سألني خطيب بنتي الصغري
سؤال علي حين غره
ماما همه ليه سموا هزيمة 67 بالنكسه
تنحت شويه كده واستغربت شويه
وبعدين سألته وهمه ليه بيسموا الغلا تحريك الاسعار
روح اسأل حماك اهو من نسور العبور
حد يعرف الاجابه
## رسائل أوليفر ساكس: نافذة على عبقرية حساسة
قبل 22 ساعة
هناك 45 تعليقًا:
افتكر هو دة السؤال ليقته اهو
بس يا بنتي ركزي انتي كتبة السؤال في الحتة و البوست في حتة تانية و مخلياه بدون عنوان ركزي
سؤال محير فعلا
*الطالبه عفوالله
معلش غلطه كمبيوتاريه
غير مقصوده
النت جالى اية النشاط دة كلة جاية سخنة من الاجازة
ومتعرفيش اجابة السؤال
النكسة لمن كان عنده جيش ولم يحارب به
فى يوم النكسة عبد الحكيم عامر قائد الجيش فى قاعدة بلبيس فى الشرقية
يركب طائرة ويطير
ويبلغ قادة الجيش ان قائد الجيش فوق فى السما
فلا تتطلق نيران
وقامت الحرب
وقالوا خلوا بالكوا المشير فوق
امنعوا النيران
هى كانوا ممكن يسموها
وكسة مش نكسة
اه من وكسات اخرى
خير خير خير
لانهم كانوا هيسموها وكسة بس بعد كدة غيروها وخلوها نكسة
*طالب ثانوي
ازيك مبروك رجوع النت
طبعا نشاط بعوض الغيبه
انت عامل ايه في المزاكره
كله تمام طبعا
*ابو علي
ممكن تكون دي اجابه
عموما هنجمع كله ونطلع بنتيجه موحده
تكون جواب نهائي
الحمد لله مبذاكرش مش عارف لية بس بذاكر قليل مش زى السنة اللى فاتت
ونفسى ادخل اعلام او حاسبات ومعلومات
*الطالبه عفو الله
انا رديت عليكي في البوست اللي قبل ده
البوست الغلط ارجعي له
تحت سؤال
*طالب ثانوي
معلش لسه مريح من رمضان والعيد شويه شويه
هتدخل في المود وهتزاكر
اعلام حلوه بس حاسبات احسن بكتير
بنتي متخرجه منها وبتشتغل حلو الحمد لله
وخريجنها مطلوبين كويس
ركز انت بس واعمل اللي عليك وزاكر
وربنا هيديك المكتوب لك علي قد عملك
ممكن يكونوا عشان البلد اتنكست كلها
67 هذا العام سمى بعام النكسة لاننا كنا نستعد لدخول الحرب
الذى وضح فى خطاب الرئيس عبد الناصر لمقولته
لقد تم الاستعداد للحرب ولكن فلنجعل لهم الضربة الاولى
وكانت مصر تمتلك عدد قليل من الطائرات
الذى ما لبث ان دمر فى اللحظات الاولى كما حدث فى الاردن وسوريا طائرات الميغ
ولهذا يمكن ان نقول عليها النكسة لى
1 تدمير جميع الطائرات العربية التى بلغ عددها212 طائرة قبل دخولها الحرب
2 الهزيمة المنكرة التى لقيتها الجيوش العربية بالاضافة الى احتلال بعض الاراضى الجديدة
3اصبح الشغل الشاغل للبلدان العربية هو تحرير ما أخذ منها وليس قضية فلسطين
هذة اهم الاراء التى ذكرت فى الكتب المعاصرة
احمد الشاعر
أنا مع رأي الشاعر حقيقة ...
والسـ ختام ــلام
اولا ازى حضرتك وحشتينى عدانى بوستين صغييرين معلقتش عليهم ....
وثانيا مبروك لبنت حضرتك ربنا يسعدها
ويكرمها فى زوج المستقبل
..اما السؤال العويص ده فأعتقد انه النكسه بتيجى لليى مكنش اصلا مستعد للحرب وبيحارب يعنى جات على جيش قاعد مش مستعد ممكن
انا مش خبير عسكرى فمعرفش
لا والله مش عارفه احللها لا اعلم
وزى ما سيدنا على قال..
من قال لا اعرف فقد افتى
بس اعتقد اصوب الاراء راى ابو على والشاعر...
والله اعلم برضه
السلام عليكم
اولا مبروك لبنت حضرتك
ثانيا
بخصوص السؤال
النكسة بمعناها على ما اعتقد هى
الهزيمة المفاجأة والغير متوقعة بعد الاعتقاد بالنصر ،
على العموم اللى فات فات
سؤالى حاليا
ياترى احنا دلوقتى فى ايه
نكسة برده
ولا وكسة
ولا نسميها ايه
تحياتى
*رومنسي
فعلا البلد ساعتها كانت ماشيه منكسه
الرؤوس
*الشاعر
اهلا بيك
ممكن تكون هي دي بعض الاجابه
بس تحليل جيد
*محمد هشام
طبعا مؤيد الشاعر مانتوا شعراء مع بعض
*محاسن
انت كمان وحشتيني وكل سنه وانت طيبه
علي فكره انا دايما برجع لكل البوستات السابقه ربما يكون حد دخل وعلق ارد عليه لآن ده ضيفي لازم اكرمه
فممكن تعلقي علي مافاتك
بالنسبه لبنتي دي مخطوبه من9شهور
البنت الكبيره متزوجه من 5شهورودي24سنه
والوسطي برضه مخطوبه من سنه ودي 23سنه
والصغري19سنه
انا بحب زواج البنات في سن صغير
ومادام جائنامن نرضي دينه وخلقه يبقي الحمد لله
انا كمان تزوجت بعد التخرج علي طول
كده احسن يامحاسن
عقبال ملتفرحي ب عبد الرحمن
*ذو الوجه المبتسم
شكرا علي التهنئه بس ده كان من 9شهور
بالنسبه للي احنا فيه دلوقتي
اعتقد مالوش اسم
ممكن الاجيال الجايه تسميه
او ندور علي عباقرة النكسه يسموه زي ماسموها
السلام عليكم ورحمة الله وبركاته
لما يكون في واحد عيان قوي وبعدين يشم نفسه شوية ويفوق بنقول بدأيخف لكن لما يخيب امال الناس في شفائه والحلة تتدهور اكتر ما كانت بيقولو حصله انتكاسه
واعتقد ان ده اللي حصل مع مصر
انتكست
ولحد دلوقتي مش عيزة تفوق مالغيبوبة
تحياتي
الي اللقاء
*كيمت
هو ده نفس الرد اللي انا رديته عليه قلت له يمكن عشان كنا منتصرين في56
ولما اتعمل فينا كده سموه النكسه وخصوصا ان احنا ماحربناش اصلا
احممممم
اتفضلى الرد الجديد على السؤال:
النكسة : مصطلح أطلقه الكاتب الصحفى محمد حسنين هيكل على الهزيمة فى 67 تقليلا من وطئتها
احنا دايما كده بنحب نسمى الحاجة اسامى تانية علشان منواجهش الواقع اللى اتسببنا فيه
وبعد كده عبد الناصر عمل تمثيلية التنحى
وجه السادات نضف اللى حواليه وبدأ على نضافة وانتصر
ملحوظة: مبحبش عبد الناصر ,لاالسادات ولا مبارك
*ميدو
الله ينور ياشيخ ميدو
انت مابتحبش ناصر والاالسادات والامبارك
اكيد بتحب انور وجدي
احب اعلن لسيدتك ان الان وبعد غيبه طويله
هبداء عمل القائمه
دعواتك ونفسك معايا وقول يارب
فى انتظار القائمة
:)
هى نكصة من النكوص وهو الرجوع للوراء ..وهى نكسة من تنكيس أى هدم البيت الخرب ..وتنكيس الراية والبيارق فى شرق القناه ...هى التى حرقت آمال الشباب وقتها لاعتقادهم ان حدوث نكوص مثل الذى حدث غير وارد ..وهى التى دفعتنا للتقدم طواعية لأخذ دورنا فى رد الكرامة للوطن الجريح
لاأجيب
لو فى مكانك
عشان كانت نكسه :S
حلوة اويييييييييييييي
انا لسة جديدة وعيزة حد يشخعني ويعلقلي شكرا
*ميدو
اظاهر مش مكتوبه لي
كل ما احاول الكمبيوتر يهنج وشكله ناوي يعطل
ربنا يستر
*مكس بتاع زمان
انا معاك في اللي كتبته
كان لازم نتخبط عشان نفوق من النعره اللي كانت موجوده ايامها
وهو ده اللي خلق التحدي
وكان في هدف
تقدر تقولي ايه هدف الجيل الموجود دلوقتي
وايه التحدي اللي عندهم
ربنا يرحم الجيل ده
وكفايه الاحباط اللي همه فيه
*ياقوت
المشكله ان بناتي وتوابعهم فاكرين ماما دي تعرف تجاوب علي كل حاجه
احاول اقنعهم ان مافيش حد يعرف كل حاجه ابدا
فلازم اجاوب والا هاخد مخالفه
*كاتروز
ماشاء الله
ايه الحلاوه دي
*مقتطفات من حياة فتاة
اهلا بيكي وحاضر ان شاء الله همر عليكي
كده كده اي مدون بيعلق عندي
بحب ازور مدونته عشان اعرفه اكتر
وكمان عشان اعرف هكلم مين
اولا ازيك وكل سنه وانت طيبه مع انها متاخره بسبب ظروف سفرى و ماكنتش موجوده ):
نيجى بقى للسؤال عن النكسه ليه اتسمت كدا لان للأسف تم تبليغ المخابرات بوقت الضرب ماحدش اتحرك وقتها لان قاده الجيش كانوا فى حفله زفاف بنت قائد القوات المسلحه فى اسماعيلية
عشان كدا جت كلمه النكسه من انتكاس قاده الجيش وعدم التحرك و عدم تبليغ الاوامر فى وقتها
والله اعلم
سموها النكسه
علشان نكست رأس كل عربي في الطين
وبالنسبه لتحريك الاسعار
يعني بيزودوا الأسعار وبيقللوها بمزاجهم
وبعدين دي مش محتاجه حد من نسور العبور
دي عايزه وأحد من شارع محمد علي يجاوب عليها زي الناس الي بتطلع في التلفزيون ههههههههه
تقبلي مروري
مجنووون
خدعو الناس و سموها نكسه و هيه هزيمه منكره و وصمة عار على جبين كل العرب الي عاشو المهزله و عار على كل من خان شعبو و بلده ...مش اسرائيل الي هزمت الجيوش العربيه الفساد و الظلم و الديكتاتوريات و الكذب ..
بالنسبه بلاسعار اللى مش عاجبوا مايشتريش دا شعار التجار دلوقتى
هههههههه
والحكومه بتقولك هتجوع يعنى هتجوع
تقبلى مرورى
فارس
*ضد التيار
حمدالله علي السلامه
وكل سنه وانت طيبه
8مجنون اهلا اهلا
ايه الغيبه دي
وسببها ايه
شوفي
مادام الموضوع لسة خطوبة
انا شايف ان بنتك تعيد نظر
يا ستي ربنايكرمهم وتشوفيولادهم
قوليلة ميغلش نفسة بنكسة 67
خلي يفكر في الوكسة اللي احنا فيها
*فارس القمر
معلش اتأخرت عليك في الرد بس الكمبيوتر كان بعفيه واتجنن شويه
يادوبك اكتب كلمتين ويروح قافل
كلامك مظبوط العرب اللي جابوا لنفسهم الوكسه بتفرقهم تعاليهم علي بعض
*اناجعان
حمدالله علي السلامه
صدقني اكتر ناس مركزين في الوكسه اللي احنا فيها همه الشباب اللي علي وش جواز لآنهم بيتصدموا كل شويه لما يجوا ياخدوا خطوه بعد خطوه
ربنا يحلها من عنده
مع الوضع في الاعتبار ان زمن المعجزات والا
*انا جعان
حمدالله علي السلامه
ده تاني رد اكتبه لك والكمبيوتر يعند عليه
انت فيه محاكم بينك وبينه لاسمح الله
كل سنه وانت طيب
الاجابة سيدتي هي قدرة اللغة السياسية علي تحويل الحقائق الي معاني اقل قسوة تخيلي هزيمة شعب كان قد خدعتة تصريحات الساسه بالالقاء باسرائيل ومن وراءاسرائيل في البحر قيادة اوهمت الشعب بالقدرة علي محو اسرائيل من علي الخريطة
مازلت اري العجب و الخيلاء في وجه جارنا المجند و ايمانه بدخول تل ابيب و التمتع بسبايا اليهود الحسان و نفس هذا الشخص بعد الهزيمة و قد تحول الي شبح ادمي ليس له هوية و لا هدف
النكسة كلمة تخفف علي الثكالي فقد فلذات اكبادها كلمة تغفر للمقصرين و المستهترين من القيادات مآثم دفن ابناءنا و ذوينا تحت اقدام العدو كلمة تخفف مرارة و غصةالاسري
سيدتي هكذا نحن بارعين في لوي اذرعة الحقائق
تحريك الاسعار دليل اخر علي اللعب بالكلمات
تحياتي
*احول الهوي
تصدق انت قلبت علي المواجع
فكرتني بمنظر امي وهي تبكي وانا لااعلم لماذا حيث كان عمري 8سنوات
وزوجة البواب وهي تبكي اخاها الشهيد ولم اكن اعرف يعني ايه هو مات بس حي
وابي يبكي ابن خالته وصديق عمره الاسير
وعندما كبرت وعلمت اكرمني الله ان اشهد نصر اكتوبر وعندي14 سنه
وكما شوفت الحزن شفت الفرحه علي كل الوجوه حتي من فقد غالي في النكسه فرح وخد عزاه
شكرا انك علقت علي مواضيع كتير عندي
إرسال تعليق