الثلاثاء، 11 فبراير، 2014

عم حمدين :)

عم حمدين
ونحن شاااااااااكرين
انت عارف ياعم حمدين انت بتعمل ايه
تاااااااني
؟
انت حر
اهو من اولها عملت فورتينه
بين الشباب الجميل
بتاع تمرد
وكمان ناس كتير مش طيقينك
علشان
انت هتترشح قصاد السيسي
طيب بلااااااااش
وافتكر اني نصحتك
وعادي يعني لو تمثيلية
علشان تبقا انتخابات وحركات
مش جديد عليك ماانت مثلت قبل كده
وكان نفسك تمثل
:)
 للي عايز يعرف مين حمدين
اصل شاب سالني
هو حمدين بيشتغل ايه
:) 
مااحنا بقينا ملطشه كل واحد
يهرش في راسه عايز يحكمنا
واحنا صراحة مالناش ملكه
ولا حد بيعرف يحكمنا
:)
اخويا قالي ان مصر من ايام مينا موحد القطرين
ماحكمهاش صح الا رجل عسكري
ليييييييييه بقا؟
موضوع طويل صدعني بيه
موقع مصر
واسرائيل
والغرب
طبيعة الشخصية المصرية
فتوات زمااااان
حاجات كتيييييير
ماعلينا
اللي عايزه ربنا هيكون
وياخبر بفلوس بكره يبقا ببلاش
ومن يوم ماقالهااااااااا
 مبارك
خاليهم يتسلوا
واحنا مش ملاحقين
ياربييييي
فوتكم بعافية 
:)

هناك 6 تعليقات:

faroukfahmy يقول...

بصراحة انا فوجئت بترشخ الصباحى
اللى ما يقدرشى يحكم تقدير طبيعة اللعبة الصسياسية ومدى الفوز فيها لا يصلح ان يكون حكما وحاكما
مش مصدق مش متصور مش مجرد التخيل

Gamal Abu El-ezz يقول...

كل واحد مرشح نفسه معتمد إن السيسى عسكرى وبيلعب على أوتار ثورة الشباب لكى يجمع اصوات الإخوان ومن يحبهم أو يؤيدهم وهيملوا زى ايام مرسى انتخب حمدين وإعصر على نفسك لمونه علشان الجيش مش يحكم ولكن الأيام الجايه واضحه جدا مين هيبقى رئيس مصر فيها

ابراهيم رزق يقول...

عادى جدا يا شموسة
هى دى الديمقراطية

قمر وليل وغيوم يقول...

هههههههههههه
مش عارفه اقولك ايه
على العموم احنا فى انتظار انتهاء المسرحيه
يارب تنتهى قريب بقى قرفنا بجد والمسرحيه بقت بايخه
تحياتى لكى

فشكووول يقول...

يا ست شمس حمدين لو ما اترشحش حيترشح على نفسه .. هو نفسه يموت ويبقى رئيس .. ممكن نديه رئيس حزب ونريحه

حفيدة عرابى يقول...

العسكرى يحمى بس ياشمس هانم ويحمى الحدود كمان من العدو الخارجى ..لكن العدو الداخلى فيه أجهزة أمنية تانية تتعامل معاه ...الجيش مش وظيفته الحكم أبدا
التخصص كويس ولما كل واحد يبقى عارف وظيفته ومش بيتخطى دوره نبقى بلد بجد ...عيب قوى لما سيناء تبقى بايظة كده والجيش يبقى مؤدب وعسول وملتزم باتفاقياته مع العدو الحقيقى اللى هو اسرائيل ..لكن بيتشطر علينا احنا وقاعد على قلبنا بقاله 3سنين وسايب وظيفته الأصلية مش مركز فيها

أخو حضرتك ايه رأيه فى أبو غزالة ؟ وليه اتشال من وزارة الدفاع ؟ طب طنطاوى ايه رأيه فيه عشرين سنة وزير دفاع ؟ وايه رأيه فيه السنة ونص حكم المجلس العسكرى ؟ وايه مواهب السيسى فى الحكم غير ان خلص اللى بيكرهوا الاخوان من الاخوان ؟ مبدأ ان اللى يحكم مصر لازم يكون عسكرى مش صح ...فيه عسكرى قبل كده كان فاشل وحصلت النكسة ومكانش فاضى غير انه يتجوز برلنتى وفيه عسكرى تانى كان سبب فى هزيمتنا ومقتل كتير من جنودنا فى اليمن ..وفكرة مساندة الثورات انا معاها جدا بس هو كان فاشل ومحسبش حساب المعركة صح ..فيه عسكرى قتل رئيس الجمهورية فى عرض عسكرى وهو بيحتفل بالنصر

أخو حضرتك شايف ان اللى يحكم مصر لازم يكون عسكرى ومن ضمن أسبابه اسرائيل ؟؟ طيب ايه رأيه فى دعم أمريكا لاسرائيل ؟ وسلاحنا ياترى جاى منين ؟ مش من أمريكا برضه ؟ يعنى احنا بناخد -وده اجبارى علينا- معونة عسكرية وسلاح من أمريكا عشان نحارب بيه اسرائيل ربيبة أمريكا ؟؟؟ الكلام مش متناقض ؟
ياشمس هانم عندنا أماكن فى سيناء الجيش مينفعش يدخلها الا لما اسرائيل توافق وبيضطر يخلى فيها أمن مركزى وحتى الأمن المركزى ده العسكرى مقدرش يحميهم من اللى قتلوهم وقت المغرب ولو حضرتك قلت الاخوان هم اللى قتلوهم ..هاقولك فين الدليل ؟؟؟ وفرى محاكمة عادلة واثبتى مين قتل الناس دى ويتعدموا فى الاخر لو ده قرار القاضى لكن الاتهامات من غير دليل مش مقبولة

العسكرى يشوف وظيفته ويعملها ويسيب الحكم للمدنيين عشان دى شغلتهم ..فيه عسكرى محترم اسمه محمد نجيب حاول يعمل كده فالعساكر زملاء الثورة معاه اضطهدوه لغاية مامات
ازاى مصر
لو النظرية دى صح يبقى نرجع صدام للعراق والقذافى لليبيا بقى عشان مينفعش يحكمهم غير حد مستبد ونرجع مبارك كمان ماهو الراجل عسكرى زى الفل اهو كنا يعنى بنعزله ليه