الجمعة، 18 فبراير 2011

الشرطه في عرض الشعب+تحديث مخلوط بوجع القلب

النهارده رحنا القصر العيني والدتي وصديقتي وكيارا وازهري
وده فيديو علي في الاوام اوام
علي ماانشر الباقي



عايزة صلح يادخليه عايزة صلح
اوك
دي طلبتنا علشان نتصالح
مش الاعلانات الغريبه الفهيشه المريبه اللي عمااااله تحاصرينا بيها علي كل القنوات
لدرجة اني خفت افتح التلاجه لا تطلع لي ايد شرطي تناولني اللي عايزاه من التلاجه
المهم
وبيني وبينكم اليوتيوب
جميل انكم قبضتوا علي العادلي (مش عارفه جاب الاسم ده منين)واخواته
لكن
عااااااااااااااااايزين
البهوات اللي ضربوا (مش رشوا) الناس بخراطيم الماء القويه جداااااااااااااااااااا
في عز البرد( مش مهم)
لكن وهمه بيصلواااااااااااااااااااا
عااااااااايزينه علشاااااااان
لااتصور ان مهما حد امرني اعمل حاجه في معصيت الخالق
اني اعملها
ايه بتعذبوا كفار مكه
ولا دي غزة وانتوا الصهاينه
عاااااااااااايزين
الجبابره اللي كانوا سايقين عربيات الامن المركزي
اللي دااااااااسوا المتظاهرين وقتلوهم بدم بارد ولا اللي سايق عربيه في الملاهي
ايه السااااااااااديه دي
وماحدش يقول لي مش لاقينهم دي كانت هوجه
نووووووووو ياجوني نووووووو
العربيات متصوره ومعروف في الخطه قطه بتاعتكم مين كان فين ساعة ايه
عاااااااااااايزين
البهوات والبشوات والافواااااات القناصة اللي نفذوا امر القتل العمد
وطبعا دول معروفين جداااااااااااا ليكم
عااااااااااايزين
الجهابزة اللي حبوا يجاملوا اليهود والامريكان فاقالولهم هاتو القنابل المسيله للدموع المنتهيه الصلاحيه اللي عندكم المتظاهرين عندنا عيونهم وصدورهم تاكل الظلت
عايزة اللي بوظ عيوووووووون شباب مصر
عاااااااااااااااااايزين
الجهابزة اللي اعطوا امر بضرب المتظاهرين بالرصاص المطاطي في العيييييييييييييين يعني غاز منتهي الصلاحيه وكمان مطاطي في العين
ورصاص حي
عااااااااااااايزين
اللي ضربوا الناس بالعصيان علي روسهم لحد ماماتوا
عاااااااااايزين
معدوم الضمير اللي ضرب الشاب بتاع اسكندريه اللي علي اليوتيوب
وده لاكان مظاهره ولا خناقه
عاااااااااااايزين
من الاخر كل الظباط معدومي الضمير اللي امروا بالانسحاب واطلاق سراح المساجين وروعوا الناس
وقبل ده كله مين وليه قتل المصريين اللي بيصلوا في كنيسة القديسين
ونكد علي المصريين
عاااااااااايزين نبتدي من اول السطر مااااااااشي
اثبتوا حسن النيه وراضوا امهات الشهداء والجرحي
ومش هنفتح في اللي فات علشان اللي فات تاريخ اسود كبيييييييييير
هااااااااااااااااتوا دول وحاكموهم وارضونا
هنبتدي صفحه جديده
مش هتعملوا كده ابقوا قابلوني بقا
ونفسي اعرف هو امن الدوله لسه بيعملوا ايه علي النت بيقدموا التقارير لمين دلوقتي
ماتلموا نفسكم بقا مصر بتتولد من جديد مابقاش لكم مكان
بكرر ياداااااااخليه صالحي الشعب بالاصول مش بالفهلوه
الشعب وقف زمااااااااان مع الجيش بعد الهزيمه علشان كان عارف ان الجيش ماحربش وانه اتظلم
والشعب حضن الجيش وعبرنا الهزيمة والقناةسوااااااا
لكن الشعب مش هيصالحكم الا لو نفذتم القصااااااص
والشعب المصري من الدلتا الي اقصي الصعيد
مابيسبوش تارهم
القصاص يادخليه الموجودين يثبتوا انهم شرفاء
وهنرجع مع بعض اجمل من الاول
لكن دلوقتي الشعب حاسس انه كان مستعمر من دولة الدخليه الدكتاتوريه العظمي
وحرر نفسه منهم
((اه نسيت حاجه الجمل
عايزة الجمل واللي بعتوه واظن ده علي اليوتيوب)))
---------
( وَلَكُمْ فِي الْقِصَاصِ حَيَاةٌ يَا أُولِي الْأَلْبَابِ لَعَلَّكُمْ تَتَّقُونَ )
صدق الله العظيم

هناك 45 تعليقًا:

♥نبع الغرام♥♪≈ يقول...

ازيك يا شموستى

اخبارك ايه

اروح اقرء وارجع

♥نبع الغرام♥♪≈ يقول...

( وَلَكُمْ فِي الْقِصَاصِ حَيَاةٌ يَا أُولِي الْأَلْبَابِ لَعَلَّكُمْ تَتَّقُونَ )
صدق الله العظيم


بصراحه مش لاقيه كلام بعد كلامك
غير ربنا ينتقم منهم

ولو الناس دى مش اخدت حقها بالدنيا
هتاخدو منهم بالاخره لان فى رب بيحاسب ومطلع على كل شىء

انحناء كبير لشخصك وكلامك الاروع حبيبتى

راء يقول...

انا مش قادرة اعلق

بس جيت اسلم..واعصابي تعبت حاليا مش مستحملة أكمل البوست حتى

سواح في ملك اللــــــــــــــــــه- يقول...

الطريف ان الاخ حبيب العادلي
بيتحاكم في قضية اموال عامة
وكانة ملوش دعوة خالص
بموضوع الانسحاب ده
والقناصة
لااله الا الله

الحياة الطيبة يقول...

شمس النهار بعض رجال الأمن كانوا أكثر شدة وقسوة من كفار قريش وكان تخصصهم الرأس .
والحمد لله لديكم وفرة في الثروة البشريه (ماشاء الله )
وياريت يُسرح رجال الأمن بالكامل ويحل محله شباب متعلم وعلى خلق كالذين نظموا أنفسهم وأداروا ثورة نظيفه ناجحة ,شباب قلبهم على على بعضهم كما قلبهم على مصلحة الوطن ....ودمت بخير غاليتي.

match online free forever يقول...

وهل لو فعلاً قبل الشعب الصلح ... هما هايتغيروا فجأة بعد الي تربوا عليه كده مرة واحدة ...
تحياتي العاطرة

Unknown يقول...

حلوة جدا الشرطة فى عرض الشعب دى
(:
بس بجد إحنا محتاجين شرطة

تحياتى

إيمان هلال يقول...

المشكله يا شموسه مش فى الشرطه ولا الشعب ، المشكله فى نظام فاسد بيطبق سياسة الاستبداد ،الاسياسه تتغير كله هيتغير ، ام دلوقتى فالشرطه لازم تكون فى عرض الشعب واللى جابوا الشعب وتحب على ايد كل واحد فيهم كمان

أسمعنى شكراًً يقول...

حقا حقا (القصاص)

ومن بعدها الصلح وما هو غير ذلك

ثـــوره الــغضب يقول...

انا مش عارف اكتب ايه ولا ايه ولا ايه

عندى كتييير نفسى اكتبو قصصصص كتير متنتوره فى بالى

من كام يوم على قناه الحياه جابو اهلى شهداء الشرطه معلش بقه يتقال عليهم شهداااااء مش عارف اذاى

يااا شمس شهداااااااااء الثوره اغلبيت الطلقات الى فيهم فى الرقبه والصدر والمخ

دا كان قتل عمدا وغدين اوامر بل قتل عمد

ليا اصدقاء فى قسم الدقى ضباط بيحكولى بيقولو خدو اوامر بعد 12 بليل يطلقو الرصاص على اى حد

وقصص وقصص وقصص وناس ملهاش زمب راحو ضحيه الكفر والجهل والكبرياء كبرياء الشرطه

اتمنى مترجعش ليهم هيبه تانى ويتعمل معمله الكلااااااااب ومش هننسى كل الى حصل وبحمد ربنا ان حصل كدا عشان يزوقو مما ازاقو الناس منه

باحث عن حب يقول...

اصل احنا مسالمين لو كنا ولعنا فى القصر الجمهزرى وكل مكان حكومى فى مصرى
وولعنا فى حسنى نفسه
مكانوش عملوا كده فينا
عينا اننا لسه بنحب مصر

VÖltaa يقول...

شموسة الغالية

جيت اسلم واقولك لحضرتك ازيك :)

رحاب صالح يقول...

شموسة
عايزين مبيد حشري
مبيد حشري ونحطهم في اوضة كدة ونرشهم لغاية ما يقعوا يموتوا خاااااااااااالص
اية رأيك ...؟

تخاريف مترجــِــمة يقول...

وانا معاكي يا شموسه

لا بد ان الناس دي تتحاسب

دولا لو بيطاردوا ابي لهب مش هيعملوا معاه كده

حسبنا الله ونعم الوكيل

Emtiaz Zourob يقول...

بعد الانتصار في الثورة ، الدور على الخونة والقتلة الذين قتلوا الشباب الورد وتقديمهم للعدالة بهدف القصاص منهم ، الآن هو وقت المحاسبة والتحقيق ومعاقبة الجناة ، ربنا معاكم ومع الحبيبة مصر ، حتى تعدوا فيها لبرالامان
دمتي اختي وتقبلي مروري.

غير معرف يقول...

صلح!!!!!!!!!!

مافيش صلح أنا بلدي لازم تتطلق بالتلاته

الاحلام يقول...

لابد من تغيير شامل فى الدخليه وفى كل المصالح الحكوميه فالداخليه لابد ان تغير لهجتها وةاسلوبها مع افراد الشعب لان الفروض ان هذا الصرح الكبير منشاء لخدمه هذا الشعب وليس ضده نرجو ان نرى شيئا مختلفا فى المرحله القادمه املين ان يعم الخير على مصر والعالم العربى
تقبلى تحياتى الاحــــــــــــــــلام

GigiWorld يقول...

تسلم ايدك نسلم ايدك تسلم ايدك


بجد ده يحصل الاول وبعدين نتفاوض بقه ويااهالى الشهدا يصالحكم يالا هما حرين واحان كمان


بس فعلا اذا ده حصل هنصالحكم

بس ممكن يحصل

احنا كان ان مبارك يمشي حلم بعيد المنال لكن الحمد لله حصل


ده بقه حلم ابعد منه بس رجاءنا فى الله يحصل

تحياتى بوست راااااااااااائع بمعنى الكلمه

VÖltaa يقول...

لازم هيتجاب حقهم ويتجازى الغلطان
لازم لازم

و إلا هتلاقى كل شاب وانا اولهم لابسين ديناميت وبيفجرو نفسهم فى اى كلب من كلاب النظام

ومفيش صلح ولا الكوميديا دى طبعا

شمس النهار يقول...

* نبع الغرام

شكرا علي كلامك المشجع الجميل

وربنا هيجيب حقهم

وياريت تتفرجي علي الفيديوهات
هتزهلي

وان شاء الله هنزلها ورا بعض

ودايما منورة المدونة

شمس النهار يقول...

* طالبة مقهورة ..درجة أولى

سلامتك اومال همه يعملوا ايه

لو كنتي جيتي النهارده القصر العيني

كنتي انهرتي فعلا

احنا رجعنا مبلمين

وان شاء انشر الفديوهات

شمس النهار يقول...

* سواح في ملك الله

والاغرب انه هيتحاكم وياخد 7 سنين

علشان كده مجموعه من المحاميين الشرفاء بيلموا له ملفات قضايا زي الفل
ماتخرش الميه
ربنا يجعلها من حده ونصيبه

شمس النهار يقول...

* الحياة الطيبة

الهدف كان واضح جدا الضرب في العين

يعني اللي يموت يموت واللي يعيش يعيش اعمي

ربنا مش هيسبهم

شمس النهار يقول...

* ويبقى الأمل

مافيش حد بيتغير لا في يوم وليله ولا حتي في 1000ليله

واللي يكون فاهم انه هيغير حد يبقا غلطان هو زي ماقالت اختنا الطيبه

نجيب ناس تانيه
متعلمه صح يعني ايه الشرطه في خدمة الشعب

شمس النهار يقول...

* حاتم عبدالفتاح

فعلا احنا محتاجين شرطه
بس مش بلطجيه

ده احنا لو جبنا الشرطه المدرسيه بتاعت زمان هتكون احسن منهم

شمس النهار يقول...

* اعقل مجنونه

ايوااااااااا
سياسة حكومه
ونظام
عايز يحكم بالحديد والنار

بس همه اتربوا ولسه
وان ماكنش بمزاجهم يعاملونا كا بني ادمين يبقا
جنت علي نفسها براكش

بس عجبني اخر سطر وبقول والله فكرة
:)

شمس النهار يقول...

* أسمعنى شكراًً

ايواااااا
اخد حقي وتاخد حقك من العقاب
وبعدها حبايب حبايب

والشرفاء من الشرطه همه اللي هيعملوا ده

شمس النهار يقول...

* ادمـ الـــمصرى

اهلا اهلا بيك

كلامك صح الصح
ولو كنت جيت معانا النهارده القصر العيني كنت هتتصدم

مش ممكن
كله في العين
ومستنين حكاوي ايام التحرير

شمس النهار يقول...

*محمود(باحث عن حب)

نولع في حسني اه
لكن نولع في املاكنا لا

وبعدين هوه هيولع لوحده

شمس النهار يقول...

*VOltaa

اهلا اهلا بالغيبين

والغياب امتحانات ولا مظاهرات ولا لجان شعبيه
:))))

مستنيين البوستات الناريه

VÖltaa يقول...

:)
الغياب كان اكتئاب
بعد كده امتحانات ومظاهرات ولجان شعبية

فيه بوست شبه نارى حطيته تقدرى حضرتك تشوفيه

Remas يقول...

شموسة
ازيك يا حبيبة قلبي
عاملة ايه ؟؟
صح يا شمس صح جدااااااا ما قلته

القصاص لازم ودا لا تنازل عنه

قلبي بيوجعنى على الحاجات اللى بشوفها على اليوتيوب بجد مش عارفه فين الضمير وفين الرحمة
ومش مقتنعة بحد يقولي اصل دا شغلهم ومأمورين يعملوا كدا

شايفه ان الناس لازم تواصل مطالبها وتضغط في طلبها دلوقتي ومش تتنازل ابدا

تعرفين انى احترمك واحبك من اول ما عرفتك وللحق زاد احترامى لكِ وحبي بعد موقفك من الثورة

تسلمى يا احلى شموسة على ما قلته

ووحشااااني كتير

Unknown يقول...

السلام عليكم أختي شمس

جزاكم الله الف خير على مجمهودكم الطيب مع المصابين..

وبالنسبة لطلباتك من الداخلية معاكي تماما.. لازم نحس إنهم بالفعل مهتمين بإعادة العلاقة المزعومة مش مجرد مرور من أزمة...
وإن كان هناك ضباط مظلومين فليساعدونا على تحقيق هذه المطالب بالضغط على رؤسائهم، أو بإظهار الحقائق المطلوبة فبالتأكيد هم أقدر على ذلك!!!!

تحياتي أخي الكريمة ودمتِ بخير.

mrmr يقول...

ازيك يا شمس الشموسه

ربك يمهل ولا يهمل

بكره نعقد جنب الحيطه ونسمع الزيطه

شمس النهار يقول...

* re7ab.sale7

ضحكتيني يارحاب وانا من امبارح في افلام بسبب القصر العيني واللي بيحصل فيه

بس صدقيني دول مش هينفع معاهم مبيد حشري دول عايزين
ماء ناااااااار مركز

:)

شمس النهار يقول...

* تخاريف مترجــِــمة

مش بس يتحسبوا لا علني

لو رحتي القصر العيني
هترجعي تولعي في كل ظابط وعسكري شرطه الحلو والوحش

شمس النهار يقول...

* وجع البنفسج

القصاص
القصاص

هو ده مفتاح القضيه

علشان نقدر نبرد نار اهالي الشهداء والمصابين

شمس النهار يقول...

*مصري جدا

المشكله انها ماعرفتش تتطلق فااستخدمت حقها في الخلع

المشكله ان الزوج المخلوع مش عايز يستسلم

بس وحياة دماء الشهداء والمصابين اللي عايشه معاهم من امبارح ماهيتساب
هذا الزوج المخلوع

شمس النهار يقول...

* الاحلام

ربنا يحرس بلدنا

ونطمع في جهاز شرطه جديد يحترم الانسان المصري
فيحترمه الانسان المصري

شمس النهار يقول...

* جيجي
تفتكري ياجيجي ان ممكن بعد اللي حصل ده كله
ان الشرطه تعمل كل اللي طلبته ده

اتمني علشان لو ده حصل
هيبقا مجتمعنا اكتر من رائع

شمس النهار يقول...

* reem

اهلا بيكي ياريم

شكرا علي الكلام الجميل والمجامله اللطيفه
ربنا يكرمك

وربنا يحفظ الثورة من اللي بيحصل يارب

ماصدقنا خلصنا منهم ربنا مايرجعهم

منوراني دايما
وسلامي لبنوتاتك الحلوين

شمس النهار يقول...

* ماجد القاضي

وعليكم السلام ورحمة الله وبركاته

فعلا زي ماتفضلت ان لازم اثبات حسن النيه
وان يقوم الشرفاء من جهاز الشرطه
بتقديم هؤلاء القتله

ماعندكش فكره اللي حاصل ولا اللي بيتعمل في الجرحي لحد دلوقتي

مش لاقيه غير كلمة عيب نعمل كده فيهم
وهكتب ان شاء الله بوست يحكي اليومين اللي قضيتهم بين المستشفيات

واعرض المهزلة اللي بتحصل في القصر العيني

شمس النهار يقول...

* mrmr

ايوه يامرم

كل شئ هيظهر يامرمر ويبان

ثـــوره الــغضب يقول...

بقالك كتير مش بتيجى عندى دا زعل ولا مشغوله ولا ايه

il penultimo يقول...

ياترى فيه طريقة الواحد يساعد الناس دي ماديا؟