الجمعة، 21 فبراير 2014

الرغي :)

صبااااااح الخير عليكم
الاخ اسامة (ازهري )
والحاج طارق (عابر سبيل)
الاتنين بيزعموا ان الفتاة بتحب الهاتف 
علشان لو قلبت كلمة هاتف هيبقا فتاة

ولو جينا للحقيقة بقا
هنلاقي الرجالة اكتر ناس بترغي في الكون
شوف كده الرجالة وهمه ماشين وهمه سايقين 
الموبايل علي ودنه
طبعا اللي يقولك الستات بترغي 

ده مستند ان الزوج من كتر الرغي بره البيت
 بيدخل البيت يجيله خرس زوجي
ومراته اللي بتقعد تكلمه
لكن تعالي كده 
واحد صاحبه يكلمه تلاقيه طلع علي الرابع
ولا شوفه كده لما يلبس وينزل القهوة يقابل اصحابه 
سبع تلسن بترغي في لسانه
ولا شوف ولد مع البنت اللي عايز يتجوزها

ماشاء الله الرغي رغي يعني
الرغي رجل
:)
لما تعدي يوم الجمعة علي تجمع شبابي او رجال كبار
بعد الصلاة تلاقيهم كلهم بيتكلموا في نفس واحد
الرغي مالوش صاحب
نااااااس بتتكلم كتير
وناااااس صامته بطبعها
مافيش نوع محتكر الموهبة دي لوحده
:)
اه
فووووووتكم بعافيه 

هناك 7 تعليقات:

غير معرف يقول...

هههههههههههه
زمان الرجاله كلامهم كان بسيط
انما الوقتى بعض الرجاله اتطبعوا بطبع النساء بقوا بيحبوا الرغى قد عنيهم
انا علقت على البوست اللى فات ياقمر لانه كان هيفوتنى

النسر المهاجر يقول...

شمس المدونة
انا مش معاكى إن الرجالة بترغى كتير زى الستات ممكن تعتبريه تحيز بس ده حقيقه واكبر دليل على كده لما رجل وزوجته يروحوا فرح تلاقى ممكن الزوج صاحبه يساله رايك فى العروسه او العريس مثلا اقصى حاجه هيقولها ممكن 3 كلمات إنما الزوجه هتجيب كل حاجه حتى لو كان المكياج خافيها
الرجل يحب الوصول للنتيجه من اقصر طريق المراه تهتم كثيرا بالتفاصيل
منكرش فيه خمسه تحيز بس هو ده الواقع :)

faroukfahmy يقول...

انا بختلف معاكى يا ست الكل
هذا ليس حكما عاما
لا كل الرجاله كده ولا كل الستات كذلك
لا تؤاخذينى على عدم الرغى

ابراهيم رزق يقول...

هههههههههههه
هى مواضيع الستات بتخلص

sony2000 يقول...

واسامه ابو الرغي وامه

tarek momen يقول...

يامارة لما يكون الراجل ومدامته في زيارة عوائلية و خلاص قايمين ماشيين و سبحان الله تلاقي المدامات واقفين علي باب الشقة بكملوا الرغي و الراجل علي كلمة واحدة..ياللا ياستي ...ياستي باللا و ينزل و يشغل العربية و لسه الرغي مش عايز يخلص

Alzhraa_Mustafa يقول...

اكيد مفيش نوع محتكر الرغى ده رأيي برضو ..بس عجبتنى ياريت تعلق بالحقيقه وبضمير وربنا انتى عسل ^_^