الجمعة، 10 يونيو، 2011

الموجز


زارتني والدتي وجايبالي معاها جريدة اسبوعية غريبة جداااااااااااا
اسمها الموجز
بصراحة مسلية جدا عاملة زي خالتي بمبه
كلها لوك لوك
حكاوي في حكاوي
:))))
حكاوي من النوع اللي بيحبه القارئ المصري
من عينة القيل والقال
ومن عينة نشر احاديث تتم بين الجدران
مااعرفش الجرايد دي بتعرف الحوارات العوائلية دي ازاي
عايزة انشر لكم بعض منها علشان مابقاش نميت لوحدي كلنا ننم مع بعض
:))
هند الفاسي:قالت لصفوت الشريف :قول لزكريا عزمي بتاعك طظ فيكم انا بصرف علي دولتكم
علاء مبارك:شقيق الرئيس الجزائري حرمه من 10 ملايين دولار عمولته في صفقة اسلحة فرد عليه باشعال الحرب مع الجزائر
مبارك:تفاصيل الحفلات التنكرية في قصر مبارك
اييييييييييييييه رأيكم اكمل ولا كفاية كده؟؟؟
مش عيب كده ولا ايه احنا خلصنا فضايح نجوم الفن دخلنا علي فضايح السياسيين
مش نفوق بقا هي الثورة ماغيرتش الصحف دي لسه
ماتتلموا وخلونا نفوق لبناء البلد
وبناء ديمقراطية سليمة هو احنا هنلاقيها من مين ولا مين؟؟
عايزين ليه تسطحوا المواضيع وتلهونا عن اللي احنا فيه
ربنا يهدي

هناك 14 تعليقًا:

سواح في ملك الله- يقول...

عالم فااااضية يااابا

موراهمش حاجة

هههههه تحياتي

Ramy يقول...

على فكرة كل العالم
فيه نوع الصحافة دى

بس عندنا بزيادة شوية

(:

تامر علي يقول...

الشيء الغريب
هو قدرة الصحف دي على الاستمرار

رغم اني مش بلاقي حد بيقراها :)

أحــوال الهـوي يقول...

يا سيدتي
الوقت هو وقت فضايح السياسيين و الناس متشوقه لهذه الاخبار

خلاص نعمل جريده ترضي الناس


هههههههههه خالتي بمبه مجازين

تحياتي

tarek momen يقول...

صحافة صفراء و تجد من يحلو له قراءتها دون تمعن في المصداقية..ميمكن تشوفي مين رئيس التحرير و مجلس الأدارة و انتي تعرفي اهدافهم ايه

rack-yourminds يقول...

الجرايد ديه للناس الرايقه اللي تحب تتسلي

فتاه من الصعيد يقول...

لا مسليه على فكره :)

دي بتفصل الواحد عن الواقع :)

شمس النهار يقول...

*سواح في ملك الله
فعلا عالم فاضية ورايقة
:))))

شمس النهار يقول...

* Ramy

ده مش شوية واحدة ده عشرين شوية

وكمان في برامج علي فضائيات زيها واكتر

:))

شمس النهار يقول...

* تامر علي

الصحف دي بتستمر لأسباب كتير
ان في ناس بتقراها وكتير جداااااااا
بدليل المبيعات

كمان سمعت ان ممكن حد عايز ينشر عن نفسه حاجه بيدفع تمن الريبورتاج بتاعه

وفي ناس مثقفه جدا بتقراها من باب التغيير بس بيخبوا انهم بيقروها
:))))

شمس النهار يقول...

* أحــوال الهـوي

:)))
عجبتني اوي خالتي بمبة مجاااازين

واخر صفحة يتكتب دع الخلق للخالق
:))))

شمس النهار يقول...

* tarek momen
عملت بنصيحتك ياحاج
ماعرفتش حد فيهم
:))
لارئيس التحرير ولا اي صحفي

شمس النهار يقول...

* rack-yourminds

ايوة الناس الرايقة الفايقة

بس دي تسلية غريبة جدااااا

شمس النهار يقول...

* فتاه من الصعيد

ايوة فعلا وانا بتصفحها حسيت اني فاصلة عن الحياة الواقعية وبناء مصر والانتخابات والاستفتااااااء

:)))