الاثنين، 29 أكتوبر 2012

العيد !!

عيدنا والحمد لله
بس مش عارفه ليه العيد ده
مااقدرتش اطلع من نافوخي 
معتقلين السعوديه
اللي بيتجلدوا وفي غربه
والله اعلم بيهم وبعائلاتهم
قضوا العيد ازاي
وخصوصا اللي قامت عليهم هوجه وبرامج توك شو واعلانات تعد فلوس
وجرايد وخناقات علي النت
وخلاص خلصة الهوجه
والناس دي لسه بتتجلد ومحبوسه وماحدش عارف ليه
والحقيقه فين 
تحيه لعائلاتهم
وخصوصا نجلاء وفا 
والجيزاوي

هناك 14 تعليقًا:

gogo!sf يقول...

ازيك يا مدام شمس يارب تكونى بخير دايما

حضرتك بتقولى مش قادرة تطلعيهم من نافوخك ومتضايقه جدا عشانهم واكيد كل الناس زى حضرتك فمابالك بأهليهم عاملين ازاى اكيد اكتر مننا بمراحل
ربنا يصبرهم ويعفو عنهم ويفك اسرهم اللهم امين يارب

كل سنه وحضرتك طيبه

Unknown يقول...

اولا كل عام وانت بخير
ثانيا : شئ جميل فعلا انك فاكرة الناس دي في الوقت ده ..

ربنا ينصر كل مظلوم

تقبلي مروري

سواح في ملك اللــــــــــــــــــه- يقول...

ربنا يصبر اهلهم

الحكاية بتاعة المعتقلين دي ياشموسة

فيها غيامة شوية

مقدرناش حتي الآن ان نقف علي قصة واحدة لآسباب اعتقالهما

فالحكايات تختلف
وهل هما مدانان ام بريئان

طيب وماذا لومواطن سعودي

فعل نفس ماتدعي السلطات انهم فعلوه

ربنا معاهم وربنا ينصرهما ان كانوا مظلومين



amgad.ahmed يقول...

ربنا يفك كرب كل مسلم

رؤى عليوة يقول...

سبحان الله

الايام يختلف لونها رغم انها واحده

الله يفك كرب المظلومين
ويشملنا برحمته

لكن
لازم نعيد

عيد سعيييييييد وكل عام وانتى اطيب

كريمة سندي يقول...

والله مش عارفة أقول إيه وفين الحق .. الله المستان

شمس النهار يقول...

*gogo!sf

اهلا بيكي ياجميله

انا الحمد لله بخير يارب تكوني انتي بخير

فعلا ربنا يصبر قلبهم يارب

كل سنه وانتي طيبه :)

شمس النهار يقول...

* ذات النطاقين

وانتي بالف صحه وسعاده

يارب انصر كل مظلوم
آمين

اهلا بيكي دايما :)

شمس النهار يقول...

*سواح في ملك اللــــــــــــــــــه

آمين

ربنا يصبر قلبهم

في غياماااااااااااات كتير مش شويه

ومادام في غيامات يبقا في اشاعات

وليه مثلا
انت فاكر الشاب القطري اللي قتل اتنين علي طريق المطار في سباق العربيات وهربوه

ربنا يرحمنا برحمته
وينصرهم

شمس النهار يقول...

*amgad.ahmed

امين يارب العالمين
:)

شمس النهار يقول...

*رؤي عليوه

الدنيا كده

ناس فرحانه في اول الشارع
وناس بتستقبل عزا في اخر الشارع

ربنا يفك كربهم

شمس النهار يقول...

*كريمه سندي

لااعتقد ان في الوطن العربي من المحيط الي الخليج في حق بيبان اصلا

تتحكم الاهواء والرغبات والمصالح في الحق
ولكن الله غالب علي امره

الجوكر يقول...

هو احنا كدا

ومش جديد علينا

نشتعل لساعات

ونصبح رمادى فى ثوانى

ربنا يكون فى عونهم

وعون الأهل

واسأل الله أن يعجل بفك اسرهم

وعودنهم الى الوطن سالمين

( بالنسبه لأنوس )

شوفى الرد وانتى تعرفى

Unknown يقول...

كل عام والجميع بخير ووفاء
نحن هكذآ نبحث عن النعرات وما يخدش صفوفنا العربيه وننسى الحوار والنقاش عن من يغتصب عروبتنا
فلا تكوني ممن ينعق بلا لايفقه
أتمنى منك سؤآل أي شخص مقيم في السعودية لأكثر من 5 سنوات وصدقيني راح تجدي الجواب عنده
المملكه العربيه السعودية الدوله الوحيده التي ومن فضل الله مازالت تطبِّق الشريعه إلى هذآ اليوم على المواطن أو المقيم
وقبل أن تنشري مقولتك من المفترض أن تكوني على علم ودرايه بإدانته وما أسباب سجنه..؟
هل تعلمي بأن المملكه العربيه السعوديه تصرف على كل سجين لايقل عن 130 ألف ريال سنوياً..فهل هي ترغب بهذآ لكي تظلم وتسجن من دون سبب..!
فكما قلت وسأقول لاتنعق بلا لاتفقه وتأكدي من الأسباب قبل طرح النياح والصياح لالشئ فقط لمجرد أحقاد مزروعه في داخلك.
نسأل الله العلي العظيم الهدايه لنا ولك وأن يوحد صفوفنا ونبتعد عن مافي أنفسنا من أحساد وأحقاد لانعلم ماهي أسبابها...ودمتم بود