الثلاثاء، 21 أكتوبر 2008

الي كل مدون شريف

الوثيقة التأسيسية للمدونين
عناصر الوثيقة التأسيسية للمدونين
1- عدم المساس لأي دين أو مذهب بالتجريح وعدم نشر العداوة بين المذاهب المختله
2- عدم نشر روح
الأنهزاميه بين المدونين ومحاولة السمو بالأفكار والإستفادة منها للصالح العام
3- البعد عن المصلحه والأطماع الشخصية وجعل التدوين نزيه وله هدف سامي
4- المحافظة علي شرف التدوين ومحاولة الأرتقاء به لأعلي الدرجات
5- البعد عن تعليقات المجاملة والعمل علي النقض البناء الذي يهدف إلي تصحيح المفاهيم والتقريب بين الأفكار
6- نشر روح المحبه والأخوه بين الناس
7- البعد عن الأفكار الهدامه والتمسك بالقيم والمبادئ الإسلاميه الحنيفه
8- عدم التخلي عن التدوين قدر المستطاع ومحاولة التواصل حتي ولو علي فترات متباعده
9- مساعدات أخوننا المدونين علي قدر المستطاع ونشر الخير بينهم
10- عدم التعرض بالآساءة أو الألفاظ الجارحه لمن يقوم بالرد علي مدوناتنا
11- التضامن مع أخوننا في كل انحاء العالم وأظهار لهم روح الترابط والأخوة عن طريق التواصل عبر المدونات
12- متابعة تعليقات من نقوم بالرد في مدونتهم لكي يتم الاستفاده من هذا النقاش
13- عدم التسلط أو التطاول علي من يقوم بنقضنا ، ومحاورته بكل حب وتفاهم لكي يتم تصحيح المفاهيم
14- مقاطعة مدونات الشواذ والمثليين وارشادهم للصواب وتعريف المدونين بيهم لكي يتفادوا التواجد معهم
15- عدم نشر العادات السيئة والتقليعات الغريبة التي لا تمت بأي صله للإسلام ولا للعادات والتقاليد الشرقية
اقسم بــالله الـعـظـيم
أن احــــافــظ عــلــي شـــرف التدويــن وأن أعـمــل جــاهــدا عــلــي ان أرتـقـي بـهــذا
الـمـجـتـمع الإلكتروني لـكــي يـــكــون صـــوت الـناس وللناس وأن أقـــوم بنشر روح الأخـــوة والـمحبه بـيـن الـنـاس
وأن أعمـل جـــاهـــدا عــلــي رفـــع الـمـعـنـويــات لــدي الـمـدونين لــكــي يبدعــوا وأن نقف بجــانـب كـــل مــــن
يـحـتـاج الــعــون وأن نتـعـامــل مــع أخــوانـنـا الـمـدونـيـن بــالــحسنه والأخـــوه وأن التزم
بشكر كل المدونيين اللي اشتركوا في هذه الوثيقه (مجنون اللي طلع عاقل - محاسن - كيار - ضد التيار - ايمي - برنسس - طوبه فضه وطوبه دهب - عمرو فاروق - ساسو - ام.كا - مصطفي ريان - احمد.كا - البحث عن انا شئ جنوني)
وادعوا الله ان تكون ايضا نداء لكل من اغلق مدونته ان يعود ويواجه الاسباب اللي خلته يغلقها في وجه احبابه وان نساعده جميعا في التصدي لهذه الاسباب.
تسلم ايديكم علي هذه الوثيقه.

هناك 39 تعليقًا:

mahasen saber يقول...

المشكله اليى قالقانى يا شموسه للحكومهتقبض على الوثيق باليى فيها باليى بيأيدها بتهمة الدعوه لعمل منظم
.....
ونروح جميعا نشرف فى طره بس يا ترى فيه هناك سيبر نعرف نتابع منه مدوناتنا
على فكره مجنون محامى وشكله كده هيلمنا ونروح نستجم يومين فى العباسيه سوا
...
حضرتك رايك ايه انه فسحه احسن طره ولا العباسيه
.....
بس على فكره انا سعيده ان الوثيقه لاقيه القول الحلو ده
شئ يفرح اننا متفقين على شئ صح زى كده
....

prince4ever يقول...

بجد وثيقة محترمه جدا يا شمس
و الله ده اللي الواحد كان نفسه فيه من زمان... بالذات البوينتس بتاعة عدم المجامله وعدم نشر الروح الانهزاميه... بجد وثيقة زي الفل ويا رب الناس تلتزم بيها وبالقسم-اللي فكرني بقسم أبو قراط -اللي حضرتك اضفتيه... مهم جدا اننا نمشي عالنهج ده للارتقاء بالعالم التدويني لآفاق افضل
احييكي بشده واحيي كل من معك من شخصيات محترمه ساهمت في هذه الوثيقه المتميزه للغاية
تحياتي

أحــوال الهـوي يقول...

ياريت
ارفع لكم يداي بالموافقة و الشكر لكل من اقترح اي من تلك النقاط
اظن هدف هذه المدونات تبادل وجهات النظر و تنمية الثقافة و تبادل الخبرات من الاكبر سنا و الاكثر حكمة مع فورة و اندفاع الشباب

تحياتي و تضامني

romansy يقول...

مجهود كبير من الاخوه المدونين
ياريت فعلا نقدر نحقق ولو جزء صغير قوى
الموضوع فعلا جميل
بس ما علينا الا التوجيه
والاصلاح بقدر الامكان

SHAPE YOUR LIFE (ABOALI) يقول...

(مجنون اللي طلع عاقل - محاسن - كيار - ضد التيار - ايمي - برنسس - طوبه فضه وطوبه دهب - عمرو فاروق - ساسو - ام.كا - مصطفي ريان - احمد.كا - البحث عن انا شئ جنوني)

يار تنى كنت معاهم

تحياتى

شمس النهار يقول...

*محاسن
تفتكري كده
بس مااعتقدش انهم ممكن يسجنونا عشان احنا عايزين نبقه مؤدبين
لكن ممكن يدخلونا عنبر الحالات الحرجه
عشان ماحدش دلوقتي كتير عايز يكون مؤدب
العادي خالص
البلطجه
المهم التنفيذ يامحاسن مش الاتفاق بس

شمس النهار يقول...

*برنس فور ايفر
شكرا لك بس انا لم اشترك فيها انا لاقيتها عندهم عملتلها كوبي بيست
واضفت بس الجزء اللي بالخط الاسود التخين عشان كان لازم احيي الناس دي علي فكرهم الجميل
وياريت كلنا ننشرها ونحطها عندنا
في المدونه

شمس النهار يقول...

*احول الهوي
ماقلتليش الاسم كده صح
المفروض الكلام اللي بتقوله ده
بس في ناس انحرفت عن الطريق
فيجب تصحيح المسار
زي ماتقول كده وقفه مع الصديق
في موضوعيين عندي لو تحب تقراهم هتعرف المشكله اكتر
مدونين علي طول
واول بوست كتبته في المدونه
شكرا

شمس النهار يقول...

*رومنسي
مننا فينا احنا اللي نحافظ علي الاخلاق في المدونات ونقاطع اي مدونه تحيد عن المسار
احنا اللي هنحمي البلوجر

شمس النهار يقول...

*ابو علي
كل واحد ينشر البوست هيكون معاهم
وكل اللي هيعمل بيه ويحافظ علي الكلام اللي فيه هيكون معاهم

Sweet Violet يقول...

عااااااااااااااااااااااا

بس بس دا انا اتصدمت لما لقيت اسمى مكتوب

انا الوحيده اللى هايتشك فى اسمى ضد التيار و وثيقه يعنى هاترحل بدرى بدرى

عاااااااااااااااااااااااااااا

لا بس بجد فى حاجات فى الوثقيه دى لو كل المدونين عملوا بيها

حاجات كتير هاتتغير فى العالم دا و اهمها ان نقد البلد اللى بيبقى فى بعض الاوقات بطريقه غلط هايكون ايجابى مش بالسلبية اللى الواحد بيشوفها

و دا لينك اللجنة التأسيسية للمدونين

http://blogers2008.blogspot.com/

Beram ElMasry يقول...

الاخت الفاضلة. شمس النهار
عود حميد بعد طول انتظار
الوثيقة بها اخطاء لفظية واملائية
يجب التاكد من الشكل القانونى والاحتياط من المخالفة
صياغة ما يخص المعتقدات صياغة حازمة ودقيقة
تحياتى وبالتوفيق

كـــيــــــــارا يقول...

شموستي اتعمل مدونه عشان ننقاش البنود تاني

اللينك اهو


http://blogers2008.blogspot.com/

سبهللة يقول...

أشكرك على السؤال عنى
اطمنى انا ما شية كويس فى الحفظ بس بطىء شوية ولما هاخلص الجزء الثلاثون حفظ هاكتب فيه التفاصيل
تحياتى لك
واتمنى ان كل مسلم يحفظ كتاب الله ويشعر بالحلاوة اللى انا شعرت بيها

خواطر ليست عابرة يقول...

هذا الكلام الجميل يتوافق مع الدين والأخلاق والعقل والانسانية وكل معاني الخير والجمال
ولم أجد من بين النقاط ما يعوني للاعتراض علي حرف من حروفه
ومن هنا فلي الشرف أن أوقع اسمي / محمد خاطر علي هذه الوثيقة التأسيسية مع التقدم بالشكر للسادة الذين قاموا بصياغتها ولك يا شمس التدوين
واسمحي لي بعد قراءة ما جاء في هذه الوثيقة التأسيسية أن ألقبك سيدتي بشمس التدوين

أحــوال الهـوي يقول...

الاسم الصح احوال الهوي
و الهوي هنا ممكن يكون احوال النفس او الهوي هو الحب و يعني بخواطر النفس و اجتماعيات الانسان

صحيح انا جديد في الاشتراك بالمدونات و احاول ان انتقي بعناية المدونات الهادفة ذات الافكار و المعاني العميقة مها كان اسلوب كاتبها
فاعتقادي انها ليست ملاذا للتسلية و اضاعة الوقت لكنها مجالا خصبا للثقافة و معاقرة المبدعين

و اخترت مدونتك لانها تشابه ما رجوت وآملت

تحياتي

وردشان smilyrose يقول...

اول زيارة يا شمس النهار

واكييد مش اخر زيارة

وفعلا مجهود رائع من المدونين

وياريت كلنا فعلا نلتزم بالقواعد

دى لأن عالمنا دا افادنا كلنا

وهو سبيل للإكتساب الخبرات والمعرفة

وبرده للتعرف على شخصيات مختلفة

ربنا يوفقك

smilyrose

روح الحب الصادق

شمس النهار يقول...

*ضدالتيار
طول عمري اقول ننقض نقض بناء
وادور علي الحل حتي ولو ايتدي بنفسي
وبشكرك علي اللينك
وان شاء الله تتنفذ
او علي الاقل كل مدون في محيطه

شمس النهار يقول...

*بيرم المصري
الاخطاء اللفظيه والاملا ممكن حد ضليع بالغربي يصححها او حضرتك مثلا
واعتقد ان دي وثيقه شرفيه ومش قانونيه يعني مخالفها لايعاقب بالقانون
ضد التيار كاتبه اللنك بتاع المؤسسين عندي فوق تعليق حضرتك
ادخل عندهم وحاورهم المهم الوثيقه تفعل
وعايزه اقول حاجه
موضوع الغلط في الاملاء هو مش غلط هوخلط بين العاميه واللغه العربيه ساعات نكتب ماننطق وكمان الكي بورد حساسه ممكن ينداس غلط من غير مانشعر علي الحرف المجاور

شمس النهار يقول...

*كيار
ماشي شكرا ليكي هروح هناك

شمس النهار يقول...

*سبهلله
ربنا معاكي
وادعي قبل كل مره تبتدي فيها الحفظ
ماسهل الاماجعلته سهلا
اللهم اعني علي كل امر جميل
مستنين البوست

شمس النهار يقول...

*خواطر غير عابره
اهلا بيك في اول زياره
واشكرك علي المجامله اللطيفه
وسوف تجد لينك المؤسسين عند اسم كيار هنا في التعليق فوق تعليقك
عشان تدخل تحاورهم وتدلي بتعليقك او اي ملاحظه
ولك الشكر

شمس النهار يقول...

*احوال الهوي
شكراللتصحيح كنت محرجه جدا يكون غلط وطلع غلط اعتزر بس انا مابعرفش موضوع الارقام قوي في الكتابه
وبشكرك علي المجامله الحمد لله بحاول اعمل شئ في محيطي وبعتبر التدوين مش هزار بعتبره تحت بند علم ينتفع به
وتواصل واحتكاك ثقافات وتبادل خبرات
وخصوصا ان الاعمار متفاوته ومافيش احساس بيها مطلقا ونتعامل مع بعض من منطلق سن واحد
وكان لي بوست عن موضوع التدوين اسمه مدونين علي طول ارجوا ان تقراه
وهتلاقي لنك المؤسسين هنا في التعليقات
تحت تعليق كيار ادخل عنهم وحاورهم واكتب اي ملحوظه لك

شمس النهار يقول...

*سميلي روز
اهلا في اول زياره
ولنك المؤسسين موجود هنا في التعليقات عند تعليق كيار وضد التيار
لنحاورهم ونترك اي ملحوظه
شكرا

tarek momen يقول...

ده كلام جامد قوي
في الواقع بيفكرني بقسم الكشافة
كنت قرأت قبل كده عن محاولات عدة لوضع اشكال تنظيمية للتدوين و المدونين
لكن في اعتقادي ان مايعطي لهذه التجرة روعتها و زخمها مش عارف يعني ايه زخمها بس سمعتها كده"هو عدم وجود اي انماط او اشكال تنظيمية
اعتقد انك سمعت عن حديقة هايد بارك بلندن
وهي حديقة يقف كل من له راي يريد ان يسمعه للناس ليتكلم بحيته من اول لعن سنسفيل جدود الملكة اليزابيث الي المطالبة بتحريم الملوخية
اعتقد انه لم يتقدم احد باقتراح وضع زثيقة للمتحدثين في هايدبارك
دعوا من يدون يدون و لا تضعوا اي محاذير وما يينفغ الناس سيبقي و الزبد سيذهب هباءا
تحياتي

ذو الوجه المبتسم يقول...

اقسم بــالله الـعـظـيم أن احــــافــظ عــلــي شـــرف التدويــن وأن أعـمــل جــاهــدا عــلــي ان أرتـقـي بـهــذا
الـمـجـتـمع الإلكتروني لـكــي يـــكــون صـــوت الـناس وللناس وأن أقـــوم بنشر روح الأخـــوة والـمحبه بـيـن الـنـاس
جميل جدا ما وصلتم اليه ايها المدونين الرائعين واتمنى باذن الله ان يكون هذا القسم هو اساس التدوين بالفعل
شكرا على هذا البوست الرائع
وان شاء الله نقدر نعمل بكل حرف من هذه الوثيقة
تحياتى.. ذو الوجه المبتسم

شمس النهار يقول...

*طارق
كلامك لم يصدمني
الوثيقه تدعوا للأخلاق لان بصراحه الدنيا هيصه قوي
ومابنكممش الافواه والا هنكون زي الحكومه
احنا بنعمل ميثاق شرف
فاكر وقفه مع الصديق بتاعت زمان
هي دي كده وقفه مع الصديق
قبل مانخصمه

شمس النهار يقول...

*ذو الوجه المبتسم
ربنا يستجيب لدعانا ويحفظ مجتمع التدوين

catroz يقول...

5- البعد عن تعليقات المجاملة والعمل علي النقض البناء الذي يهدف إلي تصحيح المفاهيم والتقريب بين الأفكار

عجبنى اوى البند ده ..
فعلا بيبقى فى كومينتس كتيرة اوى مالهاش لازمه .. او مالهاش هدف ..

Beram ElMasry يقول...

سيدتى . شمس
عندما ذكرت ان هناك اخطاء لفظية لم اقصد التقليل من شان الكاتب ، والنقض بخلاف النقد ، والخطا المطبعى خلاف الخطا الاملائي ، واذا التزمنا بقواعد اللغة فهو اعلاء لشان الوثيقة ولا نكتب ما ننطق الا فى علم العروض ، واذا كان العمل غير جاد فهو غير ملزم
ومعزرة لتدخلى وعنه اعتذر ، والسلام

ana ga3an يقول...

انا مش عارف ارد اقول اية
عندك
لانك من المدونات الجميلة اللي بحب اتابعها
وثيقة اية بس وكلام فاضي اية يا فندم

بقي العالم المتقدم كلة بلا استثناء
يعلم ان التدوين هو الصحافة الشخصية الغير مقيدة الغيرة محكومة
والكتابة بة لا تقنن ولو تعنون
ونيجي احنا جهابزة العالم التالت نعملة اتحاد ورابطة وميثاق
ونربط نفسنا بادينا
الميثاق دة اخرة يومين تلاتة ومصيرة قاع التاريخ ومحدش هايفتكرة
زي اتحاد المدونين بالظبط الفاشل
التدوين زي الجرايد كل جريدة لها اخلاقها ومبادئها
ما نفتح حضانة احسن

Maha Shahen يقول...

انا قريت الوثيقه وقريت كمان شوية من التعليقات وبصراحه في مدون اخيرا كتب انه مش عجباه الوثيقه اظن انها مش بتدعى اننا هنقيد الحريه بالعكس الوثيقه بتدعى اننا نكون احرار مسئولين مش احرار وهمج
نكتب ونأذى ونسب غيرنا وكل دى مش اعمال طفوليه وبس لا دى اعمال غير اخلاقيه بالمره
فلازم نحد منها او نمنعها
مش هنسيب المرضى النفسيين يسوئوا عالم بنحبه ونقول حريتهم لا
اذا بيعرفوا معنى الحريه الحقيقى يبقى يلتزموا بيه
ومش لازم نبقى ماشيين ورا الغرب ونقول هما بيفهموا وهما بيعرفوا وهما الأساس
لأن احنااساسنا ومفهومنا للحريه غيرهم
لأن حريتنا بيحكمها الدين والأخلاق
ومش هقول عادات وتقاليد لالا لأ، احنا كمان كمجتمع شرقى لينا شوية عادات وتقاليد غلط

خالص تحياتى يا سموشه وأسفه لو رديت على شيء كان من حقك الرد عليه

شمس النهار يقول...

بيرم التونسي
اكيد حضرتك فهمتني غلط وبعتزر لحضرتك عن سوء الفهم اني ماعرفتش اوضح كلامي
لم اقصد ان اضايقك
ان ننقد الوثيقه ده لا يقلل من شان الوثيقه بالعكس ده دليل علي اهتمامك
اما الاملاء انا اقصد ان واحنا بندون بنكتب بالعاميه فبنكتب ما ننطق مثل
(معنا)بالعاميه (معانا)ده مش غلط في الاملاء ده نطق غلط ترجم لكتابه
زي نقض ونقد النطق جعلهم واحد في حين اختلاف المعني تماما
وقصدي ان حضرتك تدخل اللنك عندهم وتصحح مدون زيك لما هيعمل كده بثقله اللغوي والثقافي هيعطي القصيده وزن طبعا
وماننساش ان صانعي القصيده من ابنائنا المتحمسين وتنقصهم بعض الخبره ومن حقهم علينا النصح ومااعتقدش ان النصح هنا هيكون تقليل من شان الوثيقه او منهم
ارجوا ان تتقبل اعتزاري انت نعم الاخ ومدونتك من المدونات اللتي اعتز بها وادخلها كثير للقرأه حتي لو لم تكتب جديد

شمس النهار يقول...

*اناجعان
اهلا بيك بعد غيبه
موضوع الوثيقه ده شئ جميل ليه
بيقول لسه في ناس عندها اخلاق ومتمسكه بها
وخصوصا ان اصحاب الوثيقه من الشباب المتحمس
وجيت ارد عليك لاقيت نور شاهين تحت تعليقك قايمه بالواجب
بس عايزه اقول لك حاجه
حتي لوالوثيقه اتنست هيكون تجربه للشباب ده ويكفيهم انهم حاولوا اصلاح شئ ضايقهم
اما الحفاظ عليها ده في علم الغيب
وماتنكرش انها عمل جيد وجاد وماسابوش نقطه من التهريج التدويني اللي بيحصل ما حطولهاش حل بصراحه تعبوا
واللنك مكتوب عند تعليق كيار فوق
خده وادخل ادلو بدلوك

شمس النهار يقول...

*نور شاهين
اسفه علي ايه بالعكس انا بنبسط ان حد بيعلق علي حد كتب عندي تعليق
وهو ده المطلوب من التدوين
ماكنتش هرد بأكثر من كده
دي مدونتكم كلكم
وبعتبر كل اللي بيدخل من ابنائي وبناتي واخواتي واخواني

Tamer Alhosiny يقول...

عزيزتي شمس النهار

اولا انا عايز اتكلم عن سبب زيارتي الاولي لمدونتك
هو بصراحة الاسم
لانه اسم غالي جدا
علية شمس النهار
حتي اني كتبت بوست بعنوان شمس النهار

في مدونتي
اتمني تقرئيه
http://teeblogspot.blogspot.com/2007/10/blog-post_07.html


اما عن الوثيقة
فارجو ان لا اكون الانسان
السلبي الذي يرفض هذه الوثيقة
ولكني لن اوقع عليها او اقبلها
وهذه هي الحقيقة لكني في نفس الوقت لا ارفضها
فكل ارائها قرئتها بعناية وقارنت بينها وبين مباديء مدونة انسان عاشق حر
ووجدتها في حالة اتفاق لكن السبب انني لن اقبل الوثيقة
هو ان التزامي الاخلاقي مرجعه هو فلسفة مدونتي ورؤيتها الخاصة
وهي نابعة من اسم المدونة

انسان عاشق حر

فانا مع الانسانية والخلاق والباديء الانسانية التي تحترم الانسان لكونه انسان دون النظر للدين او اللون او الشكل او اي شكل عنصري

واعشق الحياة واتمني ان اعيش حياتي في حالة عشق لبلدي لامي لوطني لحبيبتي وشريكة حياتي

والحرية هي التزامي وتعني اني انسان حر لا اقود حرية الاخرين في التعبير واحترم كافة الاراء

هذه هي المرجعية التي اعتمدها
في اي موقف
وسعيد ان اجد المدونين يلتفون حول وثيقة مباديء
ربما لن انضم لهم فيها لكني سعيد بتوصلهم اليها

تحياتي علي المجهود الكبير والافكار الرائعة واتمني لكم التوفيق

تامر الحسيني
انسان عاشق حر

شمس النهار يقول...

*تامر الحسيني
اشكرك علي المجامله اللطيفه
وارحب بك بالمدونه المتواضعه
وعايزه اقول لك انك عملت ميثاق لنفسك
انت نفسك وثيقه
لأن كل اللي قلته ده هو اللي احناعيزينه حريه صح مش حريه علي حساب الاخر
زي امريكا كده عايزه حريتها علي استعمار الاخرين وتقييد حريتهم ونشر افكرها اللتي لاتليق بدينا والا عرفنا
انا مش عايزه غير ان لما افتح التعليقات عندي اجد كلام جاد هادف مش حد يدخل يترك لي الفاظ وافكار هدامه
انشر افكارك في مدونتك ولو عايزه اشاركك ادخل عندك واشاركك مش تفرضها علي هو ده المفروض وهو ده اللي احنا عيزينه
ناس كتير قفلوا مدونتهم وهي المتنفس الوحيد لهم من كتر اللي اتعمل فيهم
انت صح وهمه صح
المهم المحاوله
سعدت جدا بتعليقك
وان شاء الله نتواصل داثما

ana ga3an يقول...

يا استاذتنا
الحوار في الامر دة للاسف عقيم
لان كل واحد مننا شايف الامر من وجهة نظر مختلفة تماما
والتلاقي في ارض وسط يكاد يكون مستحيل

التدوين عالم افتراضي
اتاح للناس انها تظهر بامراضها النفسية علي المشاع
فكم من النساء و الفتيات يتصنعون الحياء والادب في الحياة الحقيقية
وتجدي مدونتهم من اقذر المدونات سواء في الكلام والالفاظ والتلميحات
وكم من الرجال يتحول بمظهر التقي الصالح
وهو في الحياة عربيد لا يفقة من امور دينة شعرة
النهاية يعني لولا اختلاف الاذواق لبارت السلع
والوثيقة دي ما هي الا سلعة جديدة
زي حملات وجروبات الفيس بوك
شوية وهاتلاقي مصير سابقيها

كفاية كلام في الموضوع دة علشان
مش هايقدم ولا يأخر والخلاصة 20 ولا 30 مدون هايحطوة شوية في مدونتهم وبعد كدة كل واحد يروح لحالة
زي حملة هذة مدونة لا ترحب بالبذائات

ana ga3an يقول...

الحجة نور شاهين
الله يكرمك البقين دول بتوع الحرية والادب
نفس اقوال الدكتاتورين في انحاء العالم وخصوصا حكام العرب
انتي تقربي لحد في رياسة الجمهورية ولا اية