الأحد، 6 فبراير 2011

صباح النوم+تحديث واعلان هام+تحديث كوميدي

عجائب وغرائب النظام
اخيرا اعترف النظام بالشهداء وطلب النائب قبل الاجتماع مع المعارضه ان يقفوا حداد عليهم
اول مره الحكومه تنافق المعارضه
المستفيد الوحيد للأن من دم هؤلاء الشباب
اللي ادوهم فرصه ماكانوش يحلموا بيها


تحديث من الفيس
مكاسب الثورة المصريةفي 25 يناير:
١. اقالة الحكومة الأردنية
٢. رفع قانون الطوارئ في الجزائر
٣. اعلان الرئيس اليميني عدم ترشيح نفسه للرئاسة
٤. تعديل الدستور الصيني
٥. قمع الشعب السوري قبل ما يفكر يثور
٦. بقاء الرئيس المصري ولا كأن حاجة حصلت
=====================
تحديث
اعلان هااااام ياعرب
ممنوع منعا باتاااااا
ان يظهر اي علم لدولة عربية او يتظاهر في ميدان التحرير
اي انسان الا المصريين
وكذلك لايذهب من يحمل الجنسيه المصرية حديثا
اللي يعني ابوه مش مصري وامه مصريه
اي ان لايتظاهر الا كل من ولد من اب وام مصريين
وفي راوية اخري من جد وجدة مصريين
ولمن يخالف
تقع عليه مسؤلية تفعيل نظرية الوحدة العربيه والقومية العربيه
ويعتبر خائن للنظام المصري
الله يرحمك ياسليمان ياحلبي
وقد ازعر من انذر
************
ماكنتش ناويه اكتب بوست تاني خلاص الي ان تنتهي الازمة
لكن
الخبر ده
استفزني حبيت اهديه لكل اللي بيقولوا ماخلاص بقا اخدنا اللي عايزينه
ياريت يعرفوا ليه مش عايز يمشي هو واللي حواليه
علشان ماتعرفوش تجمدوا كل ده زي بن علي واللي حواليه
عرفتوا الاستماته ليه
حلال فينا مبارك
يعيش حسني مبارك
اللي بكره يستخسر حتي الجزمة(اسفه مالقتش غير كده) يدينا بيها
البوست اللي فات شغاااااااال
الشعب المصري لطيف اوي وحبوب زي ما عمل اغرب حظر تجول علي مستوي التاريخ والعالم عايز يعمل ثورة من اغرب الثورات
عايز ياكل ويشرب ويتفسح ويعيش حياته طبيعي جدا
وفي نفس الوقت يعمل ثورة
وزي مابيشتري حاجه بالتقسيط
عايز يعمل ثورة بالتقسيط
كركركركركر
:)))))))
وواضح ان الحكومة هتضر تعمل وزراة لتسيير شؤن المتظاهرين والمحتجين والمعتصمين في ميدان التحرير
ويسموها وزراة ميدان التحرير

هناك 6 تعليقات:

Unknown يقول...

المصريين دول أجدع و أحسن ناس بس لو يتخلصوا من الخوف و السلبيه زي ميدان التحرير أنا بقيت فخوره و نفسي يمشي بقى عشان مش قادره أشوف صورته في كل مكان

شمس النهار يقول...

* شيرين سامي

اجدع ناس بس مش عارفين ولا عايزين يصبروا

أنا - الريس يقول...

يا شموستنا .. مترديش علي حد هتتعبي أعصابك ليه .. اللي يجي يتكلم ويقولك خلاص ما أحنا عملنا اللي عيزينه .. قولي له إنتم مين ؟ هو إنت اللي جبت أي مكسب اذا كان فيه مكسب مع إنه كل حقوق .. هيقولك لأ .. قولي يبقي ما تتكلمش .. اللي مات واللي بات واللي جاع واللي حزن واللي فرح في التحرير والمنصورة واسكندرية وبلبيس والاسماعلية والسويس واأسيوط هما اللي جابوا انت مجبتش .

mrmr يقول...

يا نهار مش فايت بابا ياولاد خلاص مش ماشى ايه الجزمه القديمه اللى فى الدماغ دى لهم اذان ولا يسمعون

دا احنا قلنا خلاص ومتأملين خير لينا ولاولانا من بعدنا
لكن مين عارف يمكن تيجى من عند ربنا

لكن عارفه يا شموسه انا مش خايفه غير على الشباب اللى فى الميدان يا ترى مصيرهم معاه ايه ربنا ينتقم منه لو اذى حد فيهم دا ظفر اقل واد فيهم برقبته

ذو النون المصري يقول...

لازم النظام يتحاكم و الا لو بقي في مكانه شهور هيستفيد من التجربة و ممكن يستمر بصورة اعتي مما كان و ايضا قد ينتقم انتقاما شرسا ممن قاموا بهذه الثورة

إنسان || Human يقول...

ميدان التحرير .. زي ما بيقولوا مصر الحرة
بس انا عندي أمل ...على الأقل لما المصريين يشوفوا صور الشهداء ..وقد ايه هما صغيرين في السن وفقدوا أعز ما يملكون ألا وهو حياتهم .....يمكن يفكروا