الثلاثاء، 14 يونيو، 2011

الامثال الشعبية

في حياتنا الكثير الكثير من الامثال الشعبية اللي حافظنها
ماتيجوا نخرج من السياسة
والانتخابات والثورة المضادة ونكتب مع بعض البوست ده
كل حد عارف امثال يكتبها في التعليق
وادي اول مثل
يامأمنة للرجال يامأمنة للماية في الغربال
:)))
الاغنية دي بقالي كتييييييييير ماكنتش سمعتها
وانا بنقل الملفات من علي اللاب توب لاقيتها
اغنية لطيفة جدا


هناك 25 تعليقًا:

Ramy يقول...

يعنى

اول مثل يبقى كدة

حرام بأمانة

.................
الأغنية جميلة

بالرغم انى مش معجبيها

.........................

اللى ميشفش من الغُربال يبقى أعمى

سواح في ملك الله- يقول...

كان لية واحد صاحبي

اكير مني بحوالي اربعين سنة رحمه الله كنا بنلعب مع بعض طاولة وطول محنا قاعدين يقول لي امثال

يعني مثلا ((اللي ميخافش مايخوفش ))
(احذر عدوك مرة واحذر صديقك الف مرة )

وامثال كتيرمش متذكرها دلوقتي
رحمة اله عليه

مصري جدا يقول...

هههههههههههههههههههه

ماهو لو الستات ناصحه يعملوا ايه بئا يسدوا فتحت الغربال ويامنوا براحتهن بئا


عشم ابليس في الجنه

ههههههههههههههههههههههههههه

SHAPE YOUR LIFE (ABOALI) يقول...

من بره الله الله ومن جوه يعلم الله
ان قابلك الاعمى كل عشاه انت مش احن عليه من اللى عماه (مثل من ولاد الحرام)
النظر للسما طاعة والنظر للارض حياه
والنظر لحواء هلاك

اكفى القدرة على فمها تطلع البت لامها

ان ماكنش ليك فى النت اكيد ليك فى الفيس بق

يا فاتح المدونة وقاعد تسالى بكرة الثورة تيجيلك وتبقى من الاعادى

فى الوش مراية والقفا سلاية

يا واخد القرد على ماله بكرة المال يروح والقرد فى طره لاند على حاله


صباااااااااااااح كل الخيرات للناس الجميلة

الازهرى يقول...

الشيطان أستاذ الرجل وتلميذ المرأة

يختبر الذهب بالنار وتختبر المرأة بالذهب

لم تنه المرأة عن شىء إلا وفعلته

إذا أردت ان تذيع أمرا فقله لإمرأة وقل لها أنه سر

آخر ما يموت فى الرجل قلبه وفى المرأة لسانها

لا تكف المرأة عن الكلام إلا لتبكى

من له بيت هادى ليست له زوجة

عندما تفكر المرأة بعقلها فاحترس

لا شجار بلا امرأة

الزوج الأصم أسعد الأزواج



البادى أظلم

لـــولا وزهـــراء يقول...

اللي بيته من ازاز ميحدفش الناس بالطوب

الاغنية جميلة

لولا

Foxology يقول...

حلو موضوع الأمثال ده ودايما المثل اللى بيرن ف ودانى :

سألوا جحا : عدّ موج البحر
رد جحا : الجايات أكتر من الرايحات

تحياتى

شمس النهار يقول...

*Ramy

هو ده يارامي اللي جه علي بالي وانا بكتب البوست
:))))))
بس مثل في الجون
جداتنا القدماء كانوا قارين الدنيا صح
:))))

شمس النهار يقول...

*سواح في ملك الله

رحم الله صديقك

بس عايزين كام مثل كده كل ماتفتكر مثل ادخل المدونة اكتبه

:))

شمس النهار يقول...

* مصري جدا

:))))
الغربال ممن يتسد بالعجينة ونأمن للميه شوية فيه لكن الرجل مايتأمنلوووووووووش ابداااااااا

وجدتنا زمان قالت
لاهيتك ماتلهيت والطبع فيك غالب وديل الكلب ماينعدل لو علقوا فيه قالب
:))))))))))))

شمس النهار يقول...

*SHAPE YOUR LIFE (ABOALI)
:)))))

:)))
عجبتني الامثلة الموضة دي

:)))))

صباح النور والامثال
:))

شمس النهار يقول...

*الازهرى

:))))
في ايه ياكابتن ازهري
مالك متعصب ليه؟؟؟؟؟؟

وبعدين انا قلت امثال شعبية
مش من اللغة العربية
او مترجمة من بتوع انيس منصور
امثااااااااال شعبية
من عينة جوه وبره فرشتلك وانت مايل وايه يعدلك
:)))))

شمس النهار يقول...

*لـــولا وزهـــراء

ده كله بيحدف كله دلوقتي

:)))
جميل ان الاغنية عجبتك كل اغاني ذكري جميلة

شمس النهار يقول...

* Foxology

ده معناه ان الجيات اكتر من الريحات

:))
مثل واحد بس يافوكس فين الباقي

Haytham Alsayes يقول...

انتوا ليه كدة جايين علي الرجالة
علي فكرة في في الجنس اللطيف برضه يتخاف منهم ومينفعش نأمن ليهم
:)

بس عموما الاغنية جميلة
وفعلا محتاجين راحة من السياسة شوية


تحياتي

لـــولا وزهـــراء يقول...

يا صباح الفل على ست الكل اجمل شمس فى اجمل نهار....

بصراحه باعشق الامثال الشعبيه وعلى فكره هى بتوضح مدى ثقافة الشعوب ومش اقصد الامثال اللى منتشره فى مصر ولكن فى كل دول العالم هناك تنتشر الامثال الشعبيه ...
اكتر مثل باحبه جدا جدا وباطبقه فى حياتى كمان هو يجوز مثل غير معروف
" اللى ما يحطنيش كحله فى عينه ما استعناهوش مداس فى رجلى "

اللى بيته من ازاز مش يغير هدومه فى الصالون ^_^

على اد لحافك مد رجليك

فى مثل فرنسى بيقول ان الشيطان يحتاج عشر ساعات لكى يخدع رجل والمراه تحتاج ساعه لكى تخدع عشر رجال ^_^

فى مثل فرنسى كمان بيقول ان النسمه الى تطفئ الشمعه هى نفسها النسمه التى تزكى النار وكذلك الفراق فانه يقتل الحب التافه ويغذى الحب االعميق

نرجع للامثال المصريه
الندل ندل ميت وهو حى حضوره يشبه غيابه زى الترمس النى

فى مثل صينى بيقول ليس للنفس سر لا يظهره تصرف صاحبها

كفايه امثال كده النهارده معلش وجعت دماغك بس بصراحه باعشق موضوع الامثال الشعبيه

كل الامنيات بالسعاده لكى ولكل احبابك

زهــــــــراء

ليس فقيرا من يحب يقول...

هههههههههههه مساءك سكر يا شموسه

خدى عندك

الدار دار ابونا والغرب بيطردونا

تيتى تيتى وزى ما روحتى زى ما جيتى

يا واخد القرد على ماله يروح المال ويفضل القرد على حاله

الباب اللى يجيلك منو الريح سده واستريح

قليل الاصل لا تعاتبه ولا تلومه دا عامل زى البقعه لا بيطلع برابسو ولا باومو

ههههههههههههههههههه اى خدمات يا حبيبتنا

Tamer Nabil Moussa يقول...

دة احنا ماشين بالامثال رغم ان ف امثال غير منطقية

ودول كم مثل كانو عندى على الجهاز

1- الشيطان استاذ الرجل وتلميذ المراة

2- ثق بامراتك مدام امك تراقبها


3- المراة كالحرباية تتلون كيفما شاءت

4- اللى متعرفشى ترقص تقول الارض عوجة

5- المراة فى الشارع عروسة وفى البيت جاموسة

6- اخر ما يموت فى الرجل قلبة وفى المراة لسانها

7- المراة شعر طويل وعقل قصير

8- اذا اخفق الشيطان فى الدخول الى مكان اوفد امراة

كفاية كدة ههههههه

مع خالص تحياتى

beautiful mind يقول...

اخر مثل سمعته كان من ايام
اربط الحمار مطرح ما يعوز صاحبه
ههههههههههههههههه
يارب يتفهم بس
تحياتي

شمس النهار يقول...

* Haytham Alsayes

طبعا طبعا مافيش شئ مطلق في كده وفي كده
بس النسبة هي اللي بتحكم
:))))

فين الامثاااااااال
:))

شمس النهار يقول...

* لـــولا وزهـــراء

زهراء تصفيق حااد ليكي

شكرا شكرا علي الامثال الجميلة

وخصوصا بتاع الكحل ده
:))))))

شمس النهار يقول...

* ليس فقيرا من يحب

:)))))))))

مش ممكن يارانيا ضحكتيني ضحك خصوصا موضوع الندل ده
:))))

استاااااذة بصراحة

انتي ازيك وغايبة ليه ومش بتعملي بوستات ليه جديدة
شكرا علي الامثال اللي بجد اثرت البوست

شمس النهار يقول...

*Tamer Nabil Moussa

ياتااااااامر عايزين امثال شعبية مش امثال لغة عربية من بتوع انيس منصور
:))))))

وكله ده كتمينه في قلبكم انت وازهري من ناحية الستات

:))))))

شمس النهار يقول...

* beautiful mind

يانهااار ابيض
انت ماتعرفش ان المثل ده منعوه من يوم ما اللامبارك اتخلع
:))))))

خلاص مابقناش نربط الحمار مطرح مابيحب صاحبه
بنربطه مطرح ما العقل والقانون والمنطق والحق بيقول

Haytham Alsayes يقول...

اه اتصدقي مفهمتش
هههههههههههههههه
عاوزة مثل ممممممممم
غلبت فيك والطبع فيك غالب وكملي انتي بقي ههههههههههههههه وطبعا بتتقال علي نوعية تيييييت من البشر