الجمعة، 6 يوليو 2012

خلاص كده


خلاص كده كله بقا نكد في نكد

اتنين يتقتلوا في ابوكبير شرقية ولا حس ولاخبر
مع ان زوجة واحد فيهم قالت القاتل معروف
وفي واحد ملتحي مش عارفة اسمه دكتور حسام ايه كده
هدد ابوهم وعلي الهوا في قناة الحياة قاله ماتطلعش في الاعلام
الاعلام مش هيجيب حق اولادك ومش هينفعك
احنا هنجيبلك حق اولادك
كده عيني عينك

قتيل تاني في السويس وبرضوا اللي قتلوه معروفين
ولسه النهاردة قابضين عليهم

وفي م نصر
وجوه القسم ينضرب 4 محاميين او 6 او 7
ماحدش عارف العدد بالظبط ولا حد عارف ايه اللي جري لحد دلوقتي
والدنيا والعة هناك

ناس كتير واقفين عند القصر الرياسي بمطالبهم
مش عارفة ليه
واصلا مرسي كان في اسكندرية بيخرج دفعة دفاع جوي
هو ده وقته

وغيره وغيره وغيره
حتي لو في ناس مش راضية ان الاخوان يمسكوا البلد
برضوا مش كده يعني
زعلانة بجد

وتصفية للمسلمين في كل حته
وده بوست من عند مش هنسكت عن الموضوع ده

وبجملة النكد
ارتباطوالد نورا مهدي اللي هي ضد التيار توفاه الله امس

هناك 28 تعليقًا:

ابراهيم رزق يقول...

شمس الشموس

اولا البقاء لله

انا ببه وانا اليه راجعون
______________________________

كل اللى انتى بتقولى متوقع
الهبوط او الصعود يحدث اهتزاز قبل الاستقرار

القادم افضل بأذن الله

تحياتى

beautiful mind يقول...

والله يا ماما شمس كلها احداث مؤسفة
وبقينا زي التايهين ومل دا بسبب الاعلام الفاسد بتاع الفلول ربنا ياخدهم كلهم
احنا مش عارفين الناس الملتحين دول تبع مين بالظبط هم امن دولة زي ما بيقولو ولا جماعات اسلامية
مش عارفين رايحه بينا فين مصر
وفين الرئيس اللي يحاسب الناس المقصرة دي

MaNoOoSh يقول...

هم بيحاولو يوصلونا للهاوية
معرفش بالظبط بيحاولو يكفرونا في الثورة وللا في عيشتنا


ربنا يهدهم ويخلصنا منهم


والبقاء لله في والد نورا.. ربنا يرحمه ويغفرله

;كارولين فاروق يقول...

البقاء لله
يا ريت كنتي عملتي رابط للمدونه الخاصه بها حتي يستطيع الجميع التعازي
اما عن النكد فربنا يصبرنا ويصبر الكل
يا رب
تحياتي

رؤى عليوة يقول...

متوقع ان يحصل حجات كتير لان اكيد المعارضين لمرسى هيعملوا مليون حاجة عشان يثبتوا انه ميقدرش يرجع الامن
لكن هنصبر 100 يوم

بدعى ربنا يعينه لكن متوقفه عن انى اقول اى حاجة حلوة او وحشه فى حقه

وبعدين الاخوان الاخوان لما نعاملهم زى اى حد هيكونوا زى اى حد هما لا فزاعه ولا عباقرة هما ناس عاديين جدا

مش من حقهم يتكلموا بإسمنا ولا من حق حد يطالب بحل الجماعه

فيه حجات تنرفز بجد عماله تحصل
وكله عايز يعمل اللى على مزاجه ويحصل على اللى هو عايزة

انا واحده من الناس مبشتغلش رغم كم الشهاداات بس اكيد لو فات ال100 يوم ومشتغلتش مش هكون ضد الريس ولا هروح اقدم شكوه عند القصر

يارب نعقل بقىىى


معلش مخنوقه حبتييييين

دمت بخير

سواح في ملك اللــــــــــــــــــه- يقول...

شموسصة

لاتخشي علي مصر

انشاء الله كل دي زوابع وهتعدي

البقاء لله في والد الآخت نورا مهدي

كريمة سندي يقول...

رحمه الله .. معليش الحياة مش ولا فرح على طول ولكن الله المستعان تحياتي

مصطفى سيف الدين يقول...

انا لله و انا اليه راجعون
البقاء لله
اللهم اغفر للفقيد و ارحمه و ارزق اهله الصبر و السلوان
الاوضاع في مصر مقلقة لكن هاسكت و اصبر لحد ما اشوف آخرة المحروس اللي اسمه مرسي

Bent Men ElZman Da !! يقول...

كل اللى بيحصل ده فيه حاجه غلط
حاسه انهم لما لاقوا البلد هتبدأ تستقر لازم يتزعز الثقه جوانا من تانى

ربنا يرحمهم برحمته

شمس النهار يقول...

*ابراهيم رزق

الاستقرار كده هيدفع تمنه غالي اوي

وزي مايكون مش كفاية الدم اللي سال

نورا ظهرت علي تويتر امبارح

شمس النهار يقول...

*beautiful mind

ايوة طبعا الاعلام عليه عمل كبير
وبقيت شيفاهم زي الديابة اللي بتتكلم علي الجثث

الملتحين دول تبع نفسهم ماتصدقش انهم امن دولة

ولا احنا نسينا اعمال العنف السابقة ايام المخلوع

اما الرئيس الجديد ادينا مش فاهمين هو بيعمل ايه بالظبطت دلوقتي

شمس النهار يقول...

*MaNoOoSh

مش عارفة هيستفيدوا ايه من الولعة دي
هي لما مصر لما تستقر ده مش خير للجميع ولا ايه

والناس دي لازم يتعامل معاها بحزم
مش هينفع كده
كفايانا دم

شمس النهار يقول...

*كارولين فاروق

هي اصلا مبتعده عن التدوين بقالها مدة طويلة
بس تجمعنا بها الصداقة طبعا

اما اللي احنا فيه ده شئ موجع حقا

شمس النهار يقول...

*رؤس عطية

عمليت الصبر دي مااعتقدش هتنفع دلوقتي
لازم الشعب نفسه يتحرك
دي مش محتاجة حكومة
اي ملتحي او منقبة تتعدي علي حد
ماالمحيطين يمسكوها
ويسلموهم
احنا كل حاجة مستنين الحكومة
الاخوان مصرين في الاول والاخر واكيد عايزين يثبتوا انهم كويسين
بس طبعا اللي بيحصل ده رابكهم جدا
كلنا مخنوقين زيك
الست لما قالت انها عارفة اللي قتل جوزها وماحدش قبض عليه قلبي وجعني

ربنا يستر ربنا يستر

شمس النهار يقول...

*سواح في ملك اللــــــــــــــــــه

الحمد لله مصر محروسة

انا حزينة علي الشباب اللي بيموت واللي المفروض انه يبني مصر مش يموت

والهرجله اللي احنا فيها

شمس النهار يقول...

*كريمة سندي

الحياة بقت غريبة حبتين

واللي بيحصل كئييييييييب
والحزن بقا اقرب

كلام حسام يقول...

مش خلاص ولا حاجة الأمل في بكره

Tarkieb يقول...

انا شفت الحلقة دي واسمه حسام البخاري وماهدد ولا حاجة هو قاله ان الناس هنا مش عايزين غير مهاجمة اسلاميين من قبل ما يتأكدو مين القاتل واهم حاجة شوشرة وخلاص وقال من امتي حد ابنه اتقتل بيتفتحله كل القنوات كدة بسهولة...في شغل جامد اووووي شغال والاعلام كله بقى على قلب رجل واحد...انا بصراحة ذهقت من التليفزيونات والجرايد خلاص وربنا يستر ع البلد....يومين كدة والعسكر يستولو ع السلطة عشان الكل يتبط

شمس النهار يقول...

*مصطفى سيف الدين

طيب يعني ينفع نسكت لحد ماتتخرب اكتر واكتر
فين دورنا احنا
يعني ليه السلبية من الناس لما البنت تستنجد بالناس وخطيبها بيدبح
وكمان ماحدش يرضي ينقله المستشفي كمان
مرسي هو اللي يروح ينقله كمان
احنا اللي بقينا شعب غريب

شمس النهار يقول...

*Bent Men ElZman Da !!

الغريب ان اغلب الناس مستسلمه للوضع

واللي مش مستسلم مش عارف يعمل الصح

شمس النهار يقول...

*كلام حسام

الامل في بكره صحيح بس الامل مابيجيش لوحده لازم نجيبه ونحققه بايدينا وربنا بيعين علي الخير

حنين محمد يقول...

مساء الغاردينيا شموسه
لابد ستحدث امور كثيرة حتى تستقر البلد
فهي حالياً في وضع حساس
ورحم الله والد نور واسكنه فسيح جناته "
؛؛
؛
لروحك عبق الغاردينيا
كانت هنا
Reemaas

شمس النهار يقول...

Tarkieb

انا كمان شوفت الحلقة
وانت مادام شوفت الحلقة يبقا سمعت الكلام اللي انا كتبته ده
انا من كتر ماجاني ذهول اخدت القلم والورقة اللي جنب التليفون كتبته علشان ماانساش النص

واللي بيشوه الاسلامين رغم تحفظي علي الاسم
همه نفسهم
والولد ده طلع انه فعلا متشدد واتطرد اكتر من مره من الجامع
وهو اسلامه قاله يقتل النفس التي حرم الله الا بالحق
وهو الحق انه يقتل شاب ماشي في الشارع
ده الزاني له طقوس ومراحل قبل ان يرجم
واصلا مين اداله الحق هو او غيره ان يعمل كده
يبقا مين اللي بيشوه الاسلام
تصدق اشد اعداء الاسلام مابيضروش الاسلام كده
انا غيرانه علي ديني
دين الله السمح
الاسلام مش كده ابدا
والاسلاميين زي مابيسموا نفسهم كده
لو عايزين يفلحوا يدوروا بنفسهم علي الناس دي اللي همه اصلا اللي عملوهم كده
يدوروا عليهم ويعرفوهم الأسلام الصح
يعني يعملوا لهم اعادت تأهيل قبل مايخربوها
ويشوفوا الدين الحنيف كان الانبياء بيدعوا اليه ازاي
وان كنت فظا غليظ القلب لأنفضوا من حولك
ربنا يهديهم ويهدينا
ويحفظ الاسلام ومصر من امثالهم
قول آمين

والاعلام مش برئ
وهمه اللي ادوله الفرصة ان يعمل كده بعمايلهم
يعني المذيع ماجبش حد وادعي ان ملتحي وقتله
الواقعة حقيقيه

واحنا عارفين الاعلام عايز يعمل شو ويجيب اعلانات
وهمه بيدولوا الفرصة
وشوه في الاسلام ياجدع علي قد ربنا مايقدرك!!

وبرضوا عسكرون لو قعد برضوا هيبقوا همه السبب
معلوم اومال بيحموا مصر منهم تقدر تعترض
وماحدش هيتبط لوحده
كلنا هنتبط مع بعض
البيت لما بيولع بيولع كله
النار مابتولعش في اوضه وبتسيب التانية
عايزين سماحة الاسلام تعود
مجتمعنا فيه حاجات كتير مش صح
ومش من الدين في شئ
عايزين نصلحها بس ازاي نصلحها هو ده السال
اللي ربنا ادانا مفتحه
ادعوا الي سبيل ربك بالحكمة والموعظة الحسنة
وخصوصا انك بتدعوا في مسلمين مش كفار مكة
ربنا يصلح الحال
ويحفظ مصر
قول آآمين

شمس النهار يقول...

*ريماس

مساء الفل

لانملك الا الدعاء

لمصرنا الحبيبة

لــــ زهــــــراء ــــولا يقول...

ست الكل شمس النهار
عن جد زهقت من كتر الكلام والحديث عما يحدث فى البلد وبالفعل المره دى بافكر اخد القرار وابعد بعييييييييد اوى لانى حاسه انها مش بلدى بصى بقى معلش يا حبى لو كان الكومنت هيبقى طويل شويه زى ما تقولى اختك زهقانه من اللى بيحصل وما صدقت لاقيت حد محترم زى حضرتك يسمع كلامى ونتناقش مع بعض .....
كل واحد شايف ان الدين من وجهة نظره صح وللاسف الدين الاسلامى ابسط من كل التعقيدات .....
بصراحه الاعلام الغالبيه العظمى فيه بقوا حاجه قذره وتقريبا كده معظم برامج التوك شو بقيت نسخه فى التخويف والترهيب وكل واحد فاكر نفسه نبى وانه الصح والباقى غلط واى حادثه حتى لو صغيره يتنفخ فيها وفجاه تصبح هى حديث الساعه وكل الناس بتتكلم عنها وكمية شائعات غير عاديه ولاننا عاوزين نصدق بنصدق...
مش هما بيقول جماعة الامر بالمعروف والنهى عن المنكر شغاله فى الشوارع عاوزه اقولك ان اسكندريه الناس فيها كتييييير وزحمه اوى اوى بطريقه غير عاديه واعتقد ان اى حد يظهر من هذه الجماعه فى وسط هذا الكم الهائل من البشر ممكن يطحن
عارفه حكاية الشاب اللى اتوفى فى السويس ربنا يرحمه ويصبر اهله سمعت عنها ما لايقل عن 6 روايات وكل واحد بيقول انه الصح بالذمه دى بلد عاوزه تيجى يوم للامام..
على فكره رغم كل هذا الكم من القرف مما يحدث ورغم اقتناعى انى ابعد واسيب البلد لكنى متفائله ان الخير جاى احتمال تقولى انى شخصيه مجنونه ولكن والله جوايا احساس بالامل فى بكره وان الخير قادم عما قريب ان شاء الله
حاسه انك بتقولى انتى يا بت يا زهراء اوعى تقربى هنا تانى هى ناقصه وجع دماغ ورغى *_0 وانا هاقولك مش هاقدر عشان فى ناس زى الماس صعب انك تبعد عن بريقهم
دعواتى ان يحفظ الله بلدى الغاليه ويحفظك


زهـــراء

شمس النهار يقول...

*لولا وزهراء

اهلا بيكي في اي وقت واي تعليق
انا مش بزهق من كلامي معاكم وبحب المناقشة مادام بطريقة طيبة

وطولي في الكلام انتي اصلا كلامك زي الفل:)

بالنسبة للأعلام الاعلام بقا خاص وكل قناة بتبقا مراية لصاحبها
اتجاهات مختلفة
وعلي حساب الحقيقة
لكن في حقائق ماينفعش تتغير
في قتيل ايوة في قتيل
واحد ملتحي قتله ايوة صح
طيب هو من المتشددين
ايوة من المتشددين
من هنا بقا نبتدي وكل قناة وشطارتها
اللي عايز يسب في السلفين والاخوان ينسب لهم الكلام
واللي عايز ينال من امن الدولة يبقوا امن دولة ومربين دقنهم
طيب كده الحل ايه
الحل بسيط بيان من الحكومةزي الناس المتحضرة
يشرح ايه الموضوع
ويسك علي القنوات اللي مايعلم بيها ربنا دي
وانا زيك برضوا حاسة انه خير
بس انا مش هسيب البلد دي
قاعدة لما اشوف ايه اخرتها

وانت تنوريني علي طووووووول
اوعي تروحي في اي حته

zizi يقول...

شمس الغالية ..أولا تعازينا للإبنة نورا وانا لله وانا اليه راجعون ..ثانياً البلد مازالت في حالة احتقان وتخوين وتخويف ومازال مرسي لم يدرك بعد اننا لسنا في عهد عمر بن الخطاب فلا هو عمر ولانحن قوم عمر الذين تركوه نائم تحت الشجرة ..ولم يأتوه ليقولوا له العلاوة ولا سيراميكا ولا المعاشات ..ولو كان عمر في عصرنا وفي مصرنا لما كان عمر ..سيدتي الفاضلة..نحن لا يصلح معنا ان نترك القصر ملاذا للشبيحة والنهيبة ثم ندعهم يبيعون البليلة والذرة ويعملون غرزة قدام القصر قهوة وشاي وشيشة لكي نؤكد للناس اني رئيس طيب وابن بلد ومش باستخبى من الناس ..ونستطيع الآن ان نغني الغنوة اياها :ياعم سيبه دا راجل طيب ...فيردون ياشيخ لاطيب ولاحاجة دا اهبل وعبيط ..ونكتفي بهذا القدر وعمار يا مصر

شمس النهار يقول...

*zizi

زيزي عندنا يامرحبا يامرحبا

انا كمان مش عاجبني اللي حاصل عند قصر الرياسة مطلعنا وحشين اوي قصاد العالم
بس للأسف اغلب الشعب كده
مافيش وعي خالص

ولازم الناس دي تتعامل بحزم
ولو وراهم حد يتشاف الموضوع
دي مصر ياناااااااااااس