السبت، 11 أكتوبر 2008

الكمبيوتر بتاعي اتجنن
يادوب افتح واخد وضع الكتابه والقرأه الاقيه يتحول الي جثه هامده
لابيصد والابيرد
ويروح لامم الكراسي ويرش ويقفل الدكان علي كل الفايلات المفتوحه
والاقي الشاشه ضلمه وناقص يطلع لي لسانه
يعني كرسي في الكلوب
حاولت افتح بسرعه وارد بسرعه علي قد مااقدر ولحقت اكتب الاعتزار وانشره وراح قفل خالص
دكاترة الكمبيوتر في القبيله صلحوا في شويه والمفروض هنكمل النهارده
ادعوا له بالشفاء
وبشكر كل اللي ساب لي تعليق اثناء الوعكه الكمبيوتاريه

هناك 10 تعليقات:

Empress appy يقول...

الف سلامه عليه بخريه يا شموسه وهو هيبقى كويس ههههه

Sweet Violet يقول...

الف الف سلامه لتانى مره

و ان شاء اللى يتصلح عشان تبقى معنا

شمس النهار يقول...

*ابي
تفتكري البخور هيجيب نتيجه
هجرب وعليكي

شمس النهار يقول...

*ضد التيار
ادعي لنا اهو جاري الاصلاح ولو اني مش فاهمه حاجه في الموضوع بتاع الكمبيوتر

Unknown يقول...

ربنا يشفيه يا ستي ويرجعك لعالم التدوين تاني حاكم وحشنا كلامك والله
كل ودي

saragebaly يقول...

اول زيارة ليا في مدونتك الاقي الكمبيوتر تعبان

الف سلامة عليه وباذن الله قريب جدا هيتصلح

عايزة اقولك ان مدونتك حلوة اوي

تقبلي مروري وتحياتي
سارة

شمس النهار يقول...

*كاتب مصري
الله يبارك فيك
ادينا شغاليين لما نشوف ايه اخرتها مع علماء الكمبيوتر بتوعي دول

شمس النهار يقول...

*ساره
اهلا بيكي
ونأسف علي العطل بس جاري العمل
ونورتيني

Foxology يقول...

لا حول ولا قوة الا بالله

انا مستعد اصلحه وببلاش والله :)

ربنا يرجعه بالسلامة

شمس النهار يقول...

*فوكس لوجيا
ربنا يخليك ويكرمك
لقد تم الاصلاح علي يد عباقرة القبيله
شكرا علي زوقك