الخميس، 9 يونيو، 2011

تدوين الثورة

انبسطت جدا ان في لجنة متطوعة تبع وزارة الثقافة
بتتشكل علشان تسجيل الثورة من جانب المشتركين الفعليين
وكنت كتير لما اعلق عند حد كاتب عن الثورة اقول له اكتب مذكراتك عن الثورة قبل ماالتفاصيل الدقيقة الجميلة تتنسي
ياريت نعمل عشر ايام من شهر التدوين كلنا نكتب عن الثورة
سواء من شارك اوحتي من لم يشارك يكتب مااشتركش ليه
وهحاول ادخل الجروب علي الفيس اطرح الفكرة
ولوعجبتكم ان شاء الله نبتدي فيها من يوم 11يونيو الي 22
وياريت لو حد يعرف لينك الحملة بتاعت وزارة الثقافة للتسجيل للثورة
يكتبه لي في التعليقات علشان ان شاء الله لما اللاب توب يتصلح ادخل واشارك
وبالنسبة للأب توب الحمد لله تم انقاذ كل الملفات واليوم سيتم الاصلاح الفعلي اللي هيقول هنغير الهارد ولا هنغير اللاب نفسة
ونستمر في الدعااااااااااء
:))

هناك 15 تعليقًا:

SHAPE YOUR LIFE (ABOALI) يقول...

وانا مستمر معك فى الدعاء

لعلنا نصل الى ثورة النفوس

فنكون كل يوم فى ثورة للبناء والغيرة على هذا الوطن وتحويل ثورة الكلام الى ثورة افعال

كل التقدير

Tamer Nabil Moussa يقول...

كل ثورة وليها توابع

وان شاء الله القادم احلى واحسن

تغير الجهاز بعد فقدان الامل افضل شىء

مع خالص تحياتى

ماجد القاضي يقول...

السلام عليكم

الفكرة ممتازة.. وبصراحة طالبت بيها أكثر من واحد كتبوا بوستات مبعثرة هنا وهناك... جميل أن يتم استكتاب الناس في محتوى واضح المعالم..

لكن أرى حتى لا نشتت الناس اللي في حملة 30 يوم تدوين.. نشجعهم بأن تكون الـ10 تدوينات الثورية جزء من الـ30... ليه لأ؟!

تحياتي.

فتاه من الصعيد يقول...

حمله جميله فعلا :)

يا رب الكل يشارك :)

Ramy يقول...

أن شاء الله

أكتب حاجة عن الثورة

فى الأيام اللى جاية

rack-yourminds يقول...

منتظرين ما سوف تكتبينه

سبايدرمان يقول...

فكره حلوه
و انا هتباع الى انتي هتكتبيه ان شاء الله
بس للأسف انا مش هبقي فاضي في الفتره دي عشان اكتب
لأن عندي امتحانات
ادعيلي ^_^

شمس النهار يقول...

* SHAPE YOUR LIFE (ABOALI)

شكرا علي دعواتك
:))
عارف الجميل في الثورة الجميلة دي ان الناس شغاله في كل اتجاه
ناس بترغي وبتلك وناس بتجري وتشتغل علي الجرحي والعشوائيات
وناس في البحث العلمي
وناس شغالين في السياسة...الخ
وناس ربنا يهدهم شغالين فتن وخراب

شمس النهار يقول...

Tamer Nabil Moussa

:))

لا مش هنغير الجهز ان شاء الله يخرج من الانعاش
:))

شمس النهار يقول...

* ماجد القاضي

وعليكم السلام ورحمة الله وبركاته

لحد دلوقتي ماحدش استجاب ولا اتفقنا

المدونين لازم يكون لهم مدونة يلموا فيها حكايتهم عن الثورة

شمس النهار يقول...

*فتاه من الصعيد

مافيش حد عمل حاجه ولا اتفقوا حتي

وزي ماقال الاستاذ ماجد ياريت تكون ليه لأ
:))

شمس النهار يقول...

* Ramy

ياله يارامي شد حيلك
وهستني البوست

شمس النهار يقول...

* rack-yourminds

ان شاء الله هعمل مدونة للثورة

انشر فيها الصور واكتب عن الثورة في نفس الوقت

شمس النهار يقول...

* سبايدرمان

خلاص نستني لما تخلص امتحانات
:)))
ان شاء الله بالتوفيق وامتيااااااز

maxbeta3zaman يقول...

والله فكره انا انا الثوره دى جاءت معى علاى هيئة احساس غامض قبلها بشهر تقريبا وكنت فى السويس فى عمل وعدت من هناك فى ديسمبر مملوءا بحماس غريب اخذت ابخث عن الناشيد الوطنية القديمه لعبد الوهاب واستمع لها بصوت عال ثم دونت عدة تدوينات عن هذا ثم قامت ثورة تونس فخطر فى بالى فانتازيا خياليه عن كيفية اندلاع الثورة بالعدوى واسميتها عدوى الثورة وارسلتها بالبريد وقتها لكل اصدقائى ثم قامت الثورة الفعلية فملت الدنيا ابياتا من الشعر لحقت بعضه فى المدونة والبعض الآخر فى الفيس بووك وحاليا يعكف احد أقاربى على جمعها فى كتيب الثورة اهم مافيه وسيطبعه لى على سبيل المجامله