الجمعة، 28 فبراير 2014

الاخلاق !

صباح يارب يكون الخير
بجد مش عارفة اقول ايه
مندهشه مبهورة باللي شوفته وسمعته
بقا ياعالم ياظلمه يامفترين
الرسول الكريم صل الله عليه وسلم
كان بيشتم
!!!!!
كنتوا قاعدين معاه بقا ولا مكشوف عنكم الحجاب
فين الحديث او الرواية الصحيحة اللي بتقول كده
ها
مش مكسوفين من نفسكم مش خايفين من ربنا
لما ان شاء الله نقابل الرسول يوم القيامة هتقولوا له ايه
اتكلمنا عليك وحش
الرسول الكريم الخلوق الصادق الامين
اللي شهد له الكفار انه امين وصادق ومؤدب
قووووم انتوا تيجوا بعدها 
بسنييييييييييييييييييييييين
تقولوا عليه كده
وعاملين لي بتوع ربنا ورسوله
طيب ماشي
اولا
يقول الله تعالى
(ن وَالْقَلَمِ وَمَا يَسْطُرُونَ{1} مَا أَنتَ بِنِعْمَةِ رَبِّكَ بِمَجْنُونٍ{2} وَإِنَّ لَكَ لَأَجْراً غَيْرَ مَمْنُونٍ{3} وَإِنَّكَ لَعَلى خُلُقٍ عَظِيمٍ{4})القلم1-2-3-4 
******
وقال صل الله عليه وسلم
" أدَّبني ربي فأحسن تأديبي "  
*****
وكمان
"إنما بعثت لإتمم مكارم الاخلاق" 
****
ده غير قصة اليهودي 
اللي كان بيرمي ذبالة علي باب بيت الحبيب 
ولما الرسول مالاقاش الزبالة يوم سأل عليه 
اليهودي اسلم من خلق الرسول الكريم 
*****
اللهم صل وسلم وبارك عليك يارسول الله
وحسبي الله ونعم الوكيل
ربنا وحده اللي هيقتص منكم لرسوله الكريم
العيب مش عليكم 
العيب علي اللي سابكم ترعوا في البلد وفي دماغ الناس
حرقتوا دمي علي الصبح يابعده
منكم لله



هناك 18 تعليقًا:

faroukfahmy يقول...

ودن من طين وودن من عجيت

Foxology يقول...

صباح الخير ...

الرسول الكريم صلى الله عليه وسلم أقصى ما كان يفعله هو التوبيخ كما روت الأحاديث والحوادث التاريخية عنه صلى الله عليه وسلم (وما ينطق عن الهوى)، فلا تندهشين ممن يقول ذلك فعن نفسي قد كففت عن الاندهاش ممن يخوض في الدين ويقول على الله غير الحق من أمثال من صرح بأن وزيري الدفاع والداخلية رسل من عند الله وممن قال أن عمرو بن العاص رضى الله عنه من (الأربعة المبشرين بالجنة) ...

تحيتي

sony2000 يقول...

مين قال كدا؟

ابراهيم رزق يقول...

شمس الشموس

صباح الفل

زى ما قال استاذ فاروق بالظبط

سواح في ملك اللــــــــــــــــــه- يقول...

قال تعالي

انك لعلي خلق عظيم

صدق الله العظيم

قمر وليل وغيوم يقول...

ايه ده ايه ده
مين ده اللى قال ان الرسول كان بيشتم؟
اجننوا دول ولا ايه
طبعا ده كلام فارغ
فى السيره اه الرسول صلى الله عليه وسلم فى حديث كان بيتحدث عن جهنم وعن خطر اللسان الذى يتكلم به الانسان وممكن انه يدخله جهنم فسأله متعجبا سيدنا معاذ وقال فيما معناه وهل نحاسب على ما نقول بألستنا ؟قال له رسول الله صلى الله عليه وسلم ثكلتك امك يا معاذ وهل يكب الناس على مناخيرهم فى جهنم الا حصائد ألسنتهم
وكلمه ثكلتك امك دى مش شتيمه اصلا دى كلمه كامت مشهوره زمان فى عصرهم

ذو النون المصري يقول...

بطلت اسمع فتاواهم من زمان .. اكتفيت بالقراءة للعلماء الازهريين الكبار

Carmen يقول...

انما بعثت لاتمم مكارم الاخلاق :)
وكفى

واحد من العمال - جلال كمال الجربانى يقول...

ربنا يهديهم

شمس النهار يقول...

* faroukfahmy

بس مش معقول اللي بيحصل ده فعلا

شمس النهار يقول...

* Foxology

الرجل ده كنت باحب اسمعه بس لما قال كده زعلت

بس هو طلع وقال اي شئ يخدم كلمة الله علي الارض يبقا رسول

محتاجين ناس تعلم الدين لله مش علشان الفلوس

شمس النهار يقول...

* sony2000

مش عايزة انشر الفديو علشان مايتشهرش ومايبقاش الاكثر مشاهدة علي اليوتيوب
ومش هتنبسطي من سماعه خالص دمك هيفور

شمس النهار يقول...

*ابراهيم رزق

ماشي الكلام :)

شمس النهار يقول...

* سواح في ملك اللــــــــــــــــــه

بس مين يفهم ومين يعرف
همه عايزين يبرروا الالفاظ اللي بتتسمع منهم

شمس النهار يقول...

* قمر وليل وغيوم

طبعا اتجننوا وهو كان بعد كل الفتاوي العورة دي لسه ماتجننوش

شمس النهار يقول...

* ذو النون المصري

هو ده الصح

بس انا ماسمعتهمش ده انا كنت بدور علي حاجة لطشت فيه
ودمي فار الصراحة

شمس النهار يقول...

* Carmen

المشكلة ان في ناس بتصدقهم وهو ده اللي فور دمي

شمس النهار يقول...

* واحد من العمال - جلال كمال الجربانى

آمين