الأربعاء، 18 يوليو 2012

الطريق


عملنا شبكة طرق
وااااااااو
تجنن
كلها عيوب مش مشكلة
وطبعا كاعاداتنا وتقاليدنا
اتفنن في اساميها
المحور الدائري الي اخر التسميات
ولكن
ماعملناش ثقافة السير عليها
طبعا اصلا مافايش يفط كفاية واللي هتفوته يافطة وبالتالي هيفوته المخرج
ان ديش
الغلطة بعشروميت كيلو زيادة
الناس ماشية عليه ولا اللي ماشية في شارع رمسيس
طيب مش نقول للناس ارشادات
نطبع كتيب صغير يتوزع مع تجديد الرخص
طيب نعمل علامات علي الارض
طب نعمل علامات ارشادية
هي الحوادث والناس اللي بتموت دي مابتصعبش علي الحكومة
الشباب اللي بيسوق ولا كأنه في سبق
ماحدش بيقول له انت لو مت في حادثة بسبب تهورك في السواقة
ممكن تبقا منتحر
سواقين النقل اللي ماشين بجنون علي الطرق
ولا العصفير
ومش مدركين انهم دينصورات
ماحدش بيعمل لهم توعية
لو اتسحبت رخصة اي حد فيهم بسبب اي غلطة علي الطريق
واتحرم ثلاث اشهر من السواقة هيتعدل
لو اتعملت نقط تحليل دم ليهم علي الطريق
واي حد واخد مخدرات اتعملت له قضية
ماحدش هيسوق تاني وهو متخدر
سواقين الميكروباص اللي مجننين الطرق اكيد في صرفه معاهم
الاعلام بدل مسلسلات الهبل دي كلها
وسيرك التوك شو
مايعمل توعية
ومماسبق
بما ان الحكومة علي مر العصور مابتعملش ده يبقا هي مضحية بالشعب
عايزة تخف العدد شوية

ملحوظة: عارفة اني مقصرة في حق الجميع وحق التدوين اليومي بس عندي شغل كتييييييييييير

هناك 18 تعليقًا:

rona ali يقول...

القصه يا شموسه
ان لا حياه لمن تنادى
البشر بقت تشوف اجساد بعض كانها مش اجساد بشريه ولا روح ونفس بشريه واللى يهون عليه الناس هيهون عليه نفسه

والطرق دى طرق ملتويه زى الدستور كده علشان يتأسس شوفي بيعملوا ايه

لكى الله يامصر

وربنا معاكى ويوفقك وولايهمك يكفينا وجودك فقط وسطنا بدون اى شئ :)

beautiful mind يقول...

ربنا معاكي يا ماما شموسة ويعينك
انتي تعرفي ان نسبة الموتي من حوداث الطرق عندنا اكتر 100 مرة من اللي ماتوا في كل حروب مصر
حاجه تجنن
ودي من عجايبك يا مصر

مصطفى سيف الدين يقول...

لو على الحكومة نفسنا نبقى اتنين مليون
بس ميمنعش ان في سواقين متهورين كمان

ربنا يعينك في شغلك
و كل سنة و انتي طيبة رمضان كريم

أحمد أحمد صالح يقول...

أولا ربنا يعينك و يقويكي في شغلك..
ثانيا نقطة مهمة اضافة سلوك السير اللي هي أسوأ مافي الموضوع لأنه ربما مع وجود الارشادات لا أحد يلتزم !!
الاعلام ما يلزموش الا برامج الفضائح و الردح السياسي و الفن المنحط !!
..
فكرة جميلة موضوع التحليل ده، حتى مجرد التلميح بالفكرة ممكن يخلي سواقين كتير تلتزم و تعرف انها مش مسئولة عن روحها بس،لكن عن أرواح اللي راكبين معاها و اللي على الطريق كمان..
رمضان كريم..تحياتي

اكرم الشرفا يقول...

زي ما قلتي الحكومه عاوزه تخفف من الشعب
بحوادث المرور

توزيع كتيب عن تجديد الرخص مش هيستعملوه

والشواخص المروريه ما حد راح شوفها اصلا

بس الحل زي ما انتي قلتي سحب الرخص من المخالف وخصوصا زيادة السرعه ثلاث اشهر ومع غرامه ماديه

دمتي بكل الخير والسعاده


اكرم

سواح في ملك اللــــــــــــــــــه- يقول...

اوقات بفكر مين امهر سواق في العالم

علي طو تجيلي الآجابة

السائق المصري

ليه بقي ياشموسة //

لآن مفيش حد في العالم يقدر ييجي مصر ويسوق عربية

في الظروف دي

تحيتي ياشموسة

Bent Men ElZman Da !! يقول...

انا النهارده كنت هيجيلى حاجه وربنا
3 ساعات فى الطريق من شبرا لاكتوبر ليييييه :((((((
ده انا لو رايحه اسكندريه كان اهو على الاقل الواحد يلاقى البحر فى وشه فى الاخر
بيتهيألى المرحله الجايه اننا نعمل طايرات بالنفر
على الاقل تخف الزحمه شويه

كل سنه وحضرتك طيبه ويعود عليكى الايام بالخير ياااارب ان شاء الله :))

شمس النهار يقول...

* rona ali

كلامك صح الصح

حصل تبلد في المشاعر وسلبية
نتيجة السلبية

شكرا علي كلامك :))
ومش هسيبكم ابداااااااا

شمس النهار يقول...

*beautiful mind

الله يعينك اابراهيم

علشان التهور والاستهتار في السواقة

وتحس انه مستعجل وراه الوزارة
:)

شمس النهار يقول...

*مصطفي سيف الدين

ايوة عايزين البلد تفضي عليهم علشان يعرفوا يعيشوا احنا كابسين علي نفسهم :)

وانت طيب وبخير وسعادة :)

شمس النهار يقول...

*احمد احمد صالح

علشان كده لازم دورات ارشاد للناس
عارف اشارة سيتي ستارز مراقبة الناس بقت تمشي زي الفل

كل سنة وانت طيب وبخير وصحة وسعادة:)

شمس النهار يقول...

*اكرم الشرفاء

الكاميرات في كل حته هي الحل
والمخالفات بفلوس عالية

بس لازم برضوا التوعية

كل سنة وانت طيب وبخير وصحة وسعادة

شمس النهار يقول...

*سواح في ملك اللــــــــــــــــــه

:))
احنا بنسوق في سيرك
وده ميدينا مهارات عالية جداااااا

:))

شمس النهار يقول...

*Bent Men ElZman Da !!

المفروض بيني وبين شغلي مش اكتر من نص ساعة ساعات بروح في ساعتين

كل سنة واتتي طيبة وبخير وصحة وسعادة

:)

faroukfahmy يقول...

القيادة ذوق وفن قيل ان تكون تعلم
اذا صلح الطريق هان معه الجهدوالضنك
مقال يستحق الدراسة من اولى الامر منا

أندروميدا يقول...

كل سنة وحضرتك طيبة وكامل الاسرة بخير وصحة وسعادة :))

ورمضان كريم

شمس النهار يقول...

*faroukfahmy58

فعلا كلام حضرتك تمام

اولي الامر عارفين الكلام ده وعاملين نفسهم من تنزانيا
:))

شمس النهار يقول...

*اندورميدا
وانت بالف خير وصحة وسعادة

رمضان كريم

:))