الثلاثاء، 4 فبراير 2014

الاخوان

صباح الخير
:(
ايوة زعلانة
كنت في مشوار قرب ميدان النعام
واللي مايعرفش ميدان النعام ده ميدان منه تروح عين شمس او المطرية او حلمية الزيتون او ....
المهم
كنت هناك وفااااااااااجأة سمعت 
صوت ضرب ناااااار
وصوت دق طبول
ولا افلام الاكشن
قلت للي معايا ايه ده ردوا عادي ده الاخوان هيعدوا دلوقتي انزلي خدي عربيتك والحقي امشي
نزلت
لما نزلنا كان بيني وبينهم مسافة مش بعيدة
ومع احترامي للهمجية اللي همه فيها
دول مش اخوااااااااان

ايوة دول مش اخوان
ممكن يكون فيهم نسبة قليلة من الاخوان 
بس دول مش اخوان
الاخوان مابيربوش دقنهم لما تبقا بالطول ده
ولا بيحنوا دقنهم
ولا بيلبسوا ملابس زي الافغان والخليج
دول الجهادية بتوع عين شمس
اللي ياما الامن سحلهم زمان ايام الارهاب
طبعا مش عايزة اقولكم المسيرة كانت عامله ازاي
حاجة تحزن بجد
ومش هقول غير ربنا يهديهم
ويبعد عننا الفتن
ويقينا شر اللي بيعملوه ده
وعلي فكرة ماكنش في امن خالص
وكان معاهم سلاح
علشان اللي بيقولوا انهم سلمين
ومعروف في عين شمس والمرج والخصوص 
ان العالم دي معاهم سلاح واللي مش مصدق يروح يستني في ميدان النعام يوم الجمعة يشوف بنفسه
ويتاكد انهم من الجهادين الارهابين
بتوع التمانينات والتسعينات
يارب احفظ مصر

هناك 6 تعليقات:

قمر وليل وغيوم يقول...

ايه ده معقول معاهم سلاح؟؟؟
؟؟؟؟؟؟

انا معاكى ان الاخوان مش بيربوا دقنهم اصلا ولو ربوها مش بيطولوها اصلا ولا بيحنوها والكلام ده
لكن لا ننكر انها سنه عن النبى صلى الله عليه وسلم
انتى عارفه ان اى حد يخرج فى مظاهره مش شرط يكونوا الاخوان نفسهم لاء فى ناس كتير مش منهم بس بتأيدهم
انا ضد ان الناس تخرج بسلاح بالمنظر ده وترهب الناس فى الشارع بالشكل المريب ده
بس غريبه الناس دى جايه منين من افغانستان؟ولا فلسطين
المهم ربنا يستر
تحياتى ليكى وحمد الله على سلامتك

Gamal Abu El-ezz يقول...

الناس دى عايشه فى عصر الجاهليه
عايزين الناس تفضل متخلفه زيهم كده
الإسلام بيحض على العلم والتكنولوجيا دا حتى أمرنا نطلب العلم لو فى الصين الى هى ارض كفر فى الوقت ده
يلا أيامهم قربت تنتهى

asmaa fathy يقول...

ربنا يهديهم ان كانوا الاخوان او الجهاديين دول
دول ودول عايزين الحرق . :)

gogo!sf يقول...

دائماً مايكون الخواء الفكرى قاسم مشترك مع الجهل
لو كان هؤلاء يعرفون المعنى الحقيقى للاسلام ما قامو بترويع الاخرين تحت مسمى الشرعيه
لكى الله يا مصر

نـــادر

الحياة الطيبة يقول...

شمس النهار
حزنت لما قرأت
الله يحفظ مصر وأهل مصر من كل سوء ومن كل من أرادها بسوء ،مع الأسف أن يفعل هؤلاء كل ذلك باسم الدين والين من أفعالهم بريء
الله يحفظكم بحفظه ويلطف بكم بلطفه .
اللهم احفظ مصر وأهل مصر .
تحياتي

أسماء حسان يقول...

يارب احفظ مصر ..