الأحد، 26 يونيو 2011

قهوة سادة


الفن الهادف يفرض نفسه
عرض قهوة سادة الراقي الجميل
اللي اتعرض في ساقية الصاوي من كام سنة
يندرج تحت معادلة صعبة للغاية
ازاي نعمل فن هادف يقول شئ ينتقد سلبيات المجتمع بدون خدش حياء المشاهد
يعني فن راقي رائع بدون ملل
وكان التحدي هنا بفنانين لا يعرفهم الجمهور
ومع هذا
العرض نجح نجاح ساحق
وده يثبت ان مقولة الجمهور عايز كده مقوله فاشلة
يعلق مروجي الهبوط الفني عليها نشرهم للعري والاباحية ليخربوا النفوس لجلب الفلوس
-------
اتمني في الفترة الجاية ان ينتبه
صانعوا الفن
للجودة ويتخذوا من قهوة سادة
منهج لهم
ويحترموا عقلية المتلقي
ويرحمونا من كليبات العري
والغندورة اللي صوتها مش حلو
وعايزة تعمل كليب وتغني
يرحموها ويرحمونا
ويكون عندهم ضمير شوية
---------
ورمضان علي الابواب
ياريت التلفزيون المصري
والفضائيات العربية
يتذكروا انه شهر عبادة مش شهر مسلسلات
ونرجع زي زمان
يحتل المسلسل الديني والتاريخي
الصداااارة
والبرامج الدينية المعتدلة ترجع تاني
والابتهالات الراقية اللي اتربينا عليها
وياريت يتعمل مليونية العبادة في رمضان
ماتلهوش الناس عن خير رمضان
صحيح كل واحد عقله في راسه يعرف خلاصه
بس الزن علي الودان مش حلو
والنفس اماره بالسوء
اللهم بلغنا رمضان

هناك 24 تعليقًا:

♥نبع الغرام♥♪≈ يقول...

وحشتينى كتير اجمل شموسه بالوجود


بضم صوتى لصوتك بكل شىء هادف


اللهم بلغنا رمضان

♥نبع الغرام♥♪≈ يقول...

ياريت فعلا يا شموسه يبقا الشهر دا للطاعات والقرأن بعيد عن المسخرة اللى بنشوفها كل رمضان

tarek momen يقول...

اللهم امين
و بالمرة بلاش مسلسلات مسلوقة عن الثورة سيبوا الثورة بطهارتها و قدسيتها
مش ناقص اشوف مسلسل يطلع فيه تامر حسني من شباب الثورة و غادة عبد الرازق امه و عفاف شعيب خالته و بيقولوا له خد بالك من نفسك ياحبيبي في المظاهرة
يييييييعععععععععععع

Tarkieb يقول...

كل سنة وانت طيبة...ان شاء الله الناس حتسمع الايام الجاية بعد ماكنت بتشوف اغاني ...واكيد شغل المغنيات الحلويين كان موضة ولا يصح الا الصحيح

Bent Men ElZaman Da !! يقول...

آمين يارب
رمضان السنادى بيتهيألى هيختلف عن قبل كده
مش هيبقى فى مسلسلات كتير زى الاول عشان الثوره مفيش مسلسلات كتير اتعملت
الحمدالله ده هيبقى لصالحنا

لـــولا وزهـــراء يقول...

اللهم بلغنا رمضان واجعله شهر البركة والطاعة والغفران
ويارب يرجع زي زمان حلو وله مذاق خاص
حتى التلفزيون كان ليه هدف ايام زمان

لولا

مصطفى سيف يقول...

مسرحية قهوة سادة كانت فعلا مسرحية في منتهى الروعة وكانت هادفة حقا تنتقد المجتمع وما فيه
لكن رمضان يختلف فالشيطان يلعب برؤوس المنتجين والمخرجين والمؤلفين ليخرجوا بالمسلمين من دور العبادة وينسوا الشهر الفضيل
عن نفسي مقاطع لكل المسلسلات سواء في رمضان او غير رمضان لانها اصبحت مجرد سبة للاعلام ولا تبتغي شيئا هادفا
اللهم بلغنا رمضان وارزقنا خيره وباعد بيننا وبين المعاصي
تحياتي

Tamer Nabil Moussa يقول...

كلامك رائع شمس

وانا اتمنى الخير والاصلاح فى كافة المجالات عشان الحياة تفضل جيدة ومنبع خير لينا

تسلم ايدك

مع خالص تحياتى

Tamer Nabil Moussa يقول...

كلامك رائع شمس

وانا اتمنى الخير والاصلاح فى كافة المجالات عشان الحياة تفضل جيدة ومنبع خير لينا

تسلم ايدك

مع خالص تحياتى

ماما أمولة يقول...

مساء الجمال على أختي الغالية صاحبة الحس الراقي

الحمد لله أنا في هذا الشهر لا اقترب لا من نت ولا من تلفزيون وأجعله لله لعله يتقبل منا اللهم امين

دمت يكل الخير

givara يقول...

انا اول مره شفت قهوه ساده كان على قناه اسمها القاهره والناس تقريبا بتشتغل فى رمضان بس على حسب ما افتكر
عجبنى اوى النص
وعجبتنى الفكره
اننا صرنا نشرب قهوه ساده على ما كل هو اصيل ومحترم
جريت على النت
نزلت المسرحيه
وشفتها تانى
نص جامد جدا
كل المشاهد كانت وبجداره ماستر
كل الحركات
حتى الأيفهات ماستر
نص بجد هايل
وفعلا قتل جملة الجمهور هو اللى عايز كده
اللهم بلغنا رمضان

شيرين سامي يقول...

أنا مشوفتش العرض بس أنا مع اننا نشجع وجوه جديده بتقاليد و مفاهيم مختلفه عشان يبقى فن بجد مش كل عري و اباحيه تبقى رُقي...تخيلي حضرتك مدون مشهور منزل على الفيس صور عريانه لبنات مصريات من حوالي 100سنه أو أكتر و فاكر ان ده كده الفن و ان المصور ده عبقري زمانه بجد حاجه تقرف...

تحياتي لحضرتك و رمضان كريم على الجميع

سواح في ملك الله- يقول...

الحجة غادة عبد الرازق

عامة مسلسل في رمضان

الظاهر كده حد مسلطها علينا

هههههههه

تحيتي

شمس النهار يقول...

*♥نبع الغرام♥♪≈

اهلا اهلا بالغايبين الغاليين

انتي يابنتي كنتي فين

يارب تكوني بخير

وحشتيني ووحشتني اشعارك

شمس النهار يقول...

*tarek momen

ايه ده ياحاج
ده انت طلعت سيناريست خطير اهو

:))))

شمس النهار يقول...

*Tarkieb

مازمان كانت المغنية حلوة وصوتها حلو وماشفناش العري ده

ماشفتش ام كلثوم اتعرت يعني

شمس النهار يقول...

* Bent Men ElZaman Da !!

نفسي رومضان السنة دي يكون من غير مسلسلات
قادر ياكريم

شمس النهار يقول...

*لـــولا وزهـــراء

اللهم بلغنا رمضان

وفعلا حاسة ان رمضان السنة دي غير قبل كده

شمس النهار يقول...

*مصطفى سيف

عندك حق

بس انا مش مقاطعة حاجة
لكن ماعنديش طهقان اتفرج علي مسلسلات اصلا
بأفضل اني اعمل اي حاجه تانيه
والمسلسلات التاريخية بيبقا نصها غلطات يافي السرد يافي الديكور
بعملوا ديكورات وملابس لاتنتمي للفترخ التاريخيه اللي بيتكلم عنها المسلس
فابيتحرق دمي

شمس النهار يقول...

* Tamer Nabil Moussa

شكرا ليك ياتامر

وعايزة اقولك ان الاعلام والفن هو نبض الشارع
يعني دلوقتي مين البطل الحقيقي في معركتنا الان
هو الاعلام سواء المقروء او المسموع

شمس النهار يقول...

*ماما أمولة

اهلا اهلا ياجميلة

ربنا يكرمك ويبلغك رمضان وتنولي الغفران

ودمتي صديقة عزيزة

شمس النهار يقول...

*givara

ماقناة القاهرة والناس بتاعت طارق نور

وهو الراعي للمسرحية

وممكن تديني اللينك اللي انزل منه المسرحية

شمس النهار يقول...

*شيرين سامي

انصحك تشوفي المسرحية
ماشاء الله رائعة

وفي ناس فاهمه ان الحرية في الفن اباحية

رمضان كريم

شمس النهار يقول...

*سواح في ملك الله

وهتتجوز مين بقا السنة دي

:))))

ربنا يهديهم ربنا مسلط عليهم نفسهم