نتائج انتخابات الرئاسة المصرية النهائية
فوز الدكتور محمد مرسي
مرشح الاخوان للرئاسة بمنصب رئيس مصر
بعدد 13230131صوتا بنسبة51.73%
بينما حصل منافسه
احمد شفيق في نتيجة الانتخابات الرئاسية
على 12347380 صوتا بنسبة 48.27%
من اجمال الاصوات
ده الكلام المعلن
جميل
نقول ايه بقا
المفروض ان اللي يروحوا الانتخابات حوالي 50 مليون
صوح
واللي راحوا الانتخابات حوالي25 مليون
صوح
ده غير ان كان ضمن اللي طلعوا في الثورة
شباب تحت18 سنة واتحرموا من انهم يصوتوا
صوح
طيب شعب مصر حوالي95 مليون
صوح
يعني اللي انتخب مرسي حوالي كام في المية من الشعب المصري؟؟
حوالي 1%
وده للعلم بس
البوست ده عاملاه ليا
ايووووووة
تاريخ وحقائق مش اكتر
ملحوظة :
المفروض ان البوست ده كان يتنشر الصبح
حسب ماعملت التوقيت لكن اظاهر حصل غلط:)
المفروض ان البوست ده كان يتنشر الصبح
حسب ماعملت التوقيت لكن اظاهر حصل غلط:)
هناك 32 تعليقًا:
صوح .. والله المهم أن 1% قد يغير عقلية 99% وهذا الصوح .. لأن النادرين قلائل في عالمنا العربي بالذات صوح
لا ازاااااااااااااااااي يا شموسة
وفقا لتوقيت سيادة المرشد ومكتب الارشاد.. فاكتر من (نص الشعب المصري) انتخب مرسي (مرشح الاخوان) مش مرشح الحرية والعدالة
امتى بقى هيفهمو ان مصر بتاعة الشعب بس ومش بتاعة حد
ربنا
*كريمة سندي
ماايام الثورة كان بيقولك الكام الف اللي في الميدان مش همه مصر
:))
*MaNoOoSh
الكلام ده يقولوا في القسم انا برد بالارقام علي اللي بيقول ان مصر كلها مع مرسي
فين كلها دي
:))
مصر بتاعتنا كلنا
الكام ألف دول خلعوا الريس صوح
لا مش ليكى البوست ده وبس
ده لينا وليهم هما كمان
لان الاخوان ومرسى المفروض يكونوا مقتنعين تماما بكده
انه مش مسك رئيس برأى الاغلبيه
لان معروف ان اكتر من نص الشعب اصلا رافضه ورافض نتيجه الانتخابات فى المرحله الاولى بشكل عام
انما هما الاخوان كده
يحبوا اوووى يكدبوا الكدبه ويصدقوها
اصلا مرسي جاب اقل من 50% من نسبة الاصوات الكلية لو اضفنا الاصوات الباطلة اللي مش عاجبهم ده و لا ده
بالتالي اللي مكنوش عايزين مرسي اكتر
بس مش 1% اللي عايزينه حساباتك غلط حوالي 15% من اجمالي الشعب
بعد كام يوم هتلاقي اللي يقولك مصر مرسي زي مصر مبارك
تحياتي ليكي
لازملها صبر . . صوح !
شمس النهار
خفة دم ورشاقة اسلوبية فيها اسقاط من وراء ستار يعنى بالمعنى المفهوم احنا صاحيين قوى لللون صوح طبعا صوح
عاشق لكلامك والله صح واكبر صح
ازيك ياشموسة
متنسيش ان فيه اظفال تعدادهخم حوالي
عشرة في الميةمن التسعين مليون طبعا منلهمش حق في الانتخاب
ومتنسيش ان فيه ناس كبارة مش فارقة معاها ييجي مرسي ولا شفيق
ومتنسيش ان فيه ناس ملهاش دعوة بالسياسة ولا الانتخابات
وفي جميع بلاد العالم تقريبا نفس النسبة هي بس اللي بتروح تنتخب
صوح ودين النبي صوح
يا ستي انا مش عايزه اتكلم
لغايه دلوقتي علشان المتعصبين
بس انا جوايه كتييير
رسالتك وصلت وانا معكي تماما
معلش بكره الايام حاتثبت كتييييييير
تحياتي
ممم ما عندي خبرة في الاشياء دي اتفرج عليكم فقط و الله يحمي مصر ^^"
تمام كلام جميل
لكن اللى كان من حقهم التصويت ومطلعوش مين قالهم ميطلعوش المفروض منحسبهمش اصلاااا
اللى كسلوا يقفوا فى طوابير نص ساعه
وهى دى النتائج مظبوطه وبعدين لو بأقل الاضرار كفاية خلصنا من الحزب الوطنى للابد
نطهر القضاء ونحط حد للاخوان والدنيا هتبقى فل
ربنا يستر السنة الجاية دى متوقع شغب
دمت بخير
صباح الفل يا اجمل الشموس
انا موافقه على كلام حضرتك مش مهم مين انتخب مرسى ومين مش انتخبه المهم انه يراعى كل المصريين اللى مش اختاره قبل اللى اختاره ويحاول فى الاول يرضى ربنا ثم يرضى الشعب وبس ....
زهـــراء
هو مش بس كده هو فيه حاجة اسمها تصويت انتقامي يعني الناس اللي مفيش قدامهم غير شفيق ومرسي وهم مش عايزين شفيق فبيروحوا لمرسي هرباً من شفيق ودول ما نعرفش اصواحهم كام صوح يعني العملية كلها ماتسواش والشعب فوق الكل ..وربنا يجاملها يالستر ..تحياتي
انا مش معاكي يا ماما شموسه
مهما كان مين معاه
بس دا بقي رئيسنا
وجه بانتخابات نزيهه
والشعب قال كلمته
والمفروض كلنا نحترم قرارته ونحترم منصبه
ونديه فرصه انه يشتغل
كدا احنا مش عارفين رايحين فين
نسبك- و اسمحيلي يعني- مش دقيقة شوية ، انا بعد النتايج قلت حاجة مشابهة لده،بس كان في أول جولة و التي لم يتخطى فيها مرسي ال6 مليون صوت، لأن تاني جولة لا يمكن الحكم من خلالها على كتلة الاخوان التصويتيه- وأنبه كتلة تصويتيه- لأن في ناس مش من الاخوان صوتت لمرسي في الاعادة..و انا منهم !! وكنت بأتكلم مع اخوان وقلت ان الاخوان و كل اتباعم نزلوا يصوتوا صح؟ قالوا صح !! قلتلهم و اللي يحق لهم التصويت حوالي 50 مليون صح؟ قالوا صح !!
قلت و مرسي بكل الاخوان و الناس اللي بيشحتوهم باسم الدين و بالزيت و السكر طلعوا 5 مليون يعني عشرة في المية من الكتلة التصويتية..يبقى لية بقى الهالة اللي حطينها حواليكم وانتم قدركم اتعرف و اتكشف ؟..ما حدش رد !!
..
وضع البلد محزن، ومعظمنا مش مشجع للاخوان و لكني لا اخشى هذه التجربة كما يخشاها و يهول منها الكثيرون لأن قدر و قوة الاخوان معروفة و الاعلام الفاسد هو من هولها و أخافنا من العفريت حتى ارتعبنا رغم اننا في عز النهار !!..تحياتي
*كريمة سندي
صوح طبعا
بس نعمل ايه في اللي قالوا ان دول مش كل الشعب
دلوقتي بقا بقوا كل الشعب
عجب العجاب والله:)
*Bent Men ElZman Da !!
لأ طبعا مش اغلبية
فين الاغلبية دي
بس ادينا صابرين
قال يعني في ايدينا حاجة تانية
*مصطفي سيف الدين
مرسي انتخبه فقط 1% من الشعب المصري
!!
مش 50%
انت بس فهمتني غلط
وطبعا مرسي بقا مصر
اومال ده كمان الرئيس الملهم يابا
:))
*haneen nidal
هي خلاص ماينفعش فيها غير الصبر
الاخوان جم ومش هيسيبوا الحكم تاني خلاص
*faroukfahmy58
اهلا اهلا
حمد الله علي السلامة
المدونة نورت بحضرتك
:)
احنا صاحيين طبعا
بس مش هنعرف نعمل حاجة
برضوا
:)
تعليق حضرتك عندي شهادة افتخر بيها
:)
*سواح في ملك اللــــــــــــــــــه
الله يسلمك ياخالد
وماتنساش اللي عصروا علي نفسهم لمون والليمون غلي بسببهم:))
وراحوا انتخبوه
وماتنساش اللي انتخبوه علشان شفيق ماينجحش
يعني ال13 مليون مافيهمش حد عايزه الا الخمسة الاوالنين
:))
يعني مايتنفخش علينا ويقولك اغلبيه ساحقه ماحقه
كارولين فاروق
:))
كلامك صوح الصوح
:))
بس المتعصب متعصب علي نفسه
المدونة لاترحب بالمتعصبين
:))
بترحب بالناس الحلوة اللي زيك كده
:))
*Miss Mystery
اتفرجي زي ماانتي عايزة
وان شاء الله مصر محروسة
:)
*رؤي عليوة
كلامك جميل بس الان في اتجاه ان اللي مع الاخوان حلو وجميل
واللي ينتقدهم يبقا من كفار مكة
:))
وخلصنا من رجال اعمال الحزب الوطني
وهنشوف رجال اعمال الاخوان هيعملوا فينا ايه
يارب اصلح الاحوال
*لولا وزهراء
يارب يازهراء انه فعلا يرضي ربنا
بالفعل
ومايعملش حساب الا لمصلحة الوطن وليس الجماعة
*zizi
هو مااخدش غير اصوات الاخوان اللي في الاول
الجولة التانية
كانوا عاصرين لمون علي انتقامين علي ناس خايفة الي اخر التصنيفات
وان شاء الله خير
*beautiful mind
نديله فرصته
!!
هو انت فاكر ان احنا ممكن نعمل حاجة
هو واخد في وشه والي الامام
مش مستني حد يديله حاجة
اقولك ان شاء الله خير
ربنا يستر
*احمد احمد صالح
عجبني تعليقك جدا
والاخوان مابيردوش علي الحقائق
سدوا ودانهم
ومابقوش يسمعوا غير نفسهم وبس
انتى فكرتينى ياشموسه بنتيجة الانتخابات
انا عارف انتى عاوزه تقولى ايه ....؟
صــــــوح
*الجوكر
:))
صوح
واهلا بيك
إرسال تعليق