الخميس، 3 فبراير 2011

شكرا ياعادل +تحديث كوميدي

معلش كلمة ضحكتني في وسط العتمة
قال ايه قبضوا علي مهندس اسراااااائيلي في السويس
لا ونبي انا ست كبيرة وعندي القلب مااستحملش كده ابدااااااااااااااااااااا
ليه هو مصر مافيهاش صهاينه لا سمح الله
دي سيناء رجعت كامله لينا ومصر اليوم في عيد كلهاااااااااااا يهود
الصلي علي النبي العدد في الليمون
بلاش سيناء
الطيارات اللي جت اخدت الصهاينه من مطار القاهر وجميع المطارات المصريه الصديقة مش كانوا علي ارض مصر
ارجوكم بلاش استخفاااااااف بعقول المصرييييين
بلاش نقول ان في ميلشيات اجنبيه علي ارض مصر علشان عيب
يبقا السي عمر سليمان كان رئيس مخابرات فاشل وانه يبقا نايب دي في حد ذاتها نايبه كبيرة قادمة
********************
الحقيقه كنت محضرة بوست هنزلة دلوقتي بعد مداخلة علي احدي الفضائيات المصرية اللي بتستهبل
بس لما دخلت البلوجر ولاقيت عادل ناشر كلام يتاااااااااقال بالدهب قلت لااااااا عادل
(البلد دي فيها حكومة )
احق مني بالنشر هو من شباب البلد دي الواعي نزل المظاهرات وادهس فيها وبرضوا وقف طول الليل يحرس شارعهم
تعالوا نشوف كلام عادل
ملحوظة:مش هرحمكوا برضوا هنشر البوست بس بعد ماتقروا عند عادل

هناك 10 تعليقات:

Haytham Alsayes يقول...

لا والمهندس معاه اثبات انه مهندس اسرائيلي
هرتلة وهبل
هو لو انا عميل وابن كلب اسرائيلي هاقول اللي انا اسرائيلي
هو اللي عامل فيها جاسوس هايكتب علي صدره انا عميل والنبي تعالي امسكني
عالم متخلفة

هناء محمود يقول...

مهو تكملة لسيناريو العبط والهطل الحكومى يارب صبرنا

بما إن التحديث كوميدى أقولك نكتة

أوباما إتصل على مبارك وقاله يكتب رسالة وداع للشعب المصرى .. رد عليه مبارك وقاله .. ليه هو الشعب رايح فين ؟؟

شمس النهار يقول...

لأ وايه ياهيثم ياخويا كان في المظاهرات اجانب شايلين شنط علي ضهرهم

:)))))

ماحدش قال لهم قبل كده ان طول عمر مصر فيها السواح اللي شايلين علي ضهرهم الهاييك وبينزلوا في الفنادق الرخيصة

زمان ياهيثم اوي اوي كانوا بيباتوا في الحدائق بس ايامها ماكنش في تخلف اوي كده او التخلف ايمها كان مقبول التيكنولوجي مش زي دلوقتي
لكن يتقال الكلام ده دلوقتي يبقا
عبث وهبل لا يحتمل

دول هيخلوني اروح اقبض علي المندسين الاجانب اللي كانوا بيصوروا زفت بنتي
وكانوا بيضحكوا في مدخل الفندق

شمس النهار يقول...

* أم .. بوبه

الشعب رايح يودعه ان شاء الله

ربنا يستر علشان عملوا غسيل مخ جاااامد للناس بشكل مزهل بجد


مش مصدقة

♥نبع الغرام♥♪≈ يقول...

ربنا يخليكى يا ست الكل
على اهتمامك الجميل

ربنا يبارك فى حضرتك

وربنا يرفع الغمه عن مصر

الغاردينيا يقول...

مرحبا ماما شمش يارب تكوني بخير
وربنا ينصركم انا قرات بوست عادل بالفعل وبجد جميييل وربنا يكرمه ويحفظه
بجد كلام موزون بذهب نفسي اخذه واحطه عندي بس كافيني اهانات اني بحرض مصريين
والواجب اخذ بالي من بلدي اليمن وبس
خذي بالك من نفسك
وربنا يحميكم كلكم وينصركم

شمس النهار يقول...

* نبع الغرام

ان شاء الله خير وان شاء الله هتخلص علي خير

صدقوني مصر بخير

شمس النهار يقول...

* الغاردينيا

اللي يقولك ياحبيبتي ان اليمن بلدك بس قولي له ومصر كمان بلدي
كل بلاد العرب اوطااااااني

مصر بلدك واليمن بلدي

ومبروك علي بلدي اليمن الاصلاحات اللي سمعت عنها

ان شاء الله الوطن العرب كله هيكون بخير

قولي يارب

mrmr يقول...

ازيك يا شمش الشموسه
وحشتينى
يارب تكونى بخير
نفسى اعرف مش احنا برضه بلدنا فيها اثار وسياح ولا ده شئ نادر ان يكون فى يهودى ولا امريكى ولا اسبانى
بلد بتستخف بعقولنا كده ليه
هو احنا مختومين على قفانا
ولا نكش وصل بينا الحال اننا نبيع المترو
اصل زمان بلدينا اشتروا الترماى وكمان كانوا بيفكروا يشتروا العتبه الخضراااا
اقعدى بالعافيه

شمس النهار يقول...

* mrmr

الحمد لله

ازيك انتي يامرمر

ماتخافيش الحكومة هي اللي هتشتري التروماااي ابو سنجة بتاع شبرا اللي في الافلام زمان