الثلاثاء، 7 يونيو، 2011

شكراااااااااااا ياسيدي

شكرا للشيخ الحوييني
واعني بكلمة شيخ هنا السن وليس الوظيفة
الرسول الكريم ماكان ينطق عن الهوي
واوصي لأخر لحظة بالنساء خير
وكان عليه افضل الصلاة والسلام اذا دخلت عليه ستنا حليمة فرش لها عبائتة لتجلس عليها
ولم ينعت اي امراة بأي لفظ يؤذيها
والاسلام كرم المراة اجمل تكريم ووضعها في وضعها الطيب السليم
والرسول الكريم عندما دخل الخيمة علي ام سلمة حزين من رد فعل القوم
قالت له اخرج انت قصر واذبح
فعل ماقالت ولم يقل لها انتي امراة جاهلة غبية
كما قال الشيخ الحوييني
وهو يتكلم عن النساء الطبيبات والمهندسات
ولما تقول كده علي الطبيبات
وبلاش الست تبقا طبيبة علشان جاهلة وغبية وتفهم ايه دي
وترجع تقول للرجال ماتودوش ستاتكم لدكاترة رجال علشان حرام شرعا
حلها لي بقا
هتجيب منين ستات دكاترة لما هتقعد الست ماتتتعلمش
وتبقا طبيبة علشان غبية ومش بتفهم حاجة
اعقلها كده
سؤال هل يسمي المصريين ابو اسحاق والحويين يعني هل هو مصري
المصري بطبعة من قديم الزمن يوقر وبحترم المراة
وفي الريف المصري من فرط احترام المراة تنعت بالجماعة
اول مره اشوف شيخ يشتم امه واخته وبنته وعمته وخالته وبنات اخوته وبنات .......الخ
ولو كنت فظا غليظ القلب لأنفضوا من حولك
الالفاظ سعد ياشيخنا
=====
واكرر اعتذاري اني مش بعلق عند حد او ارد علي التعليقات
يادوب بقدر انشر البوست
وبشكر كل اللي بيتبعوني
ولاتنسوا اللاب توب من الدعاء
=====
توفت الي رحمة الله تعالي والدة فوكس لوجي صاحب مدونة الكيت كات
اسكنها الله فسيح جناته

هناك 11 تعليقًا:

الازهرى يقول...

لو عايزة رأيي
فى الشيخ الحوينى
فيكفى إنه صاحب فتوى الخروج على الحكم لما كنا فى التحرير
وبعدها قال إن تعليمه للناس هو والمشايخ هو اللى صنع الشباب على مدار سنين لحد ما قاموا بالثورة

أما بخصوص رأيي فى المرأة
إحم
بلاش أحسن

بدل البوست الجاى ما يبقى عنى

MR.PRESIDENT يقول...

ربنا يهدي الجميع

rack-yourminds يقول...

سيدتي ما اجمل ان نقرا لشيوخ وعلماء اجلاء فهموا الاسلام وحببونا فيه امثال الشيخ محمد الغزالي رحمه الله والشيخ القرضاوي شفاه الله وغيرهم من مدرسة الامام محمد عبده

ميرا ( وومن ) يقول...

انا أبو إسحاق الحويني ده مش برتاحلة من زمان

الا هو قال الكلام ده فين ؟؟

دعاء العطار يقول...

البقاء لله وربنا يرحم جميع موتى المسلمين

.............

دين الإسلام أجمل مافيه الوسطيه

ومفيش دين وقر المرأه واحترمها زى مافعل ديننا المجيد

عارفه

أنا والله ساعات بحس انهم بيسيئوا للإسلام لما بيقولوا كده

الاسلام برررررىء من هذه العباءه السوداء التى يظهروره بها

كالعاده هختم التعليق ع البوست

بالدعاء للاب توب سيادتكم الموقر

ربنا يقومه بالسلامه (:

أحــوال الهـوي يقول...

كنت في صلاة الجمعه هنا بالرياض و كانت خطبة الشيخ عن سياقة المراة للسيارة و كيف انه فسق و فجور و يستشهد بايات و احاديث لا تنطبق علي ما يقول ..... اراد ان يشرع شئ موجود في عادتهم البدوية و يلبسه عباءة الاسلام و الدين ليثبت موقفه و في الغد القريب اذا اباح ولي الامر سياقة المراة سيقف نفس الشخص ليطوع بعض الايات لخدمة الراي الجديد

فيا ايها الناس لا تخلطوا الدين باهواءكم فتظلمون الدين و تنقصوا من قدره

شكرا لمقالك الرائع

تحياتي

تامر علي يقول...

طبعاً الخطاب العام له اصول ومبادىء
وربنا يرحمنا

ذو النون المصري يقول...

لو كان الشيخالغزالي رحمه الله حيا ما تركه
لانه ما كان يسكت عن اخطاء المشايخ ابدا و جميعهم يتحدث دون حرج منذ ان مات
للشيخ الغزالي رحمه الله كتاب بعنوان قضايا المراة بين التقاليد الراكدة و الوافدة
كتاب رائع بحق في مجاله

ذو النون المصري يقول...

رحم الله ام الاستاذ صاحب مدونة الكيت كات
و ربنا ينتع اللاب توب بالسلامه

حاتم عبدالفتاح يقول...

الشيخ الحويني ينتمي لمدرسة هي بالفعل تنتهج التشدد وتضعه علما على فقهها.
رغم ادعائها الوسطية.
ولذا فليس غريب أن يصرح بهذا القول الذي هو في قرارة نفسه الحق الصراح
ربنا يهدينا ويهديه

engy يقول...

بجد عنك حق المشكله ان ناس كتيير اوى بتتكلم باسم الدين
والدين طبعا برىء منهم
بس اكيد هتلاقى فى كل الديانات التانيه