الجمعة، 30 سبتمبر 2011

الثورة والطلاق +تحديث

==
نستخلص من ج
معة 30 سبتمبر
ان الست المصرية مابتعرفش تطلق
ليييييييييييه؟؟؟؟؟؟؟؟؟؟
نشوف كده
عايزة اطلق : لييييه تبقي شايفالك شوفه
الشعب قام بثورة عايز حرية : تبقا في اجندات خارجية
-----
الست : ياجماعة انا مذلولة وبتعامل معاملة كلابي
كفاية عليكي الاستقرار وقعدتك وسط عيالك
طيب اخلع عايزة تخلعي ابو عيالك عيب ايه الفضايح دي
...........الخ الخ
----
الثوار الشعب مش هيتذل تاني يانعيش بكرامة يانموت
ايه ده هتخربوا البلد والاستقرار والعجلة
الريس ده ابونا هتبهدلوا ابوكم
.........الخ الخ
-----
تفضل الست تهاتي وتشتكي واللي حواليها ودن من طين وودن من عجين
هي متعذبه واللي حواليها سايبنها تهاتي ولا حد يسأل فيها
بحجت ماتخربوش البيت
وهو مخروب اصلا هو فين البيت ده
-----
الثوار كل جمعة ينزلوا يهتفوا ويعملوا مليونية
والمجلس ودن من طين وودن من طين برضوا
وسيبهم ياعم يطلعوا الكبت الثوري اللي عندهم
دول ولادنا برضوا
وهيروحوا ويرجعوا
ويادار مادخلك شر
وجمعة تفوت ولا حد يموت(من المجلس طبعا)
---------
وماشاء الله الزوج بيعمل اللي عايزه والست مطحونة
---------
وماشاء الله المجلس بيعمل كل اللي هو عايزه
ولا همه
والثوار يخبطوا دماغهم في الحيط
------
وعلي المتضرر ان يلجأ الي القضاء
------
وعلي المتضرر ان يلجأ للأضراااااااااااااااااااااااب
ولا حول ولا قوة الا بالله

هناك 46 تعليقًا:

سواح في ملك اللــــــــــــــــــه- يقول...

ست الكل

معلش انا مش متفق معاكي

المرحلة دي من اخطر المراحل اللي بتمر

بيها بلدنا الحبيبة

وبعدين انا عايز اعرف المجلس هيسمع كلام

مين ومش هيسمع كلام مين

المطلوب مشش الاستقرار زي مابتقولي

المطلوب مهلة بدون مظاهرات

ومليونيات

لاني زي ماقلت من كام شهر

كثرة المليونيات بيفقدها التاثير

وبيخليها حاجة عادية

يعني اول مليونية كنتي تحسي برهبتها

انهاردة كانها احتفال اسبوعي

هي الحكاية محتاجة اعادة ترتيب الاوراق

كل القوي اللي بتدعي انها سياسية

تقعد مع بعض

وتتفق

sony2000 يقول...

يارب


خيفه علي مصر والله

ربي يحميها

شمس النهار يقول...

*سواح في ملك اللــــــــــــــــــه

ياسواح ياابني
القوي السياسية وجميع التيارات
قاعدين يهاتوا بقالهم من فبراير
علي كل حاجة
والمجلس مصر اصرارا علي حاجات تانية
مش ممكن
انا لما فهمت موضوع الدواير استغربت الاصرار علي التقسيمة دي اللي هتخدم ناس فعلا بعينها
وموضوع الانتخابات بالقايمة والفردي
عماله اذاكره ومش فاهمة حاجة
اومال المواطن البسيط هيعمل ايه
هيروح يبصم علي اللي اداله فلوس
ده غير الرجوع في الوعود
المجلس اخد وقت طويييييييييييل
وماعملش حاجة
ده غير المحاكمات الصورية والبلد عايشة في وادي
وهمه في وادي
وعود وعود وماغيش تنفيذ
واعمل زي ماقال بلال فضل هاتي 74بيان بتوع المجلس وشوف ايه اللي تم منها حتي السهل
ياسواح ده المصري فرعون لما بيحب يعمل حاجة بيعملها في ساعتها
ياسواح كل الادلة اللي تدين اي حد في اي حاجة اتدمرت
حتي كاميرات المتحف اللي صورت كل حاجة قالك مسحناها بقا دي حاجة تتمسح ياراجل
احنا رقصنا علي السلم
وخلااااااااص
بس برضوا عندي امل ان ربنا هينصرنا

شمس النهار يقول...

*sony2000

ماتخافيش ياسوني

لاتخف ان الله معنا

وان شاء الله خير وخير كتير

سواح في ملك اللــــــــــــــــــه- يقول...

بصي ياست الكل

طبعا انتي عندك حق في حاجات كتير

بس عايز اعرف من فبراير لحد انهردة

احنا ادينا المجلس فرصة يعمل حاجة ؟؟

بالنسبة للمحاكمات

ياست الكل

لما نقول عايزين محاكمات عادلة

امام قاضيه الطبيعي

يبقي لازم مبارك واعوانه هيطلعوابراءة

اساليني لييه بقي ؟؟؟؟

لان الراجل ده كان ماسك البلد في خلال

الفترة من 25 يناير

لحد 2ا فبراير

طيب والكلام ده معناه ايه

معناه ان رايس الدولة من حقه ان يتخذ

اي قرار قد يراه مناسب في سبيل

الحفاظ علي امن البلاد

طبعا دي مش رؤيتنا احنا

انما لما تفكري فيها منطقيا من وجهه

نظر الطرف الاخر

قد تبدوا منطقيه

مش معني الكلام ده ان انا موافق عليه

بس هي دي المحاكمة العادلة

طيب والحل ايه

الحل انه كان يتحاكم عسكريا

وثوريا

nour يقول...

سلام الله على شمس النهار ,فعلاُودن من طين وودن من عجين وعلى المتضرر اللجوء للتحرير وانا بضم صوتى لصوت سواح فى ملك الله مهلة بدون مظاهرات ومليونيات ,الشعب كل يوم ليه طلب جديد يعنى الثورة بعدت عن المطالب العامة لمصر واقتربت لمطالب خاصة وده جعل المجلس الاعلى فى حيرة انا وحدة من الناس المظاهرات شىء عادى ومفيش حاجة بتتنفذ,المهم ربنا يحمى مصر وجميع الدول العربية.

سواح في ملك اللــــــــــــــــــه- يقول...

اللي عايز اوصلهولك ياست الكل

مافيش حاجة اسمها مخاكمة عادية

لانسان غير عادي وجرائمه كمان غير عادية

فهو كان مؤتمن علي البلاد

ولم يحفظ الامانة

هتقوليلي والفلوس مش هترجع

هقوللك مش عايزين الفلوس

هي كده كده حلني لو رجعت

شمس النهار يقول...

*سواح في ملك اللــــــــــــــــــه

احنا بنحاكم عصابة التلاته اللامبارك وولده
علي الكام يوم الاخرنيين
وباقي السنيييييييين
شوفت يسري فودة
شئ لايصدقه عقل
ربنا كريم ياسواح ربنا كريم

مصطفى سيف الدين يقول...

وكانت جمعة كباقي الجمعات
لا جديد
تظاهر وانفعل وقل ما تريد وسيفعل المجلس ما يريد ويرمي بالجمعة عرض الحائط
لنعود لديمقراطية النظام القديم تلك الكلبة التي تتبع سيدها مهما كان راي الشعب فهو مسموح له ان يقوله فالحرية شيء اكفلها الحاكم لكن سيفعل الحاكم في النهاية ما يريد غير مبالي بما يريد الشعب
تحياتي

غير معرف يقول...

ماعندناش بنات تطلق .... وماعندناش شعوب تحكم :))

beautiful mind يقول...

بس ان شاء الله مصيرها تتطلق
اكيد اكيد لما تنغص يعلي جوزها عيشته
هيطلقها

غير معرف يقول...

رائع

ونسميها متلازمة الطلاق

حَنيّـن نِضال يقول...

ان شاء الله ربنا يقدم الخير و الفرج قريب قريب قريب . . رح يجي يوم الخلاص اصبروا و صابروا ان الله مع الصابرين دون ان نستعجل الزمان . . خلي الطبخة تطبخ براحتها رح يجي يوم و المليونية تصير انفجار 80 مليون باديهم يغيروا و ان الله لا يغير ما بقدوم حتى يغيروا ما بانفسهم و الملايين دي على طريق التغيير

و مصر لها رب حاميها بخير اجناد الارض و هو بيختبرهم
قال تعالى (أم حسبتم أن تدخلوا الجنة ولما يأتكم مثل الذين خلوا من قبلكم مستهم البأساء والضراء وزلزلوا حتى يقول الرسول والذين آمنوا معه متى نصر الله ألا إن نصر الله قريب ( 214 )البقرة )

و اقل ما فيها في المحن تتميز معادن الرجال تزال الاقنعة و بتعرف مصر مين معها و مين عليها و لا ايه . . اثورة دي كشفة حقيقة كم شخص و كشفت كل المداري عن العيون

تهاتي هسا شوية و بعد كدا ترتاح العمروا كلوا و يكفيها ان الثورة انجبت ابطال يليق عليهم ان يكونوا خير اجناد الارض
~؛~؛~؛~؛~؛~؛~؛~
تقبلي مروري و تحياتي برفع القبعة

Ramy يقول...

انا مع سواح فى حاجات كتير

لأن رأيى مع صحابى ان العالم دى متستحقش غير السجن طوالى و لما نفضى و نرتب البلد و نعمل قانون بحق و حقيقى نبقى نحاكمهم على رواقه

دول خدوا فرصتهم فى نهب البلد خلاص بقى يدوا فرصه لغيرهم و لا ايه (:


لا بجد دول مينفعش معاهم العادى لازم يكون فيه قرارات بدون محاكمات لأن اللى عملوه على عينك يا تاجر الأعمى شايف قبل المفتح

اللى بيحصل دلوقت اسمه أستعباط
انا اسف يعنى

Miss LoZa يقول...

دى تبقى غلطانة الى عاوزة تتطلق دى
احب اقولها
"هو حد لاقى اصلا"
ههههههههههههههههههه
ده حال البلد عامة دلوقتى
على المتضرر اللجوء للتظاهرات :]

كريمة سندي يقول...

نظرية برضه جميلة وفي محلها أتفق معاك

تحياتي الصادقة

الازهرى يقول...

الثورة عندنا محتاجة خطة عمل ودا الثوار مفتقدينه جدا جدا جدا جدا جدا

إحنا كل اللى بنعمله رد فعل لأفعال المجلس
وطول ما الوضع كده يبقى هنكون درجة تانية فى عين الناس الباقية

مطلوب الإتحاد على خطة عمل للثورة وساعتها لا المجلس العسكرى لا مجلس الأمن هيقدر يقول لأ لأى حاجة نقولها

وللأسف دا صعب جدا جدا جدا جدا من واقع المعايشة
****************
أرد على التليفون إزاى؟؟؟؟؟؟؟؟؟
التليفون فى البيت
لما أرجع بإذن الله اتصل فورا

ولو فى طارىء ابعتى على الميل

وصف الاحساس يقول...

احم .. احم ..
يادي الكسوف
اول زياره كده يبقي فيها طلاق وحاجات عائليه
القصد
انا ليا راي في موضوع الطلاق دهون
انه الشقه من حق الزوجه طالما معاها عيال
فلو عاجبه يقعد علي نظامنا ماشي ويشتغل زي الناس
مش عاجبه يسلم مفاتيحه ويروح يقعد عند امه بدل ماهو محسوب عليها زوج
البلد بلدنا والغرب ماسكين حاجتنا ي فيها طلاق وحاجات عائليه
القصد
انا ليا راي في موضوع الطلاق دهون
انه الشقه من حق الزوجه طالما معاها عيال
فلو عاجبه يقعد علي نظامنا ماشي ويشتغل زي الناس
مش عاجبه يسلم مفاتيحه ويروح يقعد عند امه بدل ماهو محسوب عليها زوج
البلد بلدنا والغرب ماسكين حاجتنا

Carmen يقول...

جيت امسي عليك بس انا بطلت كلام في السياسة :) تحياتي

ابراهيم رزق يقول...

سلامه عليكم
صلى على النبى زيدى النبى صلاه

انا كنت راجع من التحرير كلى احباط
راجع فى المترو كانت ساليناز تحمل لوحة اهداء من فاتيما ماقدرش اقولك اللوحة دى عملت ايه فى المترو حراك و كلام و ناس بتؤيد كل ده من لوحة تحملها طفلة عندها ست سنوات
مش عارف الحكاية دى فيها امل و لا احباط
امل ان فى لسه اجيال ممكن تكمل
و لا احباط ان الموضوع ممكن يطول
و النبى قولى ليا
اللى حصل ده امل و لا احباط

الصراحة مكنتش عايز اعلق عشان منقلش احساسى لحد

تحياتى و تقديرى

عبدالحميد خطاب يقول...

شكرا لك

يا أخت شمس

شمس النهار يقول...

*لورنس
وعليكم السلام ورحمة الله وبركاته

مش هينفع مهلة من غير مظاهرات
مابيعملوش حاجة الا بالضغط الشعبي

علي الاقل مانفرطش في اقل القليل
وماتنسيش لم تتم محاكمة مبارك وباقي العصابة الا بالضغط الشعبي

شمس النهار يقول...

*مصطفى سيف الدين

وكله كوم يامصطفي وبيان النهاردة كوم
انا فصصته
برضوا نفس التيمة (سوف يتم دراسة)

مافيش فايدة فيهم ابداااااااا
ربنا يستر علي الايام الجاية
كان ممكن ده كله يخلص في وقت قصير جدا
بس تقول ايه الكرسي جميل

شمس النهار يقول...

*فتاه من الصعيد

هلاا هالا علي الجد
والجد هالا هالا عليه
بنتي لازم تطلق بالتلاته
:))))

شمس النهار يقول...

*beautiful mind
مااحنا هو بنغص عليه عيشته
ومافيش فايدة متبت

:))

شمس النهار يقول...

*مصري جدا

:))
اللي تشوفه يامتر

بس نعمل لها توصيف قانوني
ولا دي تبقا سابقة
:))

شمس النهار يقول...

*haneen nidal

تعليقك نزل عليا برد وسلام

بعد ماكنت شايطة ولاالحريقة من البيان بتاع القوي اللي مش عارفة ايه دي

ربنا يكرمك

شمس النهار يقول...

*Ramy

العالم دي مش هتتحاكم صح
الا
لما يكون في رئيس جمهورية منتخب
علشان كده المجلس بيماطل علشان المحاكمة تخلص قبل اليوم ده
:)
ولا عزاء للشعوب

شمس النهار يقول...

*Miss LoZa

لأ يالوزة
قعدت الخزانة ولا جوازة الندامة

:))

شمس النهار يقول...

*كريمة سندي

اهلا بيكي ياكريمة
غيبتك طالت
يارب تكوني بخير
:)

شمس النهار يقول...

*الازهرى

عارف العربيات اللي بتركن في الممنوع بيعملوا فيها ايه
بيسحبوها علي المرور بالونش
اهو انا بقا هسحب منك انت ومحاسن الموبايلات بتاعتكم اللي مش بتردوا عليها دي

:))

شمس النهار يقول...

*وصف الاحساس

اهلا وسهلا
منورة في اول زيارة
ومعلش بقا عندنا حالة طلاق
مستعصية حبتين

:))))
وايوة الشقة من حق الزوجة
يبقا المجلس يسلم المفاتيح للزوجة ويرحل:))))

شمس النهار يقول...

*Carmen
:)
يسعد مساء شاعرتنا الرقيقة

انتي تنوري في اي وقت

وبلااهااااا سياسة
:))))

شمس النهار يقول...

*ابراهيم رزق

وعليكم السلام ورحمة الله وبركاته

اللهم صلي وسلم علي الحبيب المصطفي
صلي الله عليه وسلم

اللوحة اللطيفة دي انا اخدتها وفضحت فاتما علي الفيس
:))
الشعب عندي معجب بيها جدا

انا برضوا رجعت محبطة من التحري بس مش لنفس اسبابك
:)
شبط فيا شلة من اصحابي واحد مراته الصينيه وواحد ومراته الالمانية وصديق مامته انجليزية وهو اصلا شكله انجليزي وشبه لوحدة وصديق نمساوي
وماقلكش بقا
حسسوني اننا في رحلة للقناطر الخيرية
والاخر لمتهم ورجعت بيهم م نصر
:))ةلا كأني رحت التحرير
:)))
بس التحرير كان جميل
والناس عندها امل زي كده
وان شاء الله خير
وسيبك من البلاوي اللي عملوها في اجتماع القوي اللي مش عارفة اسمها ايه دي مع المجلس
بكره هتروق وتحلي
:))

شمس النهار يقول...

*حميد

اهلا بيك ياحميد
لاشكر علي واجب
بس الشكر علي ايه؟
:))

Lady E يقول...

انا مش عارفة أقول ايه بس بجد تشبيهك صح جدا

ريري كربكه يقول...

عارفه يا شمس انت جبتي التشبيه الصح

بس عارفه ساعات بحس انهم مش لاقين حاجه يعملوها وبيعملوا اعتصامات وخلاص
وبيكون اما شباب مش عارفه تطلع طاقتها في ايه وانت عارفه طبعا البطاله فمفيش شغل فيعتصموا ويضيعوا وقت وديما نقول يا جماعه احزروا من الطاقه الغير مستغله عند الشباب ديه
تاني حاجه في ناس شغلها الشاغل تبلطج وتخرب في البلد وتقول اهي خربانه خربانه
ثالثا فيه ناس بجد نفسها تخلي البلد احسن بلد في العالم كله بس مش لاقيه غير اسلوب الضغط بالاعتصام في الميدان
في النهايه تحياتي لكي على البوست يا شموسه
وربنا يحمي مصر

Unknown يقول...

أعجبني التشبية جداً :)

نيللي علي يقول...

أنا كنت فى الأول كنت بقول مظاهرات ليه ومش ليه ..لكن دلوقتى ومع سياسه طنش تعيش وتكل قراقيش ..وعصام شرف جارى البحث عنه فى ارجاء المدينه القاهريه بقول من منبرى هذا هو مابيجوش غير بالثورات غير كدا مفيش ههنتتظر ايه من واحد شاهد زور حسبى الله ونعم الوكيل

شمس النهار يقول...

*Lady E

ايوة صدقيني
مصر مش هتعرف تطلق

شمس النهار يقول...

*ريري كربكه

لا ياريري الشباب ده شباب مش كله عاطل الشباب ده اغلبهم عندهم وظائف وعندهم دم حامي فاير
والشباب العاطل طالع يدافع عن حقه في الحياة
اما البلطجية دول ممكن يتلموا في ساعة واحدة
بس همه متسابين لغرض
كمان في بلطجية بيدوهم فلوس علشان يعملوا كده
وزي ماقلتي
الاعتصام هو الحل
يانجيب حق مصر يامنتستهلش العيشة
:)

شمس النهار يقول...

*ريهام المرشدي

شكرا ليكي ياريهام
:)

شمس النهار يقول...

*نيللى
كل ده علشان الشعب انقسم علي نفسه
والقوي السياسية كمان
عارفة لعبوها صح فرق تسد:))

Kiara يقول...

للاسف هيخلونا نعمل حاجات مش نحب نوصلها

شمس النهار يقول...

*كيــــــــــــارا

ربنا يستر ياكوكي

:)))

abo-bder يقول...



نجار بالرياض
تركيب ستائر بالرياض