الأحد، 15 يوليو 2012

مساء وصباح الفل :)


مساء وصباح الفل
:))
ايوة علشان اللي يجي الصبح واللي يجي بلليل

مبسوطة جدا من شهر التدوين اليومي
رجع ناس كتير افتقدناهم
وثبت الانتحارين اللي كانوا مكملين
وصابرين في مدوناتهم

ومن هذا المنطلق
:)
بدعوا الجميع ان بعد كده
ماتغبوش عن مدوناتكم
وياريت تدونوا كل تلات ايام
ده هيدينا فرصة نقرا لكل الناس ونعلق عند كل الناس:)
وطبعا بعتذر عن تقصيري في التعليق عند ناس كتير
مدونات الحبايب كتير
وكله كل يوم بيكتب مش ملاحقة
هو ياكده ياكده
:))

هناك 15 تعليقًا:

rona ali يقول...

شموستنا

اهو هو كده لا ننام اوى لا نصحى خالص ههههههههههههه

باذن الله ندون كل كام يوم زى ما قلتى ولو ان في رمضان الواحد بيقطع وكده بس بعد رمضان نرجع تانى باذن الله :)

المهم كفايا طلتك في مدونتنا كل فترة دى بالدنيا كلها والله :)

ربنا يخليكى لينا

Bent Men ElZman Da !! يقول...

اه والله جميله بشكل الحمله دى
خلتنا كلنا عندنا حاله نشاط غير عاديه
وسبحان الله الافكار بتيجى فى دماغ الواحد فجأه كانه كان مستنى حمله التدوين دى عشان يكتب
نفسى بجد نفضل بعد حمله التدوين كده
وانا نفسى ابطل اكسل وادون دايما ومش اتاخر على مدونتى فى اى وقت

وكل سنه وحضرتك طيبه :)

شمس النهار يقول...

*rona ali

ياريت ياروني فعلا تدونوا علي طول
وفي رمضان ممكن كل اسبوع تدوينة
علشان ندي فرصة لبعض نقرا برضوا التواجد هنا كتير صعب في رمضان

كل سنة وانتي طيبة وبالف صحة وسعادة

شمس النهار يقول...

*Bent Men ElZman Da !!

ايوة الموهبة كل ماتشغليها تشتغل
تهمليها تضيع
المدونة كده بتخلي دايما عندك افكار
ودايما بتفكري

ان شاء الله ماتكسليش وتدوني في رمضان ولو مره في الاسبوع
وبعد رمضان ثبتي موعد للنشر التزمي بيه
وكل سنة وانتي طيبة وبخير وصحة وسعادة

AHMED SAMIR يقول...

بقالي كام يوم الموضوع دة شغلي الشاغل
اين ذهب المدونون؟!!
فين المدونين القدامى و ليه فيسبوك و تويتر اخدهم من مدوناتهم؟!!
دة في مدونات اصحابها هجروها تماما و في اسماء كثير الشهرة غرتها و طبعوا كام كتاب و رموا المدونة تماما و اللي كانت السبب الأساسي في شهرتهم اللي وصلوا لها.
لازم نحافظ على البقية الباقية من المدونين
نعلق عند بعضنا و نهتم بكتابات بعضنا و الا خلاص
كل يوم المدونين بيتناقصوا لحد ما ينقرضوا
كل سنة و انتي طيبة

غُفرَانْ يقول...

يب ما شاء الله انتعش بلوقر من جديد
رغم أني لم اشترك معكم إلا أني حاولت ان اضع كل فترة شيء :)
الله لا يغير عليهم و ان شاء الله يستمرو
حلوين و نشيطين ^^

mrmr يقول...

ان الشهر بتاعى يبدا فى شهر رمضان
ح تلاقى النشاط كله فى ركن المراه
كل سنه وانتى طيبه يا طيبه
رمضان كريم

الازهرى يقول...

واض إن مكتوب علينا نكون انتحارييين
فى الواقع
وفى التدوين
وفى أى حتهنروح

أحمدك يا رب

رؤى عليوة يقول...

ايه ده هو الشهر خلص ولا ايه ؟؟

عندك حق جداااا الشهر كان فيه نشاط تحفه

التحفيز فعلا مطلوب كى تنساب منا الحروف هى فقط تنتظر

كنت بفكر فى رمضان منغبش وتكون حجات تقربنا من ربنا اكتر ياريت ده يحصل


دمت بخير
وكل عام وانت بخييييييير

رحاب صالح يقول...

ومساء او صباح البنفسج
والله يا شموسة معاكي حق
بس انا قعلا عرفت ناس كتير مكنتش اعرفها وحبيتهم
بس من كتر اللي عرفتهم حسيت اني تايهة ومش عارفة اسمائهم من اسماء مدوناتهم
وخايفة انهم يزعلوا مني من تقصري ودايما بقول اعذروني الشغل والحر بجد مشكلة
بس في ناس بعرف انهم بيعذروني اووي انت منهم انت وليلي الصباحي
برغم ان انتم مدوناتكم من اللي بحبها اووووي
وحياتك بقي اعملي خير فيا علي اول رمضان كدة وكل يوم اديني وصفة طبيخ الا انا ميح والحمد لله واخويا بيذلني ويقولي ان طبيخي القطط متاكلوش هههههه
بالنسبة للتدوين انا جايز اقلل منه ف رمضان لاني بجد ناوية يكون رمضان مختلف عن رمضان اللي فات
وحتي تدوينة اليوم هتكون ان شاء الله عن رمضان
كل سنة وانت بخير وكلنا بيخر ورمضان كريم

سواح في ملك اللــــــــــــــــــه- يقول...

لا ياشموسة

انتي مقريتيش التدوينة الآخيرة بتاعتي

وهي عن مجرم سوريا

كان يهمني انك تقريها

http://sawahmasry.blogspot.com/2012/07/blog-post_11.html

حنين محمد يقول...

صباح الغاردينيا شموسه
بجد معاكي حق انا كمان مبسوطة بحملة التدوين ههههههههه بس والله مش بلحق ماشاء الله ويارب نفضل كدا وزي ماقلتي التدوين كل كام يوم بيبقى احسن ويدينا فرصة نقرا لبعض "
؛؛
؛
كل عام وأنتي بخير
لروحك عبق الغاردينيا
كانت هنا
reemaas

ابراهيم رزق يقول...

رغم ان الحملة مرهقة الا انها ممتعة
الفضل فى ده ليكى و لشرين
و اتمنى الدوام
و سعيد بالتعرف على وجوه جديدة

تحياتى

Dr. Ibrahim يقول...

ملحقتش الحملة من أولها :)
منفعش فيه اصلا
مساء الفل :)

بيطرية ومش بايدى يقول...

صباحك فجر :)
اذان الفجر حالا اهو

كل تلات ايام ندون
طب والله فكرة اهو بدل ما الواحد يقعد 11 شهر مايكتبش حاجة :D :D