السبت، 25 يونيو، 2011

اتكلمي +تحدييييث هاااااااااام:))))

عملنا اتكلمي
عملوا اتكلم
والمدون ابراهيم رزق صاحب مدونة سالزياد دخل عرين الاسد وكتب
البوست ده
وانا بهدي النفوس وبنصح بنات البلوجر يدخلوا يجاملوا في البوست ده
وياريت يق
روا التعليقاتارتباط
:))
================
اكتشفت بالصدفة ان في حملة اتكلمي
اي فضفضي
انا مش عايزة اتكلم ولا افضفض
حاسة ان اللي بيحصل للستات في مجتمعنا العربي بقا اكبر من الكلام
وكل ست فينا او بنت اللي جواها اكبر من الكلام
يمكن في ناس بتعرف تعبر وتتكلم
وفي ناس زي كتير اللي جواها بيكون اكبر من قدرتها علي الكلام
انا مش بقول غير حسبي الله ونعم الوكيل فوضت امري اليك يارب
وكتير من الناس بتفتكر ان حسبي الله ونعم الوكيل ده دعاء علي حد
بالعكس ده الانسان بيقول انا حسبي الله مش العبد انا بوكل ربنا في امري مش العبد
ونشوف كده كل من قالها ربنا اعطاه ايه
ونشوف هنا كمان
======
" حسبي الله و نــِـعم الوكيل "

دعاءٌ قاله المسلمون يوم أُحد
{ فَانْقَلَبُوا بِنِعْمَةٍ مِنَ اللَّهِ وَفَضْلٍ لَمْ يَمْسَسْهُمْ سُوءٌ وَاتَّبَعُوا رِضْوَانَ اللَّهِ }
و ثبتهم الله رغم الجِراح

==
وهو ده اللي انا مؤمنة بيه اني لما اقولها ربنا بيعطيني نعمة ماتخطرش علي بالي وبحس اني لما بقولها وبصبر
فعلا بنول اتباع رضوان الله
وبحس بالرضا دائما
هو في اجمل واقوي وانفع من الانسان دائما يكون وكيلة الله
القوي المتين الحق المنتقم الجبار العليم الغفور الفتاح الرزاق
مالك الملك ذو الجلال والاكرام
===
هي دي فضفتي ومشاركتي في اتكلمي

هناك 26 تعليقًا:

تامر علي يقول...

من كان الله حسبه فقد كفاه ما اهمه
جميلة جداً واكثر تعبيراً من أي كلمات مهما بلغ عددها او بلاغتها

سواح في ملك الله- يقول...

لااله الا انت سبحانك اني كنت من الظالمين

كلنا حسبنا الله ونعم الوكيل

تحيتي

Tarkieb يقول...

ومفيش احسن من كدة

Foxology يقول...

ما أجمل تفويض الأمر لله ؟

هو الوحيد القادر على ايجاد وتفعيل الحلول عندما تستعصى على أهل الأرض جميعا ..

تحياتى

شمس النهار يقول...

*تامر علي
اهلا بيك وحمد الله علي السلامة

وشكرا علي تعليقك اللطيف

شمس النهار يقول...

*سواح في ملك الله

من توكل علي الله فهو حسبه

شمس النهار يقول...

*Tarkieb

طبعا الا بذكلا الله تطمأن القلوب

شمس النهار يقول...

*Foxology

الله هو الوحيد القادر علي اصلاح القلوب

ومفرج الكروب

لـــولا وزهـــراء يقول...

ست الكل اجمل شمس فى الدنيا كلها

" الا بذكر الله تطمئن القلوب "

لما كنت اسمع من ماما جملة ربنا يدى كل انسان على قدر نيته اقولها يا ماما انتى بتدعى على الناس تقولى لا ربنا يجازى كل انسان بقدر عمله

كمان حسبى الله ونعم الوكيل مش دعوه ولكن عباره عن توكيل من الانسان لله عز وجل وهل هناك افضل من الله نوكله فى كل اعمالنا

دمتى بكل خير وسعاده وحب


زهـــــراء

حاتم عبدالفتاح يقول...

حسبي الله ونعم الوكيل فبها ونعم

شمس النهار يقول...

*لـــولا وزهـــراء

كلام والدتك صح الصح
ربنا يدي كل واحد علي قد نيته

وربنا رب قلوب
ومطلع علي السرائر

شمس النهار يقول...

*حاتم عبدالفتاح

حسبي الله ونعم الوكيل

بتريح كتييييير

فتاه من الصعيد يقول...

ربنا ع الظالم :)

بس الفضفضه دي اختراع فاشل اصلا :) .... الواحد يفضفض للي خلقه احسن :)

مصطفى سيف يقول...

بصراحة انا اللي مستغربله الحملات اللي زادت اليومين دول
ده بقت ولا الحملات الفرنسية او حملة فريزر
والله اللي بين الراجل والست مش مستاهل كمية الحملات دي كلها
لان كل طرف لازم يقتنع ان له حقوق وعليه واجبات للطرف الآخر واللي يقصر في واجب من الواجبات دي يبقى زي ما قلتي حضرتك
حسبي الله ونعم الوكيل
تحياتي

شمس النهار يقول...

*فتاه من الصعيد
ربنا علي الظالم والمفتري

:))

الفضفضه شئ جميل بس مع حد تثقي فيه
بس اجمل فضفضه بتكون لله اللي اصلا عالم بالحال فنخلي الفضفضه لله في شكل دعاء

شمس النهار يقول...

*مصطفى سيف

عارف ليه علشان احنا حدنا عن الحق

لو رجعنا للحق في شرع الله
ومشينا صح علي شريعتنا الصح
وكل انسان عرف ان حقه محمي بتطبيق الشرع
ماحدش كيحتاج حملة اتكلموا
ولا محاكم الاسرة:))))

دعاء العطار يقول...

بستريح جداً لا بقولها

" حسبى الله لا اله الا هو عليه توكلت وهو رب العرش العظيم "

ياسلااااام ع ده احساس لما يكون سندك

ربنااااا

هو فيه أجمل من كده ؟

(: (:

م/ الحسيني لزومي يقول...

شاكر لتهنئتكم
واطلب منكم الدعاء بالتوفيق
من اهم واقوي الاقسام داخل جماعة الاخوان هو قسم الاخوات.
وبالطبع يكون لها دورها في العمل من خلال الحزب

عندما تبعثر رسائلك يقول...

المدونه شمس النهار انا همسح تعليقك عندى واى كلمه كتبتها تكون ضيقتك وبتأسفلك لو فيه كلمه صدرت منى من غير ما اقصد شىء او اقصدك شخصيااو احطك فى المشكله لانى ماليش علاقه بيكى ولا انتى ليكى علاقه بيا وربنا هو العالم انى بكتب ومن الظلم اللى انا شفته والاذيه ممكن تكون طلعت منى كلمات من غير قصد فأنا بعتذرلك وهعدل اى كلمه تكون ضيقتك فى شىء ودا مش خوفا منك او من اى حد لكن انا مش عايزه الموضوع يتفرع ويبقا فيه مشاكل تانيه لان الموضوع منى ليها وربنا هو الحكم عليه ولا اى حد من المدونين علشان الموضوع ميتفرعش لمشكلات تانيه مع اى حد

خالتى بمبة يقول...

اللهم انت حسبي ونعم الوكيل نعم المولى ونعم النصير

شمس النهار يقول...

*دعاء العطار

عارفة سورة التوبة ابتدت من غير مانقرا بسم الله الرحمن الرحيم علشان كانت شديدة
وانتهت باايه بحسبي الله

الكمة عظيمممممة يادودو

ازاي نلجئ للعبد وربنا هادينا كلمات جميلة مطمئنة كده

شمس النهار يقول...

*م/ الحسيني لزومي

ربنا يوفقك لما فيه نصرة الحق وخير البلاد

وياريت حضرتك تلقي الضوء علي قسم المراه في الحزب

علشان التوضيح
وخصوصا ان اغلب الاعلام الان غير صادق امين

شمس النهار يقول...

*عندما تبعثر رسائلك

ابنتي ان تمسحي التعليق ده شئ انتي حرة فيه المهم ان تكوني قريتيه كويس

وانا يعز عليا ان اتنين في البلوجر يختلفوا فااحدهم يستخدم المدونة للنيل من الاخر
وزي ماقلت لك في التعليق ممكن تكون خيخة بتكتب بحرية شوية بس هي حرة دي مدونتها تكتب فيها اللي هي عايزاه
واللي بينكم تصفوه خارج البلوجر

ومااعرفش انتي ليه حسيتي اني زعلت
انا زعلانه عليكي علشان الدنيا فيها كتير ومواقف مفزعه وموجعه كتير لو وقفنا عندها وركزنا فيها اوي كده مش هنخلص
وخصوصا ان ربنا في كتابه العزيز قال لنا (الاتحبون ان يغفر لكم)
حاولي تنسي اللي جري بينكم اللي ماحدش عارف ايه هو
وركزي في انك تكتبي تدوينات وتشوفي حياتك وتركزي في مشكلتك الاساسية
وربنا بفضله وكرمه هيوفقك وينسيكي
ويعوضك خير
وواضح انك بتكتبي بطريقة جيدة
ياريت تنشري بوست عن اي حاجة تانيه وتيجي وتحطي اللينك علشان اروح اشوفه
واعلق بنقس كده

ربنا يريح قلبك ياابنتي ويهديكي للصواب

شمس النهار يقول...

*خالتى بمبة

اهلا بيكي

زرت مدونتك لاقيتها لطيفة جدا
ماشاء الله

وان شاء الله مش هبطل ازورها ابداااااااااا
:))

♥نبع الغرام♥♪≈ يقول...

لااله الا انت سبحانك اني كنت من الظالمين

كلنا حسبنا الله ونعم الوكيل عليها توكلت

تحياتى غاليتى

tarek momen يقول...

اتكلمي
يبقي مشض انا
لو قلتي اتكلم
هابقي اتكلم