الخميس، 18 أكتوبر 2012

مصر مش عزبة حد:)

كتير سألوني
نازلة بكره جمعة مصر مش عزبة حد
قلت
لأ
ولأ ليييييييييييه
علشان انا كنت بنزل لما كنا علي قلب رجل واحد
والمطالب واحده
والهدف واحد
لكن بعد السكلانس اللي حاصل ده
معلش انا بره الموضوع
بعد مااتقسمنا
مصرين
اسلامين وكأن الباقي مش اسلامين
ومسيحين وكأن الطوفان هيصيب المصرين المسيحين والمسلمين لأ
ولبرالين وكأنهم كفره
ويسارين مش عارفه ايه
لأ معلش سامحوني
مش دي مصر خااااااااالص
احنا قلنا
عيش حريه عداله اجتماعيه
لمصر
بكل سكانها
سينا نوبه قبلي بحري
كل المصريين
كلنا بنشرب نفس الميه المعكره
كلنا بنمرض مرض واحد
كلنا مدهوسين تحت نفس الظلم
الولعه طايله الكل مش حد وحد لأ
لما العمارة بتولع
كل السكان بيوتهم بتولع
النار مابتنقيش
تولع مين وتسيب مين
الشباب اللي مات
الموت مانقاش
كله ادهس ومات
يارب ارحمنا
حد يقدر ينقي من الصوره دي
مين مسلم ومين مسيحي ومين لبرالي ومين يساري ومين اسلامييييين
 

هناك 14 تعليقًا:

محمد الدهيمي يقول...

انا كمان مش نازل إن شاء الله :)
و كلامك أغلبه صحيح ..

نقطة إسلاميين : الفكر الإسلامي شيء منبثق من الدين الإسلامي .. و عدم اعتناق فرد للفكر دا مش بالضرورة إنه يكون مسلم أو غير مسلم .

اللينك دا بيوضح أكتر :

http://on.fb.me/WFGOWy

سواح في ملك اللــــــــــــــــــه- يقول...

ينصر دينك ياشموسة

دايما فكرتي عنك انك وطنيةمن الدرجة الآولي

مصر مش عزبة حد

وكمان مصر مش سلعة كل حد يتاجر بأسمها

مصر اكبر من كل دووول مجتمعين

الازهرى يقول...

ولا حتى أان يا تيتة ؟؟؟؟

طب حتى عزبة صغيرة هنا ولا هناك

ابراهيم رزق يقول...

شمس الشموس

انا معاكى تماما

انا قلت مش نازل

تحياتى

gogo!sf يقول...

عندك حق جدا يا مدام شمس

ربنا يرحمنا برحمته

eng_semsem يقول...

الثوره كانت لارجاع حقوق المصريين وكان الكل واقف جنب بعضه
انما دلوقتي احزاب بتحارب عشان توصل لهدف او منصب او شعبيه او اي حاجه تخص الحزب مش المصريين كلهم
تحياتي ومتفق معاكي تماما

شمس النهار يقول...

*محمد الدهيمي

مصر لكل المصرين يامحمد
طول عمرنا عايشين مع بعض من غير تفرقه
والثورة قامت علشان الجميع
مش علشان تاني نتصنف

هروح اللينك اشوف:)

شمس النهار يقول...

*سواح في ملك اللــــــــــــــــــه

بالظبطت
مصر لينا كلنا
وهتفضل لكل المصرين علي اختلاف تياراتهم وديانتهم
ياربي نخرج من حفره نقع في ضحضيره

شمس النهار يقول...

*الازهري
:))

لأ مافيش

مصر اكبر من كده
:))

شمس النهار يقول...

*ابراهيم رزق

تسلم ياابراهيم

ربنا يستر علي الايام الجايه

ملاحظه ان كله بيخبط في كله

شمس النهار يقول...

*gogo!sf

ماتخافيش
ان شاء الله مصر محروسة برحمة ربنا

شمس النهار يقول...

*eng_semsem

بالظاااااااابطت كده
بقت تضارب مصالح
ومين هيهيمن ومين هياخد واللي مش هياخد هيقلب الترابيزة علي اللي اخد
مابقتش مصلحة مصر
ربنا يستر

L.G. يقول...

عندك حق انا كنت حموت عشان انزل ايام الثورة لحد ما قدرت انزل لغاية يوم ما خلعنا المسجون بعد كده كل ما حد يقولي جمعة كذا او جمعة كذا نزلت مرة واحدة وحسيت ان الدنيا مش الدنيا والناس مش الناس نازلين يهرجوا حسيت الموضوع كله مراء محدش قلبه على البلد بجد

بطلت انزل اي جمعة
وبدعي وبس
بعت لحضرتك حاجة على الفيس بس انت مش باينة هناك ياريت تشيكي عليه
تحياتي

شمس النهار يقول...

*L.G.

الوشوش اتغيرت لما القلوب والاهداف اتغيرت

والاقنعة سقطت

حاضر هروح الفيس اشوف:)