خبر ماقدرتش امنع نفسي اني انشره
مع اني كنت عايزة اسيب بوست ثورة لأماثوراشي
كام يوم
بس ده خبر لازم يتنشر
من باب
للذكري الخالدة
:))
تجميد ارصدة جماعة((اسفين ياريس))
ايوة طبعا كان واضح من التي شيرت المطبوع والكابات
بس يعني بتلاته مليون بس
ونبي اضحك عليكم
ابوكوا ايه بقا
ماطلع ابوك الجنيه
:))
مع اني كنت عايزة اسيب بوست ثورة لأماثوراشي
كام يوم
بس ده خبر لازم يتنشر
من باب
للذكري الخالدة
:))
تجميد ارصدة جماعة((اسفين ياريس))
ايوة طبعا كان واضح من التي شيرت المطبوع والكابات
بس يعني بتلاته مليون بس
ونبي اضحك عليكم
ابوكوا ايه بقاماطلع ابوك الجنيه
:))
هناك 44 تعليقًا:
اشكالهم وطريقتهم في الكلام
يثبت انهم عالم قابضة
شفتي حضرتك الست اللي لابسة سبح دي وبتقول
حلمت ان مصر هتضيع لو حاكمتوا مبارك
وطالبة نرجعه عشان البلد متنهارش
احنا بقي الشعب المصري الحقيقي
لازم نقول اسفين يامصر ان سيبنا العصابة دي تحكم تلاتين سنة
جمعيات خليجية بتمولهم مش بعيد تكون قطر؟
والسلفيين بتمولهم دول خليجية زي قطر ؟
وقطر زعلانة علشان اللي حصل لجزيرة مصر ؟
القرضاوي اكتر اللي بيكرهوا مبارك وجمع الناحيتين قطر والسلفيين؟
قطر كانت عايزة امين الجامعة العربية من عندها وبعدين ثبتتنا لما وافقوا على نبيل العربي وضيعوا مننا احسن وزير خارجية؟
قطر من اكبر الدعاة لحرب الناتو ضد القذافي على حدودنا جبتلنا امريكا وظبطت لنفسها صفقة بترول ليبيا؟
وقت ما قررنا عدم تصدير الغاز قطر عرضت تصدره لاسرائيل بدالنا؟
هو في ايه؟
مال قطر بينا محسساني ان مصر جوز امها
على فكرة انا مع قرار طرد قناة الجزيرة مصر لحد ما نفهم النوايا القطرية يعني دول عملوا قناة الجزيرة مصر بعد ما مصر هديت وليبيا كانت كلها حروب وضرب وثوار وقذافي وسخونة احداث ومكنوش حتى بيتعاملوا معاهم زي ما كانوا بيتعاملوا ال 18 يوم اللي في مصر
محدش يقولي ان الجزيرة مالهاش دعوة بدولة قطر علشان لو مكنش ليها علاقة بدولة قطر كانت اتكلمت عن الانقلاب اللي حصل عندهم من فترة وكانت اتكلمت عن ثورات الدول الخليجية او النار اللي تحت الرماد هناك وكانت نفخت في النار زي عوايدها
محتاجين مواقف قوية ضد استغباء دول الخليج ومعاملته مع الشعب المصري الى ما يحقق اهداف ملوكهم وامرائهم
تحياتي
اسفين و ابونا
العالم دى معندهاش دم
هو مين اللى يتأسف
اقول لهم بكل فخر
ابوكم السقا مات
و الا عشان تعودتش اكذب
جدكو السقا مات
ابوهم ايه اللى داخل على تسعين سنة و كان عايز يحكم
انتى عارفة كان صديقى طبيب بيكلمنى فى التليفون بيقولى ان مبارك اجرى عملية مسالك تأثيرها عدم التحكم
تخيلى رئيس بيحكم و هو لابس بامبرز و لسه متمسك بالحكم و بنفوله اسفين
تحياتى
صباح الخير يا هانم
تحياتى
قال الصبح النهارده قلت ابص على الدنيا الاقيك ناشره البوست ده .. والله مفاجأه .. خدى بالك انا فى البوست بتاعى طلبت شوية ملايين عشان اقول انا اسف جدا جدا يا ريس وما حدش عبرنى .. يعنى الكل كان فاهم وعارف الفوله .. بس برضه اشمعنى انا يعنى ما يدونيش شوية حتى يعنى الاف ولامائات ولا حتى عشرات الجنيهات .. اهم ينفعم احسن من مافيش .. مفهوم طبعا الناس دى كانت بتعمل كدا ليه
تحياتى
السلام عليكم
كيف حال حضرتك ؟؟
يارب يجمدوهم هم نفسهم مش بس أرصدتهم
:)
عجبني جداً بوست ثورة مثوراشي
مع أنه زعلني بس ده شئ متوقع
نسبه كتيير من الناس لسه زي ماهي
لكن حضرتك تصرفتي بشكل جيد
تحياتي وتقديري
شئ متوقع ومعروف وكنت واثق منه لكن المهم الأدلة والمستندات لأنى مع احترامى للوفد ورزوا مبقتش بصدق غير بمستندات بعد فوضى التخوين والتعميل ( من الاتهام بالعمالة يعنى )
تحياتى والقادم أفضح !
العيال دول اصلا عيال حرام
خليهم يزيطولهم شويه
منظرهم بايخ ووحش قوى جاتهم قرف
عامله ايه يا شموستى
اظن انه أمر طريف في جزء منه ...
شكرًا للنشر و بالتأكيد الحقوق محفوظة لكِ !
تحيآتي لكِ ...
ههههههههههه
بس على فكرة ياست الكل
فيه ناس معاه بقلوبها
مش عشان الجنيه
تقدرى تسميه غباء عبط
عدم فهم هههههههههههه
اصل انا منهم
والله خايفه تحدفينى بفير فوكس
انا طبعا مع الفضاء لكن مش قادرة انس انه مصرى
عارفه انك هتفهمينى صح
اشكرك
تحياتى
لسه كاتبه فيهم اللي ربنا قدرني عليه في اخر بوست ... طلعوا بيتمولوا :))
=)) احسن
ناس مش لاقية حاجة تعملها
خالف تعرف
يعني ينفع كدة...؟!!
يقفلوا عليهم حنفية السبوبة....؟!!
بس ياريت نعرف مين الفل الكبير اللي كان بيدفع؟
دول ناس على ما تفرج
ربنا يريحنا منهم
*سواح في ملك اللــــــــــــــــــه
الست اللي لابسة سبح دي قعدت يومين اضحك عليها ضحك
بيستغلوا ان في ناس بتؤمن بالحاجات دي
يخربيت كده
:)))
عصابة بس ماتقولش عصابة لحسن العصابات تزعل منك
:))))
دول لاوجود لوصفهم اللغة مافيهاش وصف ليهم
*مصطفي سيف الدين
ايوة مش هستبعد قطر ولا السعودية
لييييييه مش عارفة حكام البلدين عايزين ايه من مصر
عمر مصر ماهتتركن وهيبقوا همه الليدر دول اللي عملهم البترول
كمان محمد الفايد قال ازاي عمل الدول دي
حكام قطر بالذااااات في تار بينهم وبين مصر
يكونوش عايزين يحكموا مصر
زي القذافي زمااااااان
قال انا قائد عظيم بلا شعب
ومصر شعب عظيم بلا قائد
واتمني اني اقودهم
بس يمكرون ويمكر الله والله خير الماكرين
مسيرها تتعدل
*ابراهيم رزق
اذا كان ابوهم داخل علي التسعين ولسه رياضي
يبقا جدهم لسه عايش طبعا
:))))
وبعدين هو ماكنش هيحكم تاني
ده كان هيلبسنا في الحيط
ويجي اسم النبي حارسه
ابو الكباتن جمال
يعني الراجل كان خلاص هيتفرغ للبامبرز
ويسيب الحكم
:))
*فشكووول
مساء الفل عمنا فشكووول
الناس دي ليها مواصفات خاصة
مش عندك ياعمنا
:)))
الملاااااااااين لها ناسها
:))))
ومن الاول كان واضح انهم بيقبضوا لكن من نزلاء طره
مش من الخليج
طلعوا مش بيحبوه لله
:)))
*citizen x
اهلا بيك
ياتري توصلت ايه اكونت زيمبابويه اللي كان بيظهر ده
:)))
لاتقلق مش هيتجمدوا دول هيتسجنوا علي الخراب اللي عمالين يعملوه في البلد
ويقول لك دول بتوع الثورة
شكرا علي متابعتك
*Foxology
لاتقلق النهاردة كنت عند المحامي بتاعي بديله اوراق
وطبعا دول في وسط المعمعه
قال انهم قابضين علي ناس واعترفوا
وكمان في ناس متصورة منهم بتعمل شغب عند السفارة
وقبضوا علي الولد اللي سرق عربية المطافي
وطلع منهم
ان شاء الله كل شئ هينكشف ويبان
بس ياتري حكام الخليج بيحبوه ليه كده
*ليس فقيرا من يحب
اهلا اهلا
ازيك
يارب تكوني بخير
اماانا فاالحمد لله في فضل ونعمة من الله
بتغيبي كتير ليه
بلوجر هو الاصل
:))
سيبك من الفيس
:))))
*dodo, the honey
اهلا بيكي في اول زيارة
نورتيني
:)
*جايدا العزيزي
:)))
ضحكتيني ياجايدا
ليه غباء وليه عبط
هو عدم فهم بس وعاطفية زيادة عن اللزوم
ولو ان مشاهد قتل المتظاهرين والعشوائيات تجعل من يحبه يكرهه
بس اكيد ليكي وجهة نظر
وصدقيني انا بحترم رغبت كل انسان
انت اخترتي تبقي معاه بقلبك انتي حره
ونظل اخوات واحباب
مش علشان الرؤيا اختلفت نقطع بعض
انا ضد ان علشان اختلفنا في الرؤيا
نتبادل الشتائم
ونسفه من فكر بعض ونتهم بعض بالعمالة والخيانة
لكن دول بالذات عملوا مشاكل ولجؤا للعنف ضد الشعب من اول موقعة الجمل
واهلا بيكي في المدونة في اي وقت
البيت بيتك ياجميلة
*فتاه من الصعيد
اهلا اهلا
حمد الله علي السلامة
انتي كمان كاتبة عنهم
لا
هروح اشوف حااااااااالا
:))
*Carmen
ايوة احسن
ولسة
:))
*haneen nidal
مش لاقين حاجة :))
بس لقوا ناس تديهم فلوس
علشان يشروا
:))
*AHMED SAMIR
ايوة نكدوا عليهم
بس مش هيغلبوا
واهو يروحوا طره يونسوا اسيادهم
:))
*سبايدرمان
هتفرج ايه اكتر من كده
:)))
دول اخدوا تلاته مليون
:))))))
السلام عليكم
الجديد بقا يا شمس انهم رفعوا قضية و أنكروا كل دا ، و أن هذه الأموال من محبى "أبوهم" ... و عجبي
على رأي محامي خلع
الخبر متوقع ومن الأسئلة النموذجية
بس العجيب انه فرحنا برضه
وخلانا نقول هيق هيق هيق
ربنا يفضحهم كمان وكمان
وكأن ال3 ستات اللي من كوكب زحل يوم المحاكمة مكنوش سبب كافي للفضيحة وعلى رأسهم سمو الشيخة الشريفة العفيفة ذات الشمعة القايدة ماجدة هههههههههههه
الخليج حكاموه ها يتجننوا ونحن سعداء بهذا غاية السعادة
تحياتي
فعلا
كده تمام
انا فعلا استغربت من اخر جلسه ليه مفيش خناقات زي كل مره؟؟؟
ياريت باقي الحزب و رجاله يتحطوا تحت المراقبه علي الاقل اعضاء البرلمان السابقين
*ريهام المرشدي
وعليكم السلام ورحمة الله وبركاته
يرفعوا زي ماهمه عايزين
ده فيهم ناس متصوره وهمه بياخدوا الفلوس
اتضح انهم كانوا تحت الميكروسكوب
ربنا يجازيهم
*ستيتة حسب الله الحمش
طيب انتي عارفة ان في ناس صدقت
الست البركة دي
اللي جاية من عمق الخرافة الخزعبلية
وناس متعلمه كمان لما كنت هتنقط
اما بتوع الخليج فافي راسي
مليون علامة تعجب واستفهام
همه ليه بيحبوا اوي كده
!!!؟؟؟؟؟
عموما خليهم يدفعوا فلوس زي ماهمه عايزين
ويدبروا ويفكروا
عمر الساعة ماهترجع لوراااااا
:))
*ذو النون المصري
دول اه
لكن اعضاء الحزب لا
دول راجعين في احزاب جديدة
وربنا يستر علي الانتخابات
انا بس حبيت اعلق على تعليقك على بوست اغلبية الهنود الحمر حتى تستطيعى قراءة التعليق
عمال اخذ منك معلومات جديدة مثل فيلا عباس فارس بس انا اعتقد ان بيت العز مكان شركة الصلب استيلكو يمكن تكون فيلا عباس فارس العمارة اللى جنبهم
نسيت اقولك ان الرسام الكبير كرم حنين الفيلا بتاعته فى الشارع اللى جنبنا بس للآسف اصبحت مهجورة و معروضة للبيع
كان نفسى احتك و اتعايش مع الارمن بس كان فى فرن مشهورة فى شارع خارجة المطرية اسمها فرن الخواجة يمتلكها رجل يونانى و كنت بجيب من هناك و انا صغير فينو فى منتهى الجمال و لذة الطعم و بعدين اتباعت لسلسلة افران امريكان سويت
فى انتظار بوست الهنود الحمر الخاص بكى
ههههههههههه
تحياتى
والله جماعة اسفين يا ريس دول عالم بكحه
ولا هما عارفين حاجه المفروض هما والريس بتعهم ده يتأسسفوا للشعب المصري
واولهم الغلبان واللي مش لاقي واللي مش عارف يعيش
مش كفايه نهبوا مصر وخيراتها
هنقول ايه !!!!
الله المستعان وحسبي الله ونعم الوكيل
شكرا شمس على البوست
خلتيني طلعت غيظي من الناس ديه كنت كتماه في قلبي
تحياتي لكي شموسه
*ابراهيم رزق
ماشركة المقاولات اللي اشترت المنطقة دي كلها
من اول فيلا عباس فارس الي اخر الناصية
وبنت بيت العز اللي جنب بيت العز دي كانت برضوا فيلا بس خواجات مش مصريين
طيب انت عارف ان كان في قصر كبير كان مستشفي خاص عبارة عن مصحة نفسية
:))
في شارع سليم اللي مكانها دلوقتي العمارة اللي فيها بتاع الفطير الفلاح
وشارعنا طلع فيه ابراج مكان مخازن الفران والناحية التانيه كان مخزن لشركة تجميل
اصلا المنطقة كانت اسمها زمان منتجع الزيتون
ان شاء الله اكتب بوست عن المنطقة
بس اخلص المواضيع اللي ورايا
علشان ده عايز تركيز
وكمان اخد الصور اللي عند ماما اللي فيها صور للقصور دي
*ريري كربكه
اي خدمة ياريري
انتي تؤمري امر
اي حد متغاظة منه قولي بس
وانا انشهولك بوست
تفشي خلقك فيه
:))
اثبات حق دول ولاد تيت
*محمود(باحث عن حب)
همه حرين في معتقداتهم
بس مايخربوش
هو ده الحق
مش يظهروا ايييييه
خايفين علي البلد وهمه بيخربوا فيها
طب ماهو فى عيال معلقه تحت من بتوع احنا اسفين يا زفت دول بعكس الكلام ده فين الحقيقه بقى
المشكله ان فى ناس كتير مش قادره تفهم ان العقليه اللى تحب مبارك وتصرف كل الفولس دى عشانه مش موجوده اصلا يعنى لو فى حد متعاطف معاه عشان سنه او حتى انه عشره برضه مش هايستعنى يخرج من بيته ويصرف قرش عشانه العيال دى قابضه رسمى فهمى نظمى مافيش شك
*bombona
ايوة طبعا
هو في حد هيعمل ده كله الا اذا كان قابض
قريت نوارة نجم النهاردة علي التحرير
هتعجبك جداااااا
كان فى واحدة ست لابسة سبح غريبة جدا تفكرك بعبلة كامل فى مسلسل حديث الصباح والمساء وجو اشتاتا اشتوت
وست تانية تحسى انها بتتكلم عربى مكسر
وغيره
المهم مش فاهماهم خالص دول
بس فى ناس حقيقية فى الشارع المصرى بتقولك ولا يوم من ايامه نفسى اعرف اى يوم ب صراحة اللى قصدهم عليه
انا عرفت حاجات بعد الثورة خليتنى احس انى كنت مضروبة على قفايا من يوم ما تولدت
*مامة مازن
الست دي وغيرها وغيرها
همه حرين بس مايأذوش في خلق الله
وبعدين يعموا اللي يعملوه
ويقولوا اللي يقولوه
عمر الساعة مابترجع للوراء
:)
واللي بيقول لك ولا يوم من ايامه عاملين زي الست اللي جوزها كان مطفحها الدم وقاعدة ومتطمنه وتقول اديني باكل وبشرب وقاعدة في بيتي وسط عيالي
بتقول كده خايفة من المرمطة
حالة نفسية يعني
كل ده سببه الخوف
وناس تانيه فعلا العصر ده كان منعنشهم اللي همه المهلبتيه المستفدين من النظام المقلوب ده
نورتين:)
إرسال تعليق