الأربعاء، 19 فبراير 2014

شارع النزهة باشا

صباح الخير عليكم
اللي عايز يشوف 
السرك والحرب الاهلية في نفس الوقت
يروح شارع النزهة من عند نادي الدفاع الجوي
لييييه؟
من اول ماتنزل من الكوبري 
مافيش دوران للخلف الا في اخر الشارع
ليييييه؟
علشان قافلين الدوران للخلف اللي في النص من عند النادي
من زمااااااااان
طيب يعني ده يرضي ربنا
الناس تروح لأخر الشارع علشان ترجع لأول الشارع من الناحية التانية
علشان انتوا قافلين حته كل مشكلتها انها قصاد النادي
الناس بتتشل جوه العربيات 
والحته دي علي الاقل بتتاخد في نص ساعة 
وهي ماتاخدش دقيقة
الرحمة حلوة يابتوع الدفاع الجوي
يعني انتوا خايفين علي النادي ومش خايفين علي وقت الناس
اختشوا وافتحوا الطريق
عيب

هناك 10 تعليقات:

tarek momen يقول...

يا باشا انتي مش عارفة ان انتي نور عينيهم و اللا ايه؟؟؟؟؟

faroukfahmy يقول...

هذا مظهر من عدم الاهتمام يمعاناة البشر يا بشر !!!!!!!!!!!!!
ارفعوا الغمامة من على عيونكم وانظروا للناس بعيونهم

غير معرف يقول...

صباح النور يا شموسه
والله ياريت حد يسمعك
دى فعلا مشكله واكيد مسببه ازمه وزحمه وناس بتتعطل وناس بتتخانق كمان ومشاكل
المشكله الوقتى اننا مش عارفين نحل مشاكل ايه ولا ايه ولا ايه ولا ايه فى مصر
الفوضى كترت اوى

النسر المهاجر يقول...

البلد دى عايزه يتعمل فاتحه فى مخ كل واحد بيعمل سلوك غبى زى ده علشان مخه ينضف الشوارع الطويلة مفروض على بعد كل 100 متر فتحه على الأقل خالص مش هتشغل الطريق ولو قدام النادى مش نافع يبقى قبله بشوية ايه المشكله
الى بيعمل كده مفروض الى معتادين المرور فى الشارع ده يشتكوا للمرور والمرافق وبعدين ايه المشكله بتاع الدفاع الجوى يعنى محصنة ولا ايه دا حتى قيادة الجيش نفسها مترضاش بده
لازم الناس تفوق النوعيات الى زى دى

شمس النهار يقول...

* tarek momen

انا بقول نخطف حشمت لحد مايفتحوا اللفة دي :) :)

شمس النهار يقول...

* faroukfahmy
للأسف يااستاذ فاروق
مابنعرفش نرحم بعض
مع ان الدين الرحمة اصلا

شمس النهار يقول...

* قمر وليل وغيوم

صباح الهنا :)

طبعا مشكلة لأن الطريق ده الان بقا حيوي جدااا اللي موصل مصر الجديدة ب م نصر لأن الطريق التاني مغلق لعمل كباري

بقت رحلة عذاااااب للي عايز يروح الاتجاه ده

شمس النهار يقول...

* Gamal Abu El-ezz

المشكلة في البلد دي ماحدش عايز ياخد قرار خايف
علشان مافيش قوانين تنظم ده وتدعم القرار
كله خايف يتغضب عليه او يتسجن

tarek momen يقول...

انا موافق علي اقتراح خطف حشمت و نطلب فدية كبيرة و بالنص

شمس النهار يقول...

* tarek momen

ماااااشي وانا موافقة :)