الثلاثاء، 20 سبتمبر 2011

ثورة لأ ماثوراشي

ثورة لأ ماثوراشي
ليييييييييييه ؟؟
تعالوا نش
وف ليه؟

رحت مكان ما من غير اي واسطة ولا حد يوصي علينا
مع ان لو طلبت هيضرب لي بروجي وانا داخلة
بنتي قالت لي هنروح كده مش هتقولي لحد
قلت لها وانا متعنطظة اوووووووي
نقول لحد ايه يابنتي
مصر اتعمل فيها اجمل ثورة الناس اتغيرت
وياويله اللي مايسمع كلام بنته الصغيرة
المهم
دخلت وبعد السلام عليكم اللي اترد عليها بالعافية ومن تحت الضرس
قلت انا جاية ليه وحاجزة ايه وعايزة ايه
مش عايزة اقول لكم
كم قلة الزوق والبواخة اللي صدرت من هذا الشاب
وكالعادة مااتنرفزتش
انسحبت من قصاده وهو بيتكلم وخرجت عملت اتصالاتي
ولما اخدت الاوكيه لاقيته هو اللي طالع من مكتبه المكيف يدور علي سعادتي
واتغيرت الدنيا وبقت سيادتي والدنيا بقت بمبي
انا بقا ماسكتش
قلت له هو انت اشتركت في المظاهرات بتاعة الثورة
بكل فخر وحماس انا كنت من المقيمين يافندم يومي رغم خطورة ده عليا
قلت له يعني انت ثورجي
قال اه
قلت له طيب ليه لابس عباية النظام القديم
ليه لما جيت لك من غير وصاية رغم اني جاية اخد خدمة وهدفع تمنها
مش هقولك من اللي عليك
عملت كده
ولما عرفت اني اخت فلان عملت العكس تماما
قلت له للأسف احنا عملنا ثورة علي نظام
ولسه النظام ده معشش في عقول اغلبنا
ايه هنغير الشعب كمان
زعلاااااااااانة بجد

هناك 51 تعليقًا:

باحث عن حب يقول...

السلام عليكم شمس
وحشتنىمدونتك ومدونتى
بقولك الواقع اصعب من كده بمراحل اخويا عمل عمليه قرح فراش فى التأمين الصحى من 3 شهور وحنا ملناش غير ربنا مش عاوز اقولك بجد لولا الدكاتره المعرفه كنا اتبهدلنا منه لله دمرنا

سواح في ملك اللــــــــــــــــــه- يقول...

بصي ياست الكل

الثورة دي مش هتنجح الا بعد مايتعمل

ثورة قوانين

يعني مثلا المرتشي ياخدله كده قد 15 سنة

دون شفقة ولا رحمة

عشان يبقي عبرة للي بعده

وده لواحدة حاجة من ضمن مجموعة

حاجات جرائمها تبدوا بسيطة

وعقوبتها ايضا عقوبات لاتصل لمستوي

الردع

المدرس مثلا بتاع الدروس الخصوصية

لازم تبقي جريمة كبري يعاقب عليها

عقاب رادع

المخامي الافاق والدكتور اللي بيشغل

عيادته

والاجزاخانات اللي بتبيع الادويه

المخدرة بدون روشتة

دي منظومة كاملة عشان البلد تنضف

لازم يكون فيه صف اول منها ياخد

عقوبات مشددة تردع اي حد

تحيتي لكي

sabry abo-omar يقول...

الغريب انك لسة مش عارفة ان الشعب لسة ماتغيرش.. لكن الصراحة الهدف من الثورة هو بداية تغير الشعب يعنى لو الثورة ختبقى نجحت يبقى هاتلاقى الناس متغيرة بعد على الاقل 10-15 سنة او كمان 50 يبقى خير.. يعنى احنا بنعمل للاجيال اللى جاية ولو الثورة مش قامت كان واللا مليون سنة ومش هانتغير.. اظن فيه امل


ولغاية الكام سنة دول مايمروا .. معلش تليفونات الوسايط بتاعتك دى ياريت تنزليها فى بوست لوحدها لاخوانك فى التدوين لاننا تعبنا من البهدلة..

Unknown يقول...

للأسف ...............الثورة كان لازم الاول تقوم على سلوكياتنا الخطأ وعلى نفسنا قبل ما نثور على النظام.....لأن النظام كان ممكن يبقى أحسن بينا ....لو كل واحد غير اللى جواه
ياااااريت بجد نفهم قـول الحق تبارك وتعـالى في سـورة الرعـد : (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)

Unknown يقول...

وأنا بقرأ البوست ده أفتكرت نفسى بعد نجاح الثورة بشهر
لما اتعرضت لموقف .......موظف كان عاوز ياخد رشوة " اكرامية" بس أنا رفضت وأقنعت زملائى بوجهة نظرى واقتنعوا وبعدين هو نفذ لينا الخدمة بدون مقابل مادى ......وبكدة نجحنا اننا نغير شئ

حَنيّـن نِضال يقول...

ان الله لا يغير ما بقوم حتى يغيروا ما بانفسم مش لما يغيروا النظام بس

Miss LoZa يقول...

هو سهل اوى بين يوم وليلة حال البلد يتغير
انما مش سهل ابدا ان تفكير الناس يتغير
المهم سيبك انتى انا لفت نظر حاجة مهمة
انك واصلة
ينفع ابقى استغل اتصالاتك ؟؟
ههههههههههههههههههههه
بهزر طبعا
معلش مش تزعلى ان شاء الله هيجى اليوم مش هقولك الى نلاقى فيه البلد احسن
بس هقولك الى نلاقى فيه تفكير الناس ارقى :)

ابراهيم رزق يقول...

مسحراتى منقراتى
ع الطبلة ايدى
ريشة فى دوايتى
اسمع يا سيدى
اسمع حكايتى
مع استمارة
راكبة حمارة
اول ما راحت
راحت لحسنى
قالت يا حوستى
هو انت فاطر
انا كنت فاكر
خايك مكانى
مش حانسى تانى
راحت لذكرى
قال تيجى باكر
و تروح لفكرى
قال روح لشاكر
و لا لشكرى
شكرى فى اجازة
راحت لبهجت
لا حط ماذا
و لا سالها
اشر نقلها
راحت لهانى
خليك مكانى
هانى الطاطورى
قال فيما يبدو
حتروح لعبدة
لازم ضرورى
ضرورى لازم
راحت لحازم
منه لتيفة
شاغلاه لطيفة
منه لمكتب
راجل مؤدب
ببدلة بنى
قاله اظنى
فى تانى اوضة
عند الموظف
ابو بدلة سودة
بدلة رصاصى
قال لامؤخذة
مش اختصاصى
يا سيدى لاظوغلى
خلصلى شغلى
فى تانى طرقة
على شمالى
لبدلة زرقا
شرحت حالى
قال ثانية واحدة
و الاستمارة
من يومها قاعدة
راكبة الحمارة
لو كنت راكب
مكنتش اوصل
و لا اؤدى واجب
و لا احصل اطلع بلاشى
احسن لى افضل
على مهلى ماشى

تصدقى فؤاد حداد كتب ده عن البروقراطية و نحن حتى الان مازلنا نعانى منها و من الواسطة
ارحمنا يارب
فى ناس اكل عيشها من الحاجات دى
لو سهلها على الناس هيسترزق منين
تحياتى

ريري كربكه يقول...

تزعلي من ايه بس يا شموسه
ما هو ده الشعب المصري ولا اقولك علشان مظلمش هو ده جيل حسني
ربنامعانا بقى في اللي جاي
تحياتي لكي
تقبلي مروري

Kem يقول...

اولا مش معنى انه هو قالك انه كان من (المقيمين) يبقى هو فعلا كده , اصلها بقت منظرة اليومين دول .
ثانية عكاشة قالها العقلية البشرية بتاخد 5 سنين عقبال ما تتغير يعنى قدامنا خمس سنين عقبال ما الحاجات دى تخلص , مع العلم انها عشان تنتهى لازم اوضاعهم المالية و ظروف العمل تتحسن , ده الموظف بتبقى حاجة متستاهلش و تلاقيه بيكتب 500 ورقة و المكاتب شكلها غم و الله بيصعبوا عليا . بس ده مش مبرر لقلة الضمير و انه ميريحش و سياسة الدرج المفتوح
تحياتى

مصطفى سيف الدين يقول...

للاسف يا شمس احنا عملنا ثورة على الحاكم والنظام السياسي لكن معملناش ثورة على النظام الاخلاقي
غيرنا قمة الهرم وسيبنا قاعدته خربانة
محتاجين ثورة تانية اكبر
تحياتي

Bent Men ElZman Da !! يقول...

غريبه بجد اوووى ان الشاب ده من ضمن اللى نزلوا التحرير وهو جواه كده !!!
اومال كان بيعملوا ثوره على ايه لما هو من النظام القديم اصلا ؟!!!

Ramy يقول...

دول اللى هاصوا ف الهيصة

حاجة تقرف

لسة الصبح انا و داخل السوبر ماركت

و الناس مستنية داخل واحد بعلبة السجاير

معلش يا جماعة دى بس

ف اللى ورايا قاله اتفضل

فقلت له اللى قدامك معه كيس لبن

طبعاً بصولى شذراً

و احنا اساساً مستنين من فترة علشان واحدة اشترت الماركت كله تقريباً

واساساً مفيش غير ديسك واحد بس اللى فاضى

ممكن يكون المثل للبعض هايف

بس انا عاوز اوصل ان اننا حتى احترمنا لبعض ف اهيف حاجات مبقش فيه

و غير و غيره

مش كل اللى كانوا ف الثورة كانوا بيثوروا علشلن التغير اكتر منهم انهم عاوزين يتفك القيد الأول

و بعد كدة نفكر ف التغير

و يمكن برضه دى امراض النظام اللى كان

و عاوز علاج و ربنا يسهل كدة و نتعالج

ياااارب

Foxology يقول...

ده العادى والطبيعى !

جيل بأكمله ( للمصادفة كلمة جيل تطلق على مجموعة من البشر عاشوا فى نفس الظروف ونفس البيئة لمدة لا تقل عن 30 سنة ) طلع كدة ولقى نفسه كدة محدش هيتغير والله وده عن يقين

ربنا يرحمنا برحمته

تحياتى

Tamer Nabil Moussa يقول...

الحكاية مش حكاية تغير شعب ياشمس

الحكاية بتاعة الشاب دة زى اللى كتبتى عنة عن البائع المكشر بالظبط

حاجة اتعود عليها بعيد عن المفروض يعملة وبتعمل منة من سنين فبقت عادة سيئة زى التدخين

الحكاية هتخد وقت وتصلح وللااسف مش الكل هيقدر يغير نفسة

مع خالص تحياتى

شمس النهار يقول...

*محمود(باحث عن حب)
وعليكم السلام ورحمة الله وبركاته

اهلا بيك يامحمود
البلوجر نور

ربنا يشفي اخوك ويعافيه

لنا الله

شمس النهار يقول...

*سواح في ملك اللــــــــــــــــــه

تيوووووووووة
قوانين بجد الجد
ومش قوانين وبس لا
قوانين تحترم
تطبق علي الجميع بغض النظر عن همه مين
تطبق علي الغني قبل الفقير
علي الكبير قبل الصغير
علي القوي قبل الضعيف

لو ده اتعمل الدنيا هتبقا فلة

فشكووول يقول...

السلام عليكم شمس هانم
من سنة 1952 واحنا عايشين بنفس النظام
اذا ما كانش واسطه ما فيش فايده
وفى التلاتين سنه الاخيره .. حتى ساعات الواسطه ما كانتش بتنفع وما بينفعش الا تأبجى الآستاذ اللحاليح والا روحى مطرح ما انتى عايزه
اصبحت عندنا ثقافة ان لازم الواحد يدفع ثمن الخدمه اللى هو دافع ثمنها رسميا فعلا
خدى عندى .. ما تقدريش تركبى عداد الكهرباء الا لما تدفعى للحكومه الشيئ الفلانى واللى يخرب البيوت وكمان لازم تدفعى للباشمهندس الشيئ الترتانى
تركبى الميه
تطلعى ترخيص مبنى
حتى فيه حاجه فى المجالس المحليه يقول لك اسأل استشير .. وعارفه ثمن الاستشاره الحكوميه دى بكام .. 750 جنيه .. يعنى تقول لهم سلاموا عليكم يقولوا ادفع 750 جنيه وخد وصل .. طب هما عملوا ايه بقى الا انهم قالوا لك ماشى اعملى بشرط تدفع للحكومه المبلغ الفلانى
يعنى بصراحه ما حدش واخد باله ان حتى الخدمات الحكوميه بقت غاليه جدا جدا جدا مجرد تصريح الحكومه له ثمن غالى جدا
واصبحت الحكومه تقود قطار السلب والنهب وكله بالقانون
يبقى الشعب حيكون ايه
بصراحه وبصراحه قوى .. اصبحنا كلنا فاسدين .. هما افسدونا وافسدوا ثقافتنا وافسدوا عقولنا .. يا نهار اسود ومنيل بنيله .. شعب كله يصبح فاسد .. للاسف هى دى الحقيقه

احنا عايزين ثوره اولا للقضاء على الخدمات الغاليه جدا اللى الحكومه ما بتقدمهاش للشعب عشان الموضوع زاد عن حده
اوعى تصدقى ان الكهرباء عندنا مدعومه زى ما بيقولوا لنا ويضحكوا علينا
دعم المحروقات والمواد البتروليه ليس دعم حقيقى ولكنه دعم حسابى
حتى الدعم الحقيقى الـ 12 مليار جنيه بتوع العيش ما بيوصلش للناس كلها وبقى حق المخابز انهم يبيعوا الدقيق المدعم فى السوق السوده وسلم لى بقى على الشعب واللى خلفوه وكمان سلم لى على الترماى ولو ان ما عدش ترمايات
سلام

شمس النهار يقول...

*sabry abo-omar

كلامك صح يادكتور
بس المفروض ان الثورة تغير برضوا والعقل زينة
لكن كده حاسة التغير للأسوء الناس اتجرئت اكتر
وماعدش يهمها
وده تغير سلبي

واي خدمة يادكتور اي واصتة
بس فعلا انا مش بحب الواسطه مش بتضر لها الا لما بيكون خلاص

شمس النهار يقول...

*ديارا المصرى

ماهو الثورة علي نفسنا دي بقا
تيجي مننا
انا ماحبتش اطول مع هذا الشخص كان ممكن اتخانقت معاه واخدت اللي انا عايزاه
بس انا حبيت اديله درس اوريله نفسه وشكله ايه بعد مايعرف وسطتي
وفعلا لما اتناقشت معاه بعدها بجد حط وشه في الارض وقال لي عندك حق لازم احنا نتغير مانستناش حد يغيرنا او نتغير خوف من بعض
قلت له لا نتغير علشان خوف من الله ولمرضات الله

شمس النهار يقول...

*haneen nidal

كل واحد فينا يغير في المحيط بتاعه
وشوية شوية
الدنيا هتتغير
اعتقد ان الشاب ده مش هيعمل كده تاني مع حد
بعد اللي اتعمل فيه

شمس النهار يقول...

*Miss LoZa

انا عارفة انه مش سهل ان الناس كلها تتغير
بس علي الاقل الناس اللي شاركت في الثورة والمؤمنين بالتغيير
بس يشارك ولا يتغير دي كانت غريبة حبتين
ازاي اثور علي وضع
وانا جزء لا انا الوضع نفسه

وانتي تؤمري اي واسطة شاوري بس
:)))))

شمس النهار يقول...

*ابراهيم رزق

كنت بحب اسمعها من مكاوي وبرضوا محمود الجندي بيغنيها كويس

يعني يسترزق ياابراهيم من مال حرام
تصدق عمري مادفعت رشوة لحد رغم اني كان عندي توكيا صغنن كده علي قدي
ورغم اني لسه عندي عمل حر عمري مادفعت رشوة
:))
اروح النار انا بقا هي ناقصة
:)))

شمس النهار يقول...

*ريري كربكه

وحياتك مش جيل حسني بس
ولاضم معاهم جيل الانفتاح
الانفتاح ده نظرية جميلة
بس المصريين البرماجية الفهلوية
حولوه لكااااااااابوس

شمس النهار يقول...

*اغانى الشتاء
ايوة صح
:)))
هي بقت منظره اليومين دول فعلا
:)))

ويوريك صورته مع الدبابة
كنا لسه بنتكلم علي تويتر علي الموضوع ده
:)))
الثوار الحقيقيين مااتصوروش مع الدبابة
ماكانوش فاضين
:)
عارف بقا انا نفسي يعملوا مكاتب للموظفين اللي بيتعاملوا مع الجمهور من غير ادراج
:))))

شمس النهار يقول...

*مصطفى سيف الدين

احنا محتاجين ثورة علي نفسنا
كل واحد يعمل ثورة حواليه
اولها ان سكان العمارات يعملوا ثورة في شارعهم وينضفوا حواليه:))
لكن لسه الانانية وكلمة وانا مالي شغالة

شمس النهار يقول...

*Bent Men ElZman Da !!

ماهو ده اللي غاظني
يعني انت نزلت تثور
علي شئ انت بتعمله شخصيا
يبقا ثورة ايه بقا
وعلي فكره مش هو لوحده

شمس النهار يقول...

*Ramy

لا المثل مش هايف يارامي

ده فعلا بيحصل
تلاقي الطابور طويل وواحد جاي يعمل كده وتلاقيه مجرد ما يوصل تلاقي معاه تلات اربع حاجات
واللي يغيظ ان بيبقا في اكتر من كونتر وصاحب المحل قافلهم
ليه بنعذب بعض مش عارفة

لا مابنحترمش بعض وكله ماشي بالفهلوة
لو بطلنا فهلوة البلد حالها هينصلح
:)

شمس النهار يقول...

*Foxology

رغم اللي بيحصل ورغم كلامك ياابويوسف
بس انا متفائلة جدااا

ان شاء الله كله هيبقا تمام

شمس النهار يقول...

*Tamer Nabil Moussa

ايووووة
هي العادة
الناس اتعودت علي ده
اتعود

لكن المفروض الثورة بتكون علي التعود الغلط
المفروض الشاب اللي اشترك في التغيير يتغير ويغير اللي حواليه

شمس النهار يقول...

*فشكووول

وعليكم السلام ورحمة الله وبركاته
عمنا فشكول

تعليقك جاب من الاخر صراحة
واذا كان رب البيت بالدف ضاربااااااا

بس مش هي كانت ثورة
والا
لأ
ماثوراشي
يعني ينفع يعني
يبقا الشعب لسه لم يسقط النظام

:))

mhsnelmhmdy يقول...

امر طبيعي جداً مش من المفروض ابدا اننا نغمض ونفتح نلاقي انفسنا ملائكة
وستبقى الثورة المصرية عظيمة
حتى وان لم نجني ثمارها الأن
الاهم ان الاجيال القادمة ستكون افضل حالاً منا ان شاء الله

تحياتي لك

شمس النهار يقول...

*شخصٌ مَا

بس علي الاقل من ثار علي شئ يلتزم به
مش يقلد من ثار عليهم

Unknown يقول...

لكن لسه فى أمل .......
بارك الله فيك وأعزك

mrmr يقول...

وحشتينى يا شمس الشموسه
انت مضايقه علشان شخص مثل هذا
عايزه اقولك ان الشخص ده فيه منه ملايين مش مئات
انا حاسه ان الثوره اتعملت بس علشان نغير الروساء والوزراء فقط مش علشان الناس تتغير
الناس هى الناس والطبع هو الطبع
وعمر ما المصالح الحكوميه ح تتغير ولا تعدى مصالح الشعب بدون وسطه ولا رشاوى للاسف هذا هو الواقع الاليم

ارحم يارب

Ms Venus يقول...

ثورة !!

كل ثورة وانتى طيبة يا شمس

انا خلاص احبطت وكلى يأس

الفقيرة إلى الله أم البنات يقول...

للأسف ده هو الواقع احنا شيلنا مبارك راس الافعى بس كلنا ملتحفين بالافعى نفسها لغاية ما لبستنا
وبعد كده اسمعى كلام بنوتك الصغيرة

شمس النهار يقول...

*محمد الجرايحى

طبعا الامل في الله وحده
ان شاء الله خير
شكرا علي الدعاء الجميل

شمس النهار يقول...

*mrmr

مرمر ازيك يارب تكوني بخير وحشتيني مختفية فين؟

الوزراء اتغيروا لكن السياسة واحدة والخط واحد
واحنا شعب لازم يتغير بسن القوانين اللي تمشي علي رقبة الكل

شمس النهار يقول...

*Ms Venus
لالالالالالالا

ونبي ماتحبطي

مش عايزين احباط
كل واحد فينا يغير في مكانة
والثورة هتنجح للي نفسه طويل وبماان القئمين علي الامور الان من قهوة المعاشات
يبقا المستقبل ليكم انتوا
خاللي نفسكم طويل
وماتسكتوش ولا تيأسوا

شمس النهار يقول...

*الفقيرة إلى الله أم البنات

:))
ايوة هي قالت لي كده ابقي اسمعي كلام بنتك احسن
:))))

نيللي علي يقول...

"لسه " شويه عقبال مالناس تتغير ..بس كلمه "عقبال"انا مش شايفها بعيد ومش قريب ..شايفها طبيعيه ..من فساد 30 سنه ..لسه الشعب بيعاد تربيته من جديد ..ليس لانه قليل الربايه ..ولكن لانه لم يجد من يكبره على النظام ..لكنه شعب اصيل يحتاج الى اعاده تنظيمه مره اخره ..وشغل على ميه بيضه :)
وعشان امثال هؤلاء يتغيرون لازم احنا نقف امامهم ..ونوجهم مثلما فعلتى هى دى الايجابيه

نيللى

beautiful mind يقول...

السلام عليكم اولا
يا استاذتي الفاضلة لسه فيه ناس كتير اوي كدا
لسه الرشاوي شغاله والمحسوبيات والوساطه علي اخرها
احنا هنتغير امتي بقي
النظام البائد كان بيشرب الناس دا في بقهم من وهما عيال
ربنا ياخدهم كمان وكمان

خ ــالد احمد يقول...

السلام عليكم ..
ده كلام مظبوط وواقع لسه جوانا انظام معشش والكوسه والخ ..
ياترى الثورة نجحت للأسف جزئياً اوك لكن الشعب هيتغير ازاى ده عايز 80 مليون ثورة .. اسف بس صاحبة الحوار رغم انها بتقول شئ جميل إلا انها كمان ماخلعتش العباءة لأنها استخدمت النظام وكان ممكن تعلمه الأدب طالما مؤمنه بالثورة
رحماك يارب وشكراً بجد

الاحلام يقول...

اختى الغاليه شمس
اقسم لكى ان ما قلتيه هو ابسط شىء الواحد يواجه فى مواقف مثل هذه ولو قلتلك مواقف بالذات ما يحدث فى المستشفيات وانتى معكى مريض وفى الجهات الحكوميه المدونه هتنفجر من كثرة المواقف لا تحزنى اختى فلولا السىء ما احسسنا بالجميل فانتى احمد لله قضيتى حاجاتك فالله معنا نحن فلا يوجد لنا ما نستند اليه
دمتى بخير ابوداود

مذكرات موززه عانس يقول...

طبعا لازم الشعب يتغير هو انتى فاكره ان خلاص كده يا شموسه لا طبعا دا احنا محتاجين ثوره على اخلاقنا وعلى ضمايرنا كمان وبرافو عليكى انك عملتى كده وواجهتى كل ماتحسى انك تقدرى تصلحى صلحى

شمس النهار يقول...

*نيللى

ايوة معاكي هناخد وقت
بس لازم كل واحد يغير في محيطه
ونكون كلنا اكتر ايجابية من كده

شمس النهار يقول...

*beautiful mind

وعليكم السلام ورحمة الله وبركاته

انت بتستهون ب30 سنة
لاتعليم ولاثقافة
وزل وهوان

شمس النهار يقول...

*احساس مرهف بالحب

وعليكم السلام ورحمة الله وبركاته

انا لما عملت كده
ده كان ابلغ رد عليه
اني حطيته قصاد نفسه
يعني انت نزلت الثورة وغيرت ونسيت تغير نفسك
انا رحت من غير اي واسطة علشان انا رايحة اخد حقي رايحة اخد شئ بتاعي دفعت فيه فلوس
مش رايحة اخد حق غيري
ولما جبت له الواسطة واحترمني واحترم الامانة اللي معاه من خدمة المواطنين
اديته درس في الاخلاق اعتقد مش هيناس وبالتجربة العملية
:)

شمس النهار يقول...

*الاحلام

والله الواحد حزين
ان الحال وصل لكده
والناس موتت ضمايرها
بس عندي امل
ان شاء الله يكون كله تمام

شمس النهار يقول...

*bombona

لا يأس مع الحياة

طول مااحنا عايشين نحاول
وكله علي الله

:))