الثلاثاء، 21 أكتوبر 2008

النت اه من النت

6ايام انقطع فيهم النت
ان ينقطع النت ده شئ عادي ولكن ان ينقطع اسبوع
وبدون اي سبب والشركه ودن من طين وودن من عجين
الي ان هددنا ان نقدم شكوي
ونسحب الاشتراك
ورجع النت ليه كل حاجه في بلدنا بقه فيها وجع قلب للمواطن ولا مبالاه من المسؤل عن اي حاجه وفي اي حاجه
كبر المسؤل او صغر حجمه هو مش الموظف ده او المسؤل ده مواطن زينا كده والا ايه
ولا اقصد المسؤل هنا اي وزير او محافظ او وكيل وزاره............الخ
لا المسؤلين الصغار اللي بيتعملوا مع المواطنين
اشكر ضد التيار وبيرم المصري اللي سألوا عن غيبتي

هناك 13 تعليقًا:

mido يقول...

اول حاجة

اعتذر علشان مسألتش عليك , كنت بحسبك مشغولة

تانى حاجة

انت تبع شركة ايه؟ والمشكلة كانت ايه بالظبط؟

mahasen saber يقول...

حمد الله على سلامته ...
قطع من عندى انا كمان يا شموسه وتخيلى حضرتك رحت سايبر عشان اكتب بوست جديد وفضلت اضرب اخماسفى اسداس بس الحمد لله رجع مش علطول بس على عرض....
....
حضرتك نورتى ويا رب ما يعملها تانى ...
اللهم يديم سرعاته ووصلاته....

mahasen saber يقول...

ميدو ...
هنزل ويندوز جديد وفاير فوكس وكله بس عشان ادخل مدونتك اليى جابتلى استبحس مهسهس من عمايلها معايا
....
بس المهم انتا تمام....

SHAPE YOUR LIFE (ABOALI) يقول...

كان ياما كان
كان فيه نت عطلان
واصحابه فى التوهان
والشركه قالت حلو
مافيش نت من الان
محصلش تغير
ولا حد قال احنا للنت مش واصلين
الشركة قالت يبقى عادى
لاننا فى زمن العادى
واصبح ده شيىء مألوف
اعتادنا عليه
وعملنا ليه نصوص
واصبح اللى بيسئل يقولوا
عليه حلوف
بس ولو
احنا اللى لازم نغير
لان دوام الحال من المحال
يلا بينا كلنا
ندور على حقنا
ويكون فى عندنا همه ونشاط
زاى ما فعلت
شمس النهار



تحياتى

شمس النهار يقول...

*ميدو
شكرالك مافيش حاجه
بلاش ليقطعوه تاني
ماكنش فيه سبب
ولما جوز بنتي كلمهم امبارح وهو اي تي
وفاهم غيري طبعا عرف يتفاهم معاهم كويس
ورجعوه في نص ساعه
في حين كان كل ماكلمهم يقولوا ده من عندك
اهو طلع من عندهم دول بيستعبطوا
اظاهر الحمل كتر عليهم

شمس النهار يقول...

*محاسن
الله يخليكي
اتضح انهم بيقطعوه علي الناس كلها وكتير كمان وكل واحد وحظه
انا كمان كنت واخده دور كده علي الماشي فاماقدرتش انتقل لآذاعه خارجيه
اطمن عليكم

tarek momen يقول...

بما ان النت مقطوع عندي و باكتب من نت الجيران
ممكن ابعت لك حلة استلف فيها شوية نت ينوبك ثواب

شمس النهار يقول...

*ابو علي
عندك حق لما كلمهم اللي فاهم كويس وهددنا ان نعمل شكوي ونصعدها
لآن كده يكون العطل من عندهم رجع النت في نص ساعه

شمس النهار يقول...

*طارق
ماعنديش مانع ابعتها واحنا كرمه هملاها لك كلها
بس كلم الشركه واتخانق وهدد انك هتقدم شكوي وهيرجعوه علي طول

mido يقول...

محاسن

انا الحمد لله

الفايرفوكس افضل من الاكسبلورر وعن تجربة

Sweet Violet يقول...

هو كدا لازم الواحد يهدد ويتخانق عشان يتحركوا

مش عارفه امتى نتقى الله فى شغلنا

المهم

حمدلله على السلامه و الحمد لله ان المشكله اتحلت ورجعتى تانى (:

Sweet Violet يقول...

صحيح سؤالى عنك واجب عليه و بيقولوا ايه فى مصر؟؟؟

لا شكر على واااااااااااجب

شمس النهار يقول...

*ضدالتيار
الشكر ليكم انتم اللي نشرتم الوثيقه
الجميله
حقيقي عمل جاد وجيد