الخميس، 11 أكتوبر 2012

حد يرد عليا

عايزة اعرف حاجة
هي موقعة الجمل دي
حد حكاها لنا ولا احنا شفناها كلنا علي الهوي بعنينا
بلااااااااااااااش
انا بناتي الاتنين كانوا هناك مع خطيب واحده فيهم اللي بقا بعد كده جوزها
وكنت هخلص اللي ورايا وهحصلهم لاقيتهم بيكلموني وبيقولوا لي
ياماما ماتجيش
لييييييييييه
في عربيات نقل وميكروباسات
بتنزل ناس شكلهم بلطجيه ومعاهم شوم وسكاكين وكرابيج
قلت لهم ارجعوا انتوا وسيبوا طارق علشان شكلها هتبقا معركة
وفعلا رجعوا البنتين وبقي طارق
ولما رجع حكلنا العجب
يعني المعركة اغلبنا كان له ناس فيها
ولما رجعوا قروا واعترفوا علي كل حاجة
وكمااااااااااااان 
شوفناهاعلي التليفزيون
طيب مين دول
مين اللي موت شبابنا
ايه كانوا بيلعبوا مع بعض وعملوا حفلت انتحار جماعي
ولا التحرير كان مسكون بعفاريت
حد يرد عليا 
حسبي الله ونعم الوكيل

هناك 32 تعليقًا:

أحمد أحمد صالح يقول...

إنه حق وطن قبل أن يكون حق شهيد قابل ربه،أو جريح فقد عينه أو ذراعه أو أيا ما كان..
وواضح أن الحقوق لا يستطيع أن يردها بشر، البشر فقط يجيدون بإمتياز تضييع الحقوق، نعم بعض البشر قد يتمنون رد الحقوق، ولكن الباقون يخططون ويعملون بجد من اجل تضييعها!
فنـُصرة الحق عندنا أماني، و الظلم والباطل تخطيط وعمل جاد!
وهذا هو نتاج العدالة في زمن ليس للعقل فيه أذن يسمع بها ولا لسان يتحدث به، فالعدالة لا تـُحمى بالسذاجة والضعف بل بالذكاء والقوة.
..
كل التحية والإحترام أستاذتنا، ودعينا نحلم بيوم ينال فيه كل ذي حق حقه، وينال فيه كل مجرم أو ظالم عقابه.

رؤى عليوة يقول...

على فكرة اصلا كل اللى كانوا هناك كانوا نايمين وبيحلموا
بس سبحان الله سبحان الله كان نفس الحلم ونفس التفاصيل
حتى البلطجية كانوا واحد فى كل الاحلام

بس خلاص ايييييييه المشكله بقى فى اللى حصل

حسبنا الله ونعم الوكيل
:(

دمت بخير
اعملى زيي ابعدى شوية عن السياسة عشان مبقتش مستحمله اى خبر

Habiba يقول...

السلام عليكم
مفيش حد هيرد..حسبى الله ونعم الوكيل
إن الحكم إلا لله
ربنا ينتقم من كل ظالم
مع تحياتى.

rack-yourminds يقول...

سيدتي الفاضله مؤسسة القضاء محتاجه هيكله وتطهير

Remas يقول...

بجد يا شموسة شئ محزن وكلنا مصدومون مما حدث ومما يحدث

وحسبنا الله ونعم الوكيل فيمن أضاعوا حق كل من استشهد او جرح وحق المصريين جميعاً

هوني عليكِ يا شمس فماهو عند الله سبحانه وتعالى أبداً لا يضيع

Eno يقول...

هنقول ايه زي ماكلنا شوفنا الموقعه كلنا شوفنا البرئه وبرضه كلنا شوفنا سي مرتضي منصور بيتكلم امبارح بزفارة لسانه اللي زي مهي علي التلفزيون
حسبي الله ونعم الوكيل
ربنا النتقم الجبار

معلش ليكي تهنئة واجبه متأخره مني ليكي ولبنونك بمناسبة الحفيده ياتيته ومعلش والله ماعندي وقت بسبب امور البيت ويوسف عقبال يارب لما تشوفوها زيه كده
الف مليون مبروك وعقبال ماتفرحي بالبنوته الصغيره يااااارب عن قريب :)

ابراهيم رزق يقول...

شمس الشموس

ابتديت اصدق ان معركة الجمل دى كانت فوتو شوب
وان كل اللى شفناه كان وهم
انا قلبى كان حاسس يوم ما شفيق اتكلم عن موقعة الجمل واتهم الاخوان
انى محبط انى محبط
محبببببببببببببببببببببببببببط

تحياتى

محمد سلامة يقول...

حسبى الله ونعم الوكيل

أشرف يقول...

حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
1- في قانون ملئ بالثغرات
2- في محامون معدومى الضمير
3- في قضاة غير قادرين علي الوصول للحقيقة
4- في كل من تستر علي مجرم
5- في كل ظالم .
ولكن أستاذتنا الفاضلة لابد ان نكون علي يقين بأن الله هو العدل وانه سيأتى يوم ترد فية المظالم

Unknown يقول...

حق الشهيد لن يضيع طالما وراءه مطالبون
لأن ماضاع حق وراءه مطالب

مذكرات موززه عانس يقول...

كنت متأكده انهم هايطلعوا براءه لان مرسى مش احسن من مبارك ولا شفيق
وسواء القضاء نزيه او لا لكن لازم يتجاب حق اللى ماتوا ولو اللى طلعوا براءه معملوش حاجه يبقى يجيب لنا اللى اللى عملوا بقى

سواح في ملك اللــــــــــــــــــه- يقول...

ياشموسة المتهم الرئيسي في هذه المعركة معروف ::

الجمل هو المتهم الرئيسي في المعركة

نظلم بقي النااااس ليييه

مش حراااام علينا

بلاش فضايح يقول...

انا دلوقتى بس بدأت اؤمن بالعلامة الفاهم عمرو مصطفى .. الموقعة دى يا جماعة فوتوشوب , و اللى ماتوا فوتوشوب , واحنا نفسنا فوتوشوب
و قضاءنا فوتوشوب
و القانون لا يحاسب على الفوتوشوب

الازهرى يقول...

انا كنت فى الميدان وقتها
ومفيش اى حاجة حصلت

وكل دى إشاعات والسلام

بطلوا بقى
خلوا البلد تعيش فى أمان وبلاش تهييج

مصطفى سيف الدين يقول...

طيب يعني احنا نصدقك و نكدب الرويني؟
لا الرويني قال مفيش شهداء يبقى هو على حق
الرويني يعترف انه مروج اشاعات يبقى هو على حق برضه
طيب ازاي المحكمة تقبل شهادة شاهد هو نفسه معترف انه بيكدب و بيروج اشاعات
فعلا قضائنا المصري شامخ و هيفضل طول عمره شامخ و يا ام المتشمخ رشي الملح سبع مرات

شمس النهار يقول...

*احمد احمد صالح

تعليقك ممتاز وتحليلك للموقف رائع

شمس النهار يقول...

*رؤي عليوة

شكلها ان كلنا كنا بمحلم حلم مزعج وقلب علي حقيقة غم

دي مش سياسة دي حقوق
ان ماسمعت كلمة لحد من اللي بيتشدقوا بالدين

شمس النهار يقول...

*habiba

وعليكم السلام ورحمة الله وبركاته

ماحدش منهم هيرد
احنا رجعنا تاني نتكلم ونسمع نقسنا
لكن الله هو الحق الجبار

شمس النهار يقول...

*rack-yourminds

ومين اللي هيعمل ده

لابد من قرارات سريعة واعادت ملفات كتيييييييير
اهمها ملف من قتلوا عن عمد وهم يدافعون عن حرية الوطن

شمس النهار يقول...

*reem

انا حزينة علشان رجعنا تاني للظلم بأبشع صوره

شمس النهار يقول...

*Eno
هو منصور ولا مهزوم بس دول كلهم هيطلعوا علينا زي الجراد


شكرا ليكي ياايناس ربنا يبارك فيكي وفي زوجك ويوسف

شمس النهار يقول...

*ابراهيم رزق
فوتوشوب ايه بس ياابراهيم
دي موثقههههههههه
متسجله يعني مش حكاوي قهاوي
دي متسجله صوت وصورة
القاضي نفسه اكيد شافها علي تلفزيون بيتهم
مش انت اللي محبط لوحدك الشعب كله محبط

شمس النهار يقول...

*مسلم مصري

لانملك الا الدعاء

شمس النهار يقول...

*اشرف
الله هو العدل
وعلينا الا نقف مكتوفي الايدي
انا مش شايفه اي رد فعل للحكم وكأن الجميع موافق علي هذا
رجعنا تاني نتفرج ونشجب في هدوء
ونعترض في صمت

شمس النهار يقول...

*محمد الجرايحي

انا مش شايفة اي رد فعل لأي حد في اي حاجة من ساعة الحكم
لا رد فعل شعب ولا من يسمون انفسهم نخبه ولا احزاب ولا اي كائن علي ارض مصر
مين هيطالب مين بحق مين

شمس النهار يقول...

*مذكرات موززة عانس

مين هيجيب مين
دول خلاص كده ريحوا دماغهم

شمس النهار يقول...

*سواح في ملك الله

خلاص يبقا نجيب الجمل ندبحه علي العيد

شمس النهار يقول...

*الست حشرية

هي الثورة كلها شكلها فوتو شوب

واحنا شعب فوتو اصلا من غير شوب نتعرض فيه

شمس النهار يقول...

*الازهري
انت بالزاااااااااات
لو استجوبناك هتقر علي كل حاجة

شمس النهار يقول...

*مصطفي سيف الدين
انا بس نفسي حد يقولي
هي الناس دي بتعرف تنام
طيبعارفين انهم هيقابلوا ربنا

EMA يقول...

لا حول و لا قوة الا بالله بجد مفيش كلام ممكن يتقال ..ربنا هو المنتقم

حسبنا الله و نعم الوكيل

شمس النهار يقول...

*EMA EMA

مالناش غير ربنا