السبت، 6 أكتوبر 2012

ابطال اكتوبر

اكتوبر عندي شكل تاني عشان انا حضرت الحرب دي 
ودي مجموعة تدوينات كنت عملتها علشان اكتوبر
النهاردة انا عايزة اقولكم علي العبقري اللي فكر في فكرة الخراطيم واعرفكم بيك
واحب سيرته تنور مدونتي
*************
البطل يافي زكي يوسف ياقوت
جت له الفكرة منين تعالوا نعرف كده:
اشتغل باقى ياقوت مهندس فى السد العالى من سنه 1964 لغاية 1967 و هناك كانو بيستعملو المايه المضغوطه فى تجريف جبال الرمله و سحبها و شفطها فى أنابيب مخصوصه عن طريق ترومبات لإستغلال مخلوط المايه والرمله فى عمليات بنا جسم السد العالى.
اتطبقت الفكره فى خط بارليف اللى بنته اسرائيل على الشط الشرقى لقناة السويس لمنع القوات المصريه من التعديه ، و اتفتحت الثغرات بإستعمال ماية القناه و عدت قوات المشاه و المدرعات المصريه و استولت على الحصون الاسرائيليه و دى كانت بداية الانتصار اللى حققه الجيش المصرى فى حرب اكتوبر.

  • اتخرج من كلية الهندسه جامعة عين شمس سنة 1954.
  • انضم فى نفس السنه للقوات المسلحه كظابط مهندس فى سلاح المركبات.
  • إنتُدب للمشاركه فى مشروع بنا السد العالى من سنة 1964 و لغاية النكسه سنة 1967.
  • كان قومندان لتشكيل من تشكيلات الجيش التالت الميدانى و كان رئيس لفرع مركبات الجيش التالت فى حرب أكتوبر 1973.
  • خرج من الجيش برتبة لوا سنة 1984، و اتكرم بنوط الجمهوريه من الطبقه الأولى 1973على أعمال استثنائيه فى حرب أكتوبر.ووسام الجمهورية من الطبقة التانية 1984 
  • المعلومات دي من اللينك ده

هناك 20 تعليقًا:

Unknown يقول...

سيدتى الرائعة : شمس النهار
السلام عليكم ورحمة الله وبركاته
وكل عام وأنت والمصريين جميعاً بخير وفى انتصارات دائمة بمشيئة الرحمن....

وأشكرلك هذه المعلومات القيمة وحسن اختيار شخصية الموضوع والتى تسحق منا جميعاً كل التقدير والاحترام
بارك الله فيك وأعزك

كريمة سندي يقول...

سيرة مشرفة لأكتوبر المجيد .. وأبطاله الكرام

فافى يقول...

معلومات جميله اوى يا شموسه انا شيرتها على الفيس كمان :)

mahasen saber يقول...

النماذج المشرفه دى المفروض بطولاتهم تدرس لاولادنا فى المدارس ..على الاقل ترسخ عند الاولاد فكرة البطل المصرى لان افلام الكارتون رسخت عندهم ان الخوارق امريكان وصينين ويابانين بس

غير معرف يقول...

ياااه انتي حضرتي حرب اكتووبر ..جميييييييل...
وشكلوووا باش مهندس عبقرييي...ربنااا يرحمه ..

شمس النهار يقول...

*محمد الجرايحي

وعليكم السلام ورحمة الله وبركاته

كل سنة وانت ومصر كلها بخير
ومحروسة برحمة الرحمن

شكرا علي كلماتك الجميلة
كل سنة اكتوبر يأتي بفخره وجماله
والحمد لله اني حضرت اكتوبر وتزوجت احد ابطاله طيار من طيارين نصر اكتوبر وسمعت منه الكثير عن انتصار اكتوبر وعظمة الجندي المصري

شمس النهار يقول...

*كريمة سندي

ان شاء الله هنشر سيرة اخري لأبطال اخرين من عظماء هذا الوطن

شمس النهار يقول...

*فافي

شكرا ليكي ياجميلة
وان شاء الله اخلص عظماء اكتوبر
واشير مدونتك هنا
:)

شمس النهار يقول...

*mahasen saber

للأسف اولادنا مايعرفوش غير مازنجر وشوارزنجر الي اخر الليسته
ربنا يهدي وزارة التربية والتعليم
ويضيفوا في المناهج سيرة هؤلاء الابطال

شمس النهار يقول...

*mahasen saber

ايوة كان عندي 14 سنة وكنت في الاعدادية
وكتبت ذكرياتي عن اكتوبر وقتها
والمصابين اللي زورتهم مع مدرستنا

لــــ زهــــــراء ــــولا يقول...

ربنا يحميكِ يامصر ولادك دايماً رجالة


لولا

شمس النهار يقول...

*لولا وزهرا
آآآآآآمين

أحمد أحمد صالح يقول...

أستاذتنا شمس النهار
قرأت هنا كلمات أشعرتني بالفخر و الشرف والكرامة،وأثارت في داخلي الكثير والكثير مما لا أقدر على وصفه من الشعور بالحماسة والفخر وروح التحدي،ربما أنا هنا لست في معرض التعليق على ما قرأته هنا وفقط،بل وكذلك التعقيب على تعليقك أستاذتنا عندي، والذي نزلت عليا كلماته كسياط لاهبة.
نحن جيل لم يعش نكسة 67 وكذلك لم يحضر نصر 73 ولكنه عاش عهد حسني مبارك-وهو من أبطال أكتوبر ولكن يالا حماقة ما تفعله الأيام ويالا سوء وسواد ما تخوضه النفس البشرية من دروب-!، نعم نحن جيل محظوظ لأنه قد ورث نصر عظيم ولم يرث هزيمة،جيل لم يحضر الحرب ولم يقاسي ما قاسيتموه أو يعاني ماعانيتموه من ويلاتها،وكذلك لم يعش ولم يشعر بقيمة وعظمة نصر أكتوبر بقدر ما عشتموه وشعرتم به أنتم رغم أننا نرفل في نعيمه،ونعيش الكرامة على ذكراه!
..
ربما ما كتبته من خمس سنوات،وأعدت نشره الأن، لم يكن للتقليل أو التهوين من حرب أكتوبر العظيمة، من خمس سنوات كنا نعيش في عهد مبارك، عهد الذل والهوان وكبت الحريات، صحيح لم أهان في قسم شرطة أو خارجه ولكني كنت اعلم ان هذا يحدث ورأيته، صحيح لم أتعذب في طابور عيش أو اخرج منه قتيل ولكني كنت أعلم أن هذا يحدث ورأيته، صحيح لم ادخل المعتقل وأعذب ولكني كنت اعلم أن هذا يحدث، صحيح لم أصاب بالسرطان أو الفشل الكلوي من المبيدات المسرطنة ولكني كنت اعلم أن هناك من أصيبوا ورأيتهم، صحيح كنت أذهب وأصيف في شرم الشيخ،ولكني كنت أعلم أنها الجنة المحرمة على معظم المصريين والمتاحة والمباحة لليهود كما شاهدت بأم عيني، صحيح لم أذل تحت ربقة علية القوم ولكن لم يكن أبي الذي يعمل في الشرطة- أقل رتبة وهي خفير نظامي- منذ أيام السادات، منهم!
كل هذا وغيره الكثير والكثير فقط جعلني أتساءل،هل الجندي المصري العظيم الذي ضحى بروحه فداء هذا الوطن من أجل تحريره ورد كرامته لو علم أن نصره سيرثه هؤلاء الذين عاثوا فسادا وطغيانا في البلد،هل كان سيقاتل ويسعى إلى النصر؟
هل لو علم أنه بعد أن خلص وطنه من ربقة الاعداء سيستعبده شلة من أبناءه الطغاة ويدمروه وينهبوا خيراته ويستعبدوا بقية أبناءه،هل كان سيحارب او يسعى إلى النصر؟
نحن جيل شاهدنا من يتغنون بالنصر وهم من اكلوا ثمرته وجعلوا من حياتنا نكسات صحية وعلمية وطبية وتعليمية و إجتماعية.
لي عم شارك في حروب عبدالناصر في اليمن،وأخر شارك في حرب اكتوبر،ما كتبته لم يكن تهوينا من نصر عظيم بل بكاءا ونحيبا على واقع مؤلم.
..
الأن وبعد ثورة يناير،ربما نلمس ونعيش بعض التغيير، وكما قلت ان التغيير طالما بدأ وأيا كان مقدار ماوصلنا إليه فإنه لن يتوقف،ولدينا أمل يصل لحد اليقين بأن غدنا سيكون أفضل بكثير،غد يليق بإنتصار عظيم وبشعب عظيم،فقط ربما احيانا نحتاج إلى ضربة سوط لنستفيق ونعرف مقدار انفسنا.
لا أقدر وأحترم فقط الرئيس العظيم السادات والقادة العسكريين العظام،بل إني أقدر وأحترم رباط بيادة كل جندي خاض هذه الحرب وخرج منها شهيدا أو منتصرا، أقدر كل شخص عاش تلك الفترة، وساهم فيها بأي شئ حتى ولو بفرحته بالنصر.
..
كل التحية والإحترام لكِ أستاذتنا، وأعذريني إن أسأت مرة التعبير عن ما بداخلي.

حنين محمد يقول...

مساء الغاردينيا شموستنا
معلومات قيمة لذكرى أرتبطت بمشاعر المصريين
سعيدة كوني أستفدت تلك المعلومات هنا حيث
الرائع دائماً أمنياتي لمصر الحبيبة
بالانتصارات والذكريات الجميلة دائماً "
؛؛
؛
لروحك عبق الغاردينيا
كانت هنا
Reemaas

شمس النهار يقول...

*احمد احمد صالح
ليه كده يااحمد!!
ليه اعتبرت ان تعليق كده
انا اعتبرت ام بترشد ابنها للحقيقة مش اكتر
انتوا عشتوا زمن اختصر حرب اكتوبر علي شخص واحد مريض
وادعوك انك تدخل اللينك اللي في التدوينة دي علشان تقرا ذكرياتي عن اكتوبر هي مجموعة كده بدون فيها اللي حصلي
ومش عايزاك تكون زعلان احنا بنتكلم وبنتناقش ام مع ابنها وعمري مااقصد المعني اللي انت ذكرته ده
ولك مني كل التقدير وانت عارف انا اقدرك ازاي واحترمك

شمس النهار يقول...

*ريماس

عزيزتي الرقيقة
شكرا علي كلماتك الجميلة الرقيقة مثلك
:)

سواح في ملك اللــــــــــــــــــه- يقول...

كل سنة وانتي طيبة ياشموسة وتمدينابمعلوماتك الجميلة عن هؤلاء الابطال العظام في تاريخنا

تحيتي ياست الكل

حسن ارابيسك يقول...

كل الشكر والعرفان على معلوماتك وعلى اتاحتها لأبناء مصر حتى يعرف من لايعرف منهم أبطال مصر وأبنائها الذين يمتلكون من العبقرية ما لم يتوفر لغيرهم من الأمم
وفكرة الخراطيم كانت دليل على ذلك بعد كل المحاولات الغير ممكنة ومجديه من قنابل وصواريخ لفتح في ثغرة في خط باريف في تجارب على خط مشابه له بنته مصر في الداخل
تحياتي
حسن أرابيسك

شمس النهار يقول...

*سواح في ملك الله

وانت بكل صحة وخير وسعادة

وربنا يقدرني واقدر انشر عن هؤلاء الابطال

شمس النهار يقول...

*حسن ارابيسك
كل الشكر والعرفان لهؤلاء الابطال

اللي خالونا نرفع راسنا في يوم الفخر