مصر الجمعيات الإستهلاكية

لا تجدي محل صاحب ماله قاعد فيه
او محل فعلا بيعطي نسبة على المبيعات
ولا محل بيدي مرتب أدمي يناسب وقفة يوم بحاله
إلا وتجدي بياعين بلاد لوندرة وباريس
وشوفي التوكيلات العالمية وشكل الناس فيها ومحلات وسط البلد وشكل البنات فيها تدركي الفروق الشاسعة

تحياتي

شمس النهار يقول...

*ماجد القاضي
وعليكم السلام ورحمة الله وبركاته

اغلب البياعين المصريين والعمال المصريين مابقوش حريصين علي شئ

وده ورث من ايام عبد الناصر اللي دلعهم
ماهو كده كده هيقبضوا مرتبهم

وبياعين بره من العرب بصراحة سامحين ضاحكين
وده الاسلام والطبيعة
لكن شوف البياعين الاجانب تلاقيهم علي طول مبتسمين وانت ماشي سواء اشتريت مااشتريتش يتقال لك يوم سعيد
مع ابتسامة عريضة

شمس النهار يقول...

*الازهري

ياعم ماانا قلت ان في قلة مندسة
:))))
:))
السوق ضاغط علي مين ان شاء الله

ده ماشاء الله سواء قبل العيد او قبل المدارس الناس بتشتري وكأن الدنيا هتخلص بكره
:))

وفي كل المجالات الشرا مااتاثرش سواء في احياء راقية او شعبية
ماتنساش اني دلوقتي بروح كل حته

الناس طول عمرها بتشتكي انت ماحضرتش ايام النغنغه بتاعت السادات برضوا الناس كانت بتشتكي
عند المصرين اعتقاد ان الشكوة رقوة
:))))

شمس النهار يقول...

*ابراهيم رزق

:)))))

والمصحف عرفتك ياابراهيم انت من ابن خلدون
:))
لا ياسيدي انا ماكنتش في مصر اصلا
:))
بس لما دخلت الجامعة هنا في مصر مش عايزة اقولك ولاد بن خلدون كانوا عاملين ايه في الشارع
:)))))
لا انا كنت ساكنة قدام المدرسة
:)))
وعرفاكم وعارفة شقاوتكم
:)))))
بالنسبة للبياعين بقا
دخلت محل شيك جداااااااا
من اللي هدفع فيه دم قلبي واخرج
واستجريت وسولت لي نفسي اني اطلب اني اتفرج علي المفرش اللي هيبقا بالشئ الفلاني
لاقيت البياعة زغرت لي ولا نجمة ابراهيم وقالت لي هتشتري والا هتوجعي قلبي وتهدي حيلي
:))))))
عارف للخلف در
انا ولا حتي بصيت لها اخدت بنتي وللخلف در ومشيت من غير والا كلمة
ودخلت محل بعدهم بمحل سوري الجنسية والبضائع والبائعين
مش عايزة اقولك اشتريت اللي علي بالي واللي مش علي بالي
معاملة طيبة وابتسامة طيبة ونزلوا لي المحل مع اني ماطلبتش لكن البائع شاطر كان بيزغلل عين الزبون
:)))

شمس النهار يقول...

*ديارا المصرية
الناس مكشرة علشان رخمة
مش اكتر
معترضين علي ايه مش عارفة
هو ينفع الواحد يعترض علي حكم الله فيه

شمس النهار يقول...

*بنت قلبى

بركة ازاي والناس علي طول مكشرة
السماحة راحت
وحل محلها الانانية

مستخسرين البسمة في وش بعض

:))

شمس النهار يقول...

*سواح في ملك اللــــــــــــــــــه

:)))
ثورة صحيح
بس ثورة لطشت معاها باقي ابتسامات الشعب
:))

لا لا لا
الفكاهنية دول يتحطوا علي جنب دول يعملوا محاضرات في الغش الجماعي

:))))

وكذلك الجزارين
مالهمش حل
يتفات لهم بلاد

:))

شمس النهار يقول...

*ستيتة حسب الله الحمش

كلامك صح الصح ياستيته

واهم ماعجبني جدا
موضوع الضمير
اللي فعلا فينيتو علي الاخر

كمان زي ماقلتي بياعين بلاد بره بوظوا الشراء علي الناس اللي جربوا يتعاملوا معاهم
تقعدي تقارني وتزعلي
والله كتير بمشي من كتر ماالبياعة بتغمني وساعات بقا العرق الصعيدي علي التركي يطلع عليا واطلب اقابل صاحب المحل او المدير
واديله محاضرة في فن البيع

يالا هيروحوا من ربنا فينا
:))

Lady E يقول...

زمان قالوا في الأمثال المال اللي ما يهمك وصي عليه جوز أمك وغالبا البياعين مبيكونوش أصحاب المال

اخدت كورس تسويق قبل كده والدكتر قال لنا للأسف مفيش حاجة في مصر اسمها خدمة ما بعد البيع وحسب لنا الخسائر اللي بتحصل نتيجة ان البياع يفقد زبون واحد بس في السنة بمتوسط مشترواته طلع ان البياع ممكن يخسر 12000 جنيه في السنة من انه يخسر زبون واحد

وعلشان كده مبحبش أشتري أي حاجة من بائعين عرب الا لو كنت مضطرة للأسف لأن الأجانب ألطف منهم ومبيحبوش يخدعوا الزبون علشان يتجنبوا انهم يخسروه

ابراهيم رزق يقول...

ههههههههههههه

هو انا للدرجة دى باين على وشى ابن خلدون الثانوية
لا بجد الاحساس جالك منين و اشمعنى ابن خلدون بالذات
انت عارفة شلة ابن خلدون لحد دلوقتى صحاب رغم السنيين و رغم تفرق اشلاءنا على مختلف المهن اطباء و محاسبين و مهندسين و صحفيين بس مختومين بختم ابن خلدون
انا كنت فاكرك الزمالك و جاردن سيتى كده و حركات طلعتى النعام و يمكن زمل فى جامعة عين شمس
بجد كان بيصعب عليا بنات العمارات اللى جنب المدرسة

Kem يقول...

معظم البياعين فى مصر كده فعلا , بس محلات الهدوم و كده كتير منهم بيبقوا مبتسمين و مفيدين و بيساعدوا , بس مشكلة تكشيرة البياعين دى فعلا غريبة و بتضايقنى , يرد الكلمة بربع كلمة و مش هاين عليه ينطق و تلاقيه بيتنهد و كأنه بيقولك خلصنى بقى كتك القرف ,,,, ربنا يتوب علينا , بس على فكرة مفيش كساد ولا حاجة الا فى الدهب غير كده الناس مش بتبطل شراء
تحياتى

Carmen يقول...

سبحان الله لسه ماما كانت بتسألني ع الحديث ده النهاردة
فعلا عندك حق يارب نتق ربنا في كل تصرفاتنا حياتنا هتبقي احسن

حَنيّـن نِضال يقول...

الحمد لله انو بياعينا مناح و شرحين ^____________^

Unknown يقول...

أضيف على كلامك أنهم يقولون أن الحال واقف و المبيعات قليله ، ما طبعا لو هي دي الطريقة مفيش حد هايشترى ،،،
شكراً شمس :)

شمس النهار يقول...

*Lady E

البياع هو واجهة المحل
وهو الوسيط بين المالك والمشتري
لو سقط هيسقط راس المال

شمس النهار يقول...

*ابراهيم رزق

والله ياابراهيم مش عارفة بس حسيت انك من هناك تسألني عرفت ازاي مااعرفش بس كلامك عن حلمية الزيتون وماحدش يعرف خالص لا النعام ولا حلمية الزيتون

احنا كنا ساكنين من ايام ماكانش في عمارات هناك وابن خلدون اصلا كانت مدرسة معلمات داخلية الاول
احنا بقا كنا ساكنين في فيلا في ضهر المدرسة اسمها الفردوس وانت عارف طبعا فيلا زاهية اللي اتسجنت فيها اللي ماتتسمي اللي ولعت مصر
تانت زاهية دي كانت موصية ان لماتموت الفيلا وهي مساحتها كبيرة جدااااا كانت متبرعه بيها للكنيسة
باقي الارمن والمسلمين اللي في شارع علي باشا اللالا بقا بعنا الفيلاات لما الدنيا هاصت كده وهجرنا الشارع في سكنوا في عمارات وفي هاجروا لبلاد الغربة
المكان هناك دلوقتي بقا غريب مايتعرفش اصلا النعام والزيتون وحلمية الزيتون خلاص راحت وراح ايامها
انت عارف كان في فيلا المفتي في شارع البشري كانوا مربين طاووس وغزلان
بلاش عارف عمارات عمر افندي دي كلها كانت قصر واحد بس
ده غير ان نص شارع متحف المطرية ده كان قصر واسطبل لفريد الاطرش
ده غير آل الشريعي اللي كان ليهم قصر جميل وحسن حشمت الفنان العالمي اللي المصريين مايعرفهوش وآل الرويني
وغيره وغيره
يووووو انت فكرتني بسنين فات كتير اوي
:))))))
عندي صورة ليه وانا صغيره في بلكونت الدور التاني في الفيلا مافيش اي مبني ورايا خاااااااالص بتاتا البته
زي ماتكون اتلقطت في الصحراء
:))))
ايه ايام بقا
وطبعا اكيد اكيد كنت بتقعد علي قهوة عماد :))))))
انا خريجت فنون جميلة انت مش مذاكر مدونة كويس ياابراهيم
:))

شمس النهار يقول...

*اغانى الشتاء

لا مافيش كساد طبعا
اي حد بينزل اليومين دول وبيلف هيلاقي الدنيا زي ماهي
العادي خالص
بس المصريين بيحبوا يشتكوا من منطلق الشكوي رقوة

شمس النهار يقول...

*Carmen

ونبي ياكرم لو كله اتقي الله وصحصح ضميره

كده حبتين كله هيبقا تمام
مره بقول لصاحبة محل ايه البنت اللي بتبيع دي دي هتطفش الزباين قال اهي قاعدة مش لاقية غيرها
البنات دلوقتي بيطنططوا علينا
قلت لها طيب علميها او حفزيها واهو كله عايد عليكي
ردت رد
قالت الرزق علي الله
:)
طبعا الرزق علي الله بعد مانسمع كلام ربنا وناخد بالاسباب السماء لاتمطر ذهب

شمس النهار يقول...

*haneen nidal

فعلا والله الشوام عموما كل اهل الشام
المربع كله ناس بتعرف تبيع صح
فاهمين التجارة صح

:))

ليس فقيرا من يحب يقول...

السلام عليكم

ازيك يا شموسه

الحمدلله انك بخير

ايون هتقوليلى على البياعيين وخصوصا البنات الغلسات
اللى تخنق عليكى تخليكى تمشى وتحلفى ما انتى مهوبه ناحيه المحل ده تانى

باحب قوى الناس البشوشه المرحه واوقات ابقى رايحه اشترى حاجه بس بسيطه ومن ذوق وطيبه اللى بيبيع اصرف الفلوس اللى معايا كلها قبل ما امشى

المفروض اصحاب المحلات يعملو اختبارات للناس اللى هيشغلوهم فى مدى اللطافه وخفه الدم وهما الكسبانين على فكرة ههههههههه

شمس النهار يقول...

*ريهام المرشدي

ولا في كساد ولا حاجة

والدنيا ماشية والله ينور

يعني هنيجي زي ليبيا اللي الحياة توقفت عندهم من فبراير للأن
وماحدش قال كفاية وصمدوا لحد ماربنا كرمهم

الاحلام يقول...

ان لم اجد وانا المشترى الراحه فى المكان فلم ادخله ابدا وفن البيع موهبه من الله فالتعامل مع الجمهور محتاج موهبه وطول صبر لان مثلما هناك باعين مكشرين فهناك زباين عاوزه التكشيره
تحياتى الاحـــــــــــلام

شمس النهار يقول...

*ليس فقيرا من يحب

وعليكم السلام ورحمة الله وبركاته

اهلا اهلا ازيك انتي يارب تكوني بخير

انا تمام الحمد لله

عرفت انك كنتي في لقاء اسكندرية
:)
ان شاء الله نتقابل في اليكس بس لما ارجع من السفر ودودو هتظبط اللقاء

وبالنسبة للختبارات اصحاب المحلات مش لاقين اللي يشغلوهم اصلا
بقوا عمله نادرة خاااااالص
فابيرضوا باي سحنة
:))))

ابراهيم رزق يقول...

معلش انا عارف انك خريجة فنون بس ساعات بهيس شوية
طبعا احنا كنا بنقعد على قهوة عماد طبعا لكن اغلب قعادنا كان على قهوة اسمها قهوة دبوس جنب مكتبة كمبردج لو عارفاها و كنا بنأكل فول على عربية عم عبدة دولار لو كان على ايامكو مش عارف
طبعا عرف قصر الشريعى و عمار الشريعى اتعلم فى مدرسة النور و الامل اللى فى شارع ترعة الجبل
طبعا نسيتى قصر الامير يوسف كمال اللى اتصور فيه فيلم رد قلبى و اتحول الى مركز بحوث المياه الجوفية
انا كتبت بوست عن المطرية و شبهت سكانها الاصليون اللى هم نحن بالهنود الحمر اسمه الهنود الحمر يا ريت تقريه و يا ريت تكتبى بوست عن الايام دى لان ده تاريخ
شارعنا كان كله فيلل و اتهدمت و بقت كلها عمارات و كان ساكن فيه احمد شوقى و النجومى باشا كبير الياوران ايام الملك فاروق و شفته و انا طفل و جعفر باشا والى
اللى انتى بتقولى عليه ده طبعا محضرتوش و معلومة مدرسة ابن خلدون تصدقى اول مرة اسمعها متشكر عليها
تصدقى ساعات باحن انى اروح المدرسة و اقعد فيها
فكرى فى موضوع البوست ده
كويس ان احنا طلعنا جيران
هههههههههههههه
تحياتى

شمس النهار يقول...

*الاحلام

فعلا عندك حق دي موهبة من الله

وفعلا في زباين عايزين مش تكشير عايزين علقة
:))
هتقولي انا عندي معرض موبيليا وكنت بنزل معارض كان البياعين اللي معايا بيصعبوا عليه واقوم اشترك معاهم
وخصوصا بقا لما الحماوات الفاتنات يشتبكوا مع بعض
والاقي الخطيب وخطيبته ياعيني في النص محتاسين
ده انا آالف كتب عن المواقف دي
:))))

Ramy يقول...

أزاى حضرتك

(:

عندك حق على فكرة

بس هختلف مع الدكتورة ستيتة بقى (:

لأن بجد كان موجود حتى قبل الثورة يمكن تكون بس النسبة زادة شوية

أصل انا برضه بياع يمكن مش القاهرة فى شرم و يمكن برضه فى فندق بس مش علشان كدة انا مبتسم للجست أو الزبون ل انا عموماً كدة

(:

Unknown يقول...

صدق رسول الله صلى الله عليه وسلم

شمس النهار يقول...

*ابراهيم رزق

يانهارك ابيض ياابراهيم انت كمان عارف كمبريدج
:))))
دي كانت حبيبتي ايام الكلية كنت لما اكسل انزل وسط البلد اجيب الوان وورق كنت بشتري منها وواحدة واحدة بقينا اصحاب ولحد دلوقتي
:))
اهو عمار بقا تلميذ ماما
وده سبب اننا ماسبناش المنطقة زي تيته ونروح سليمان باشافي البلد البيت اللي بركن قصاده لمابروح التحرير للمظاهرات
علشان ماما كانت بتشتغل في المدرسة دي قبل ماتنتقل منها
وسكنا في عمارة الناحية التانية من المدرس علشان ماما ماتبعدش عن مدرستها
وطبعا فاكره كل اللي انت بتقول عليه وقصر يوسف كمال اللي بقا بتاع فراخ
:))))
انت عارف ان كان جنب المدرسة سنما اسمها سينما نادية مخصوص للأكابر اللي ساكنين علي باشا اللالا ده
:)))))
ونسيت ميدان حجلان اللي كان كله فيلاات جميلة وشجر
واميرة العايدي الممثلة من هناك
وكان شارع نظيف اول شارع يبق فيه عمارات حديثة شارع نظيف اللي في ضهر المدرسة وكان ساكن فيه آل العيسوي ووالد نجوي ابراهيم مستر ابراهيم
ايه ياابني ده تاريخ
وهروح اقرا الهنود الحمر وان شاء الله اكتب بوست وخصوصا ان عندي صور للشارع والفيلات دي زمان
قلبت علينا التاريخ ياابراهيم
:))
علي فكرة انت كده ماقريتش سلسلة عبرنا الهزيمة
علشان انا كاتبه اني كنت ساكنة جنب المستشفي العسكري
مش مذاكر ياابراهيم
هو جيل الشباب كده مش بيذاكروا
:)))))
:)))

شمس النهار يقول...

*Ramy

اهلا بيك يارامي
انا كويسة الحمد لله يارب تكون انت بخير

لا يارامي ماتقارنش شارم بهنا
في شارم مش بيشغلوا الا اللي يكون فعلا نافع
مش اي حد
لكن هنا المهنة بقت من لامهنة له

beautiful mind يقول...

مهو البياع بردو والله عنده حق
الراجل بستحمل رزالة الناس
ومناهدتهم ووجع القلب بتاعهم
وبردو هو مواطن مطحون هيفش غله في مين يعني
اكيد في اي زبون
هههههههه
والله الواحد ما عارف يلاقيها منين ولا منين
دومتي بكل خير
وكان الله في العون

شمس النهار يقول...

*محمد الجرايحى

عليه افضل الصلاة والسلام
ماكان ينطق عن الهوي

شمس النهار يقول...

*beautiful mind

:)))
ضحكتني

يعني مايفشش غله غير في الزباين يطفشهم يعني

اخبار اضراب المعلمين ايه؟

ابراهيم رزق يقول...

طبعا انا عارف ان نجوى ابراهيم من المنطقة دى و اسمع عن مستر ابراهيم والدها
اسمع عن سينما نادية لكنى لم اشاهدها و لكنى سمعت عنها
فى نهاية شارع على باشا الالى كان يسكن اكرامى حارس الاهلى السابق
ميدان حجلان كان فيه استاذ انجليزى اسمه محمود منجود كنت بأخذ درس انجليزى عنده فى البيت
هاقولك على سر على الله المدام متقراش التعليق كان فى بنت حلوة و رقيقة بتقف فى كمبردج و احنا كنا بنروح عشانها و كل الكتب و الادوات من هناك لدرجة انى كنت غاوى جرائد و مجلات كنت بشترى كل الجرائد من هناك و كنت بحجز مجلة الشباب
ههههههههههههههههه
صحيح لم تجاوبى على تعرفى عربية الفول بتاعة عم عبدة دولار ولا لا
تحياتى

catroz يقول...

بصراحه لما بلاقى محل كده ... بمشى و اسيبوا :D

AHMED SAMIR يقول...

دي بتبقى نوعية من البشر مش فارق معاهم اكل عيشهم و لا خايفين على مصدر رزقهم اساسا
هو مش فارق معاه المحل اللي بيشتغل فيه لأنه مش صاحب المحل
تقدري تقولي
قلة ضمير

شمس النهار يقول...

*ابراهيم رزق

مش اكرامي بس الخطيب من عين شمس

والبنت الحلوة بتاعة كمبريدج دي زوجة صاحب المحل
:)))
كانت فعلا امورة
:)))
ولازالت علي فكرة
:))))
اما عربية الفول ماعنديش فكرة عنها الصراحة بس ممكن اللي يعرفها اخويا الصغير اللي اعتقد ان ممكن انت تكون عارفه بالشكل ده
:)))))))))
:))))
البلوجر بقا فيه اتحاد ساكني حلمية الزيتون القدماء
:))))
بس انت مش قدماء
:))))

شمس النهار يقول...

*catroz

انا اصلا اول مابقول السلام عليكم ويترد عليا من غير نفس مابتكلمش بخرج علي طول وسط زهول البياعة
:))
بس ليا محلات معنية البياعات عارفيني
برتاح للتعامل معاهم

شمس النهار يقول...

*AHMED SAMIR

اهلا بيك يااحمد
يارب تكون بخير

تصدق ان الكل اجمع انها فعلا قلت ضمير

الضمير عايز منادي في البلد دي
:))

ريري كربكه يقول...

والله كلامك صح ذي ما يكون حاسين اللي داخل يشحت منهم مش هيشتري
لازم يعرفوا ان الزق يحب الخفيه ولا ايه
بوست حلو تحياتي لكي شموسه

لــــ زهــــــراء ــــولا يقول...

من فضلك ابتسم ... مش عشان هنخدلك صورة (:

لولا

Tamer Nabil Moussa يقول...

عندك حق ياشمس والله

كلنا بنحس بكدة وبتكشيرة البائع بس ياترى ليها اسباب؟ ولا الحكاية وراثة عندنا

مع خالص تحياتى

شمس النهار يقول...

*ريري كربكه

:)))
ده حتي اللي بيشحت ممكن يقولوا له كلمة علي الماشي
لكن دول بيعملوا الزبون علي انه عبد مملوك
:))

شمس النهار يقول...

*لـــولا وزهـــراء

:)))
ده حتي الناس دلوقتي لما بتيجي تتصور مابتبتسمش

:))

شمس النهار يقول...

*Tamer Nabil Moussa

ازيك كنت غايب فين
يارب تكون بخير يارب

لا ده ورث البياعين بيورثوه لبعض
شكلنا شعب بيحب التوريث

:))

غير معرف يقول...

السلام عليكم

جميل جداً حديثُ رسول الله ( صلي الله عليه وسلم )

وجميل الموضوع

تحياتي وتقديري

شمس النهار يقول...

*citizen x

وعليكم السلام ورحمة الله وبركاته

انت بتغطس فين
:)))
ماعرفتش اعمل حاجة في النماذج خاااااااااالص
:))

Kiara يقول...

ساعات بحس انهم هيضربونى من تكشيرتهم

×_×

غير معرف يقول...

عزيزى شمس النهار
واضح انك عندك حاجات كتيرة عارفها عن شارع على باشا الللا
ياريت نتكلم أو نتراسل بالإيميل
انا من من تقسيم ثروت
لكنى دلوقتى ساكن فى فيصل
ولما لقيتك كاتب إن المنطقة كان فيها قصور
حبيت اعرف المزيد
هل من الممكن نتراسل على هذا الميل
wagdykomy@hotmail.com
كل اللى عاوزه بس
لو ينفع تبعت لى لينك
او تقول لى اجيب منين المعلومات دى اللى انت قايلها
تحياتى
وجدى