من اولها اهوووووووووووووونجل مرسى يهدى الغنوشى قلادة رئيس الجمهورية بمطار القاهرة
http://akhbarelyom.org.eg/news47283_1.aspx
تفتكروا هنعمل من مرسي
فرعون بعد قد ايه
؟؟
وبعد قد ايه هيبقا الرئيس الملهم
؟؟
وبعد قد ايه هيغنولوا
اخترناك
؟؟
مع العلم ان النفاق اشتغل اصلا
من امبارح
فرعون بعد قد ايه
؟؟
وبعد قد ايه هيبقا الرئيس الملهم
؟؟
وبعد قد ايه هيغنولوا
اخترناك
؟؟
مع العلم ان النفاق اشتغل اصلا
من امبارح
هناك 43 تعليقًا:
أولاً كل سنة و إنت طيبة و بألف خير و والله لو كنت أعرف موضوع التجمع و الحفلة كنت هاجي بجد :)
كل سنة يا رب و إنت أجمل و أسعد منوره الدنيا كلها :)
ربنا يستر على موضوع فرعنة مرسي بس أنا شايفه في المقابل ناس كتير بتنتقده برضو..
سنرى
تحياتي شموسه :)
والله ياشمس اجابة السؤال عند د\ مرسى نفسة
لو صدق الاغنية تبقى كارثة
تعالى نروح نسألة هههه
مع خالص تحياتى
ما فهمت النفاق اشتغل !!
يعني طلع ما يستاهل ؟؟
أنا الحمد لله بدأت نفاق من بدرى جدا عن الناس كلها
عاش الرئيس
اخترناك دي عملوها سمعت اغنية من كلماتها اخترنا محمد مرسي
الزعيم الفرعون اتعمل اخوانيا اما شعبيا فهو بحاجة لخطابين تانيين من ماركة فتشني فتش
تحياتي ليكي
http://www.youtube.com/watch?v=-rECdpAaN2c&feature=related
شمس الشموس
لقد بدات الصناعة
و بدء الاعلام يبحث عن ابنه
و يساله هل الامتحان صعب ام لا
و هل تناول صباحا عصير مانجو او عصير جوافة
السوال الاهم
هل مرسى مادة سهلة لصناعة الفرعون
ام صعبة
تحياتى
والله ياشموسة الحكاية تتوقف علي
وعي الشعب
اي ان الرئيس بشرا مثلنا
خلينا متفائلين ان كله هيبقى بأذن الله خير
لسة مشوفناش حاجة .. كان مجرد تكريم واحتفالات
لولا
*شيرين سامي
وانتي طيبة وبالف خير
والله انا كمان مااعرفش :))
انارايحه علي انه هنسلم علي مينا اللي مسافر
لاقيت تورته وعيد ميلاد:))
وطبعا كنت هنبسط جدااا اني اشوفك
:)
ايوة ربنا يستر الرجل شكله مبتديها صح وياخوفي بقا من النفاق
نورتيني وكمان اول تعليق التعليقات نورت
*Tamer Nabil Moussa
ماهي المشكلة انهم بيصدقوا
وبيتغروا
ونبتدي بقا
والواحد كبر خلاص ومش حمل ثورات تاني
:)
*Miss Mystery
:)))
الموضوع مش انه يستاهل ولا مايستاهلش
الموضوع ان نفضل ننافق لحد هو مايتقلب فرعون
:))
هو احنا لسه لحقنا
عرفنا يستاهل ولا مايستاهلش
*الازهري
:)) نافق نافق
ماهو هيجي علي دماغك
انت اللي هتنزل تتظاهر ضده
:)))
مصطفي سيف الدين
والله يامصطفي احنا بقينا او اغلبنا او اعلامنا
بجد مش عارفة اقول ايه او الغلط فين
:))
بس اللي اعرفه ان في ناس خرجت من الثورة مش هتسمي عليه
شكرا علي اللينك
*ابراهيم رزق
:))
شوف موضوع سهل ولا صعب
الزن علي الودان امر من السحر
والكرسي له نظام تاني
خاااااالص
وهنشوف يامش هنلحق نشوف
:))
*سواح في ملك اللــــــــــــــــــه
وتتوقف كمان علي ان الاعلام يلم نفسه
ومايعملش غسيل مخ للبسطاء
اللي زمانهم فاهمين ان مرسي معاه عصا سحرية
زي ايام الثورة ماكانوا فاهمين ان الاموال هتيجي تتوزع عليهم
اولا : كل سنة وحضرتك طيبة ... وعيد ميلاد سعيد .. وعقبال 100 سنة بالصحة والعافية والهناء .
ثانيا : بما ان المعبد موجود ... والكهنة مازالوا في اماكنهم ... والسحرة مستعدين ... اعتقد ان الأمر لن يستغرق وقتا طويلا .... والحقيقة احنا شعب غريب ... حتي نابليون لما جه مصر أول ما رجع فرنسا ... عمل نفسه إمبراطور !!
تحياتي العطرة
*لولا وزهرا
ماهو ياخوفي من التكريم والاحتفالات دي
وتطبيل الاعلام
علي فكرة في بوست عندكم ظاهر عندي في القايمة ولما بروح مش بلاقيه؟؟!!
*اندروميدا
اهلا اهلا بالاديب الكبير
كل سنة وانت بالف خير
تصدق وهو بيحلف اليمين في الدستورية حسيت ان القضاه دول كهنة امون
:))
احنا لو جه حد من الصحابة الاوائل هنعمله فرعون:))
نورتني
شايف إن الأخ ابراهيم رزق أشار لنقطة مهمة و هي هل د/مرسي قابل للفرعنة ولا لا ؟
أنا شوفت التدوينة من بدري لكن كنت منتظر أشوف تعليقات الأول .
رأيّ الشخصي إن مرسي وصل لعمر لا يقبل تغيير جوهري في شخصيته من شخص يتقبل الانتقادات و أظهر مرونة كبيرة المرحلة القصيرة و يظهر ذلك في خطاباته و تصحيحه لأخطاءه أن يتحول إلى شخص فرعون .
على عكس من سبقوه في الوصول للكرسي في سن أصغر بكثير .
اما ان كنت تقصدين طريقة تعامل الشعب معه كتقديسه أو ما إلى ذلك .. فالأمر يختلف من شخص لآخر ، و ما تنسيش إن عندك ما يزيد عن 50% من الشعب رافض الفكر الإخواني تماما ، على رأسهم مؤيدي حمدين ، و أبو الفتوح ، و مؤيدي شفشق .
دا انا رديت بتدوينة :)
مساء الغاردينيا شموسه
أتمنى ان يكون مرسي رئيس دولة والا يتفرعن يوماً "
؛؛
؛
لروحك عبق الغاردينيا
كانت هنا
Reemaas
يارب بكرة يكون أحلى وأجمل ..
لالالالالالالالا
انا اتظاهر ضده ؟؟؟؟ظ
الله يسامحك
دا بيقولوا هيمنع الداخلية تضرب غاز
طيب أنزل أتظاهر بتاع إيه إن شاء الله
لا يا ستى
مش جايبه همها
كل سنة وانتى طيبة الاول بمناسبة عيد ميلادك
وحكاية النفاق اللى بدأ دى مش جديدة
المهم الجيل اللى هيكسر النفاق ده
اتولد ولا لسة
ربنا يستر ده وقتها نبقى شعب عايز ال ... اى حاجة غير الحرية
عموما منتكلمش الا بعد 100 يوم وقتها هتبان
دمت بخير
النفاق سيصبح شيء نادر وستنقلب الموازين لصالح الحق عما قريب بإذن الله
*محمد الدهيمي
كل ده هيبان علي المدي القصير
بس انت قريت ان ابنه راح ودع الغنوشي في المطار واهداه درع
ينفع كده من اولها
:))
هو يتفرعن مايتفرعنش
الجيل الموجود
دلوقتي ماحدش هيتفرعن عليه
وبعدين رد زي ماانت عايز المدونة هنا للتعليقات الطويلة
*ريماس
مساء الياسمين
الشباب مش هيديله فرصة يعمل كده
لايتفرعن ولا يعمل حاجة غير اللي وعد بيها
*وجع البنفسج
ان شاء الله
وهو ده املنا في ربنا
الازهري
لأ كده نكدوا عليك خالص
:))
هتشم انت ايه في المظاهرات بقا
:))
*arafa farouk
وانت بالف خير وسلامة
الجيل اللي مش هيسمح بالنفاق ده موجودين الان ومش هيسمحوا
وكل جيل طالع هيبقا اجمل من اللي قبله
دا احنا لنا تاريخ كبير قوى فى فرعنة الانسان وفى تأليه الحكام ولو رجعتى للتاريخ القديم حتلاقى القاب كنا بنديها للملوك ما انزل الله بها من سلطان خدى عندك مينا كانوا بيسموه موحد القطرين ذى الصل والطل ولحد الملك سنوسرت كانوا بيطلقوا عليهم القاب كبيره قوى ولا يتسع المجال للافاضه فيها .. ربنا يستر ونفهم ونعرف انه رئيس جاى لمدة اربع سنين يمكن يكونوا 8 سنين وبس ولا هو زعيم ولا هو مفدى ولا هو قائد ولا هو ذى الصل والطل .. رئسيس فقط يؤدى عمله وتنتهى مدته وخلاص ..
*رؤي عليوة
بس بجد زعلت من موضوع ابنه ده
بدري اوي الصراحة
وبعدين احنا كنا زعلانين ليه بقى من حسنى الغير مبارك لما كان بيوكل ابنه فى شوية شغل صغيرين ولا كبار يعنى .. ما اسخم من ستى الا سيدى
*كريمة سندي
اتمني ان المنافقين يفوقوا للهبل اللي بيعملوه
*فشكووول
تفتكر مرسي هيبقا رئيس تنتهي مدته وخلاص
انا لااعتقد
واهو من اولها ابنه بيودع الغنوشي ويسلمه قلادة في المطار
:))
ونقول يابااااااااسط
مؤسسة الرئاسة انكرت الموضوع دا أصلا ؛بلاش اشاعات
مؤسسة الرئاسة أنكرت الموضوع دا أصلا ؛ فياريت قبل مننشر حاجة نتأكد منها الأول وبلاش اشاعات
احنا عملنا خلاص والحمد لله ناقص بس هو يصدق وديه ممكن تاخدلها يومين لكن بدايه اندماج ديه بقى هو اللى هيحددها على حسب ظروف باقى الشعب ومع تنظيم نفسه وترتيب الخطوات
تحياتى
الإنسان صاحب المبادئ والمؤمن بها صعب تغييره
ولكن من يتخذ من المبادئ قناعاً سرعان ماتسقط عنه.
الأيام كفيلة بذلك.
*محمد بدر
ياريت قبل ماكنت تقول لي كده كنت تنتظر تكذيبي للموضوع
او تلفت نظري ان طلع كذب
قبل ماتتهمني بترويج الاشاعات
الكلمة الطيبة صدقة
والرياسة ماكدبتهاش اللي كدب ابنه شخصيا
ونحن في انتظار تكذيب الرياسة بل وردع الجريدة الحكومية اللي نشرت الخبر
وان ماكناش هنصدق الجرايد الحكومية هنصدق مين الاهم انك لما تعرف ان الخبر غلط تطلع تاني وتكدبه هنا بقا يكون التصرف الصح
والا مش هنصدق ولا خبر ولا هننشر ولا خبر ولا هناقش ولا خبر
*عمرو يسري
اعتقد ان لسه تقيم الرجل مش الان
لكن تقيم الجو العام
داخل علي نفاق
*محمد الجرايحي
صح اوافقك الراي
تستطيع ان تخدع الناس بعض الوقت ولا تستطيع ان تخدعهم كل الوقت
إرسال تعليق