بما ان النائب عمر سليمان هيعمل خااااارطة طريق
اذا نحن في غزة فرع ميدان التحرير
واهديه هذه الصورة (معلش الصورة مهزوزه)دبابات وحواجز من حديد وخشب وصاج وثوار ومتظاهرين
فعلا كده نستاهل خاااااااااارطة طريق
صحيح الطبع غلاب ياحكومه والمهنة تحكم
المفتي يقول محسودين والنائب يقول طريق
الطريق الوحيد بقا معروف ياسيادة النائب
وبما ان المهنه تحكم انا عاجبني اوي ديكور ميدان التحرير كده
والشعب مش هيغير الديكور غير لما
الهدامين يمشوا ونجيب اجدع صانيعيه فيكي يامصر معلمين يعدلوا الديكور
اذا نحن في غزة فرع ميدان التحرير
واهديه هذه الصورة (معلش الصورة مهزوزه)دبابات وحواجز من حديد وخشب وصاج وثوار ومتظاهرين
فعلا كده نستاهل خاااااااااارطة طريق
صحيح الطبع غلاب ياحكومه والمهنة تحكم
المفتي يقول محسودين والنائب يقول طريق
الطريق الوحيد بقا معروف ياسيادة النائب
وبما ان المهنه تحكم انا عاجبني اوي ديكور ميدان التحرير كده
والشعب مش هيغير الديكور غير لما
الهدامين يمشوا ونجيب اجدع صانيعيه فيكي يامصر معلمين يعدلوا الديكور
هناك 12 تعليقًا:
ميدان التحرير اصبح فلسطين جديدة
لولا
يا شموسة إنتظري فرجا قريبا من الله .. قريبا إن شاء الله ..
{قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاء وَتَنزِعُ الْمُلْكَ مِمَّن تَشَاء وَتُعِزُّ مَن تَشَاء وَتُذِلُّ مَن تَشَاء بِيَدِكَ الْخَيْرُ إِنَّكَ عَلَىَ كُلِّ شَيْءٍ قَدِيرٌ} (26) سورة آل عمران
فإنزع الملك من مبارك ومن عاونه علي خيانة دينك ونبيك وشعب مصر نزعا يكون عبرة للمعتبرين اللهم امين .
انا كدة انا اجندة وليا عشر صوابع بتلعب في الاحوال الداخلية لمصر
وعميل للموساد وحزب الله وحماتس وجبهة مورو الفليبنية وجماعة ابو سياف وزميل جمعية بلطجية شيكاغو
واصولي من مدينة اصفهان الايرانية
وباكل كنتاكي
تحيا مصر حرة
انا اول مرة ادخل مدونتك انت انسانة جميلة قوي محمود
الله يرزقكم من عنده نصرا عاجلا معجلا
تحية من المغرب الأقصى
غزة .... ميدان التحرير
كنا بنقول عزة و نصر و عزة و نصر اهل غزة بيحموا مصر
اليوم نقول لنا الشرف ان نكون فرع من غزة
غزة الصمود غزة الكبرياء
غزة العزة و الكرامة
غزة المرابطين و غزة المجاهدين
فشرف لي ان اكون منتمي لاهل غزة من تعلمنا منهم و تربينا معهم
كيف تكون العزة و كيف تكون النصرة
ههههه
عجبني التشبيه واستغربت جدا سليمان الطبع غلاب فعلاً , خارطة طريق ايه وعك اي ده , قال يعني نفع سليمان ده في حاجه ووصل لحاجه في غزة عشان يوصل هنا
شموستنا الغالية
أتمنى تكونى بخير إنت والأسرة كلها
للأسف بعد ما كنت من المتواجدين هناك أصبحت من المتابعين عن بعد
لالالالالا
أوعى تفهمى صح
أنا حاليا من المجموعة المنوط بيها حماية الجبل عندنا ودى مساحة واسعة وبشتمل المقابر والجبانات وخلافة
إنت عارفة بعد انسحاب الشرطة حاول كتير إنه ينهب الأماكن دى
والحمد لله قدرنا نسيطر على الموقف بأقل خساير سواء فى الناس أو الآثار
المهم
عمر سليمان من الشخصيات اللى بأحترمها
لكن المشكلة فى رأيي أصبحت أكبر من ميدان التحرير
فى حرب مراكز القوى القديمة ودى مش سهلة
وكمان الصمود ضد الضغوط الخارجية بآرائها المختلفة ونظرياتها للموقف
حاليا السلطة فى رأيي مش فى إيد مبارك هى مع عمر سليمان ومبارك أصبح مجرد ديكور وقتى لحد ما يقدروا يلموا كل الخيوط الجديدة فى إيديهم
الموضوع مش سهل
صحيح النظام وقع وخلاص وأي حد يقول غير كده يبقى مش متابع كويس
بس إرحل دى مش مجرد أشيل الشنطة وأركب أول طيارة
مش معنى كده إنى بأقول له يقعد إنت عارفة رأيي من زمان وحتى من قبل 25 يناير
إنما الموضوع لازم هياخد وقت
وكل المطلوب مننا إننا نصمد ونفضل على مواقفنا لحد ما اللحظة دى تتم
سواء بعد يوم أو سنة
سلامى للأسرة وأولهم توتا يا رب تفتكرنى المرة دى
وكمان الثنائى المرح وكل حزب الشر والأذى
بالمناسبة
دعاء وضعت إمبارح
عرفت الخبر من شوية
ونفسى أروح أشوف الولد بس أعمل إيه
يا دوب آخد دوش وأغير ولازم أرجع تانى
ولو إنهم بيقولوا إنه زى القمر القمر
أكيد مش طالع لخاله
السلام عليكم أختي شمس...
هذا التعليق لمجموعة البوستات الأخيرة... الصفحة أول مرة تفتح من فترة (مش عارف ليه كانت بتعطيني إيرور!!!)..
المهم ضحكني جدا أسلوبك الساخر في الفترة الأخيرة رغم الهم اللي إحنا فيه.. بس نعمل إيه هي طبيعتنا كده كمصريين :)
وبالمناسبة إحنا كمان عندنا وقفة عرفات (فرع التحرير).. فيه بلد في العالم يستطيع أن يتجمع فيه واحد أو 2 مليون كل يومين تقريبا؟!!!!
كمان لاحظي - من عجائبنا - أن ال2-3 مليون بتوع عرفة السعودية بكل أموالها وإمكانياتها بتقعد تستعد ليهم كام شهر.. إحنا عندنا بيتجمعوا كل يومين وبيصرفوا أمورهم وخدماتهم بدون اية تجهيزات حكومية... والله فعلا إحنا شعب جبار...! :)
تحياتي أختي الكريمة.
إرسال تعليق