الخميس، 23 يونيو، 2011

اسلمي يامصر



مش مبسوطة من اللي بيحصل خاااااااالص قالوا استفتاء ناخد راي الشعب في تقرير مصير البلد علي التعديل في 8 مواد في الدستور وكانت النتيجة بنعم خلاااااص كده خلصت نحترم راي الاغلبية بنلتف عليها ليه ماهو لوعملنا كده ورجعنا في كلامنا هيبقا ده المقرر الجديد بتاع سياسة البلد وده مش في صالح الديمقراطيه اتعمل الاستفتاء علي شئ واتعمل اعلان دستوري بشئ تاني
معلش وماااااااااشي
بس برضوا لازم نحترم راي الاغلبية حتي لو اكتشفنا انه غلط نتكاتف كلنا اللي قالو نعم واللي قالوا لا علي اننا نصلح يعني بيقولوا مش هتنفع الانتخابات والبلد مافيهاش امن كده وايه يعني ننزل نحمي اللجان زي ماحمينا بلدنا باللجان الشعبية وايامها ماظهرش بلطجية ولاحاجة بيقولوا الاحزاب الجديدة مالحقتش تعمل حاجه
والاخوان وفلول الحزن الوثني هتسيطر علي مجلس الشعب مع السلفيين وهيعملوها زي غزوة الصناديق
طيب ماتتحركوا شوية وبدل المساطب والمكلمانات اللي منصوبة في الفضائيات تنزلوا الشارع للناس تروحوا القري والنجوع والحواري انزلوا للناس اللي هتنتخبكم واخرجوا من عزلتكم
خالوهم يشوفوكم ويسمعوكم ويعرفوا فكر تاني وناس تانية
والازهر والناس المعتدلة تصحح كده مع الناس
وينزلوا الشارع لتوعية الناس البسط
اء يعرفوهم الدين الصحيح في ايه حجج تاني
؟؟؟؟ ماينفعش نسقط في اول امتحان ديمقراطية وعلي فكرة معروف لكل اللي بيدخل مدونتي ان انا قلت( لا ) وحذرت من اللي بيحصل دلوقتي في البوست ده
ولكن كله الا انقسام الوطن
مش ناقصين عايزين نبني البلد
مش كفاية ماسورة المرشحين للرياسة اللي ضربت فينا
واللي لسه مش عارفين هنعمل معاهم ايه
وابتدوا يخبط
وا في بعض
حتي توفيق عكاشة بتاع الفراعين
قاعد بيقارن بينه وبين البرادعي
بيقول هو معاه دكتوراه والعبد لله(اللي هو توفيق عكاشة)
معاه
دكتوراه
الي اخر المقارنة المضحكة
ماعلينا
وده اخر المرشحين اللي عمل كمان صفحة لتأيده
تصدقوا فكرت اني ارشح نفسي وخصوصا ان بقا عندي خبرة من انتخابات النقابة
:)))))
))))
ربنا ييسر الاحوال
----------------
الخبر ده علي قد ماالقي الضوء علي مصر واللي بيجرا فيها
بس قلت في نفسي جت من الغريب وماجتش منك
هات لي منظمة واحدة ولا ح
تي جمعية تعاونية عربية
كرمت حد من المصابين او الشهداء
ماعلينا
----------
اما الخبر ده
بصراحة اول ما
عرفته الضهر قلت
لييييييييييييه؟؟؟؟؟
كدددددددددده!!!!!
ماتقبلو
هاااااااااا
ونبي نفسي اعرف ياريت حد يقول لي الراجل ده بيعمل ايه في الوزارة
--------------
والخبر ده خير اللهم اجعله خير
ياريت كل المجاالس المحلية تعمل زيهم
وافلح ان صدق
ور
ونا الهمه
----
----

هناك 7 تعليقات:

الازهرى يقول...

هييييييييييييييه

انا الأول

الازهرى يقول...

ما علينا من موضوع الدستور لإنهمعضلة البيضة ولا الفرخة الجديدة وأنا شايف إنه محطوط علشا يلهى الناس ونجح فعلا

الانتابات الرئاسية كتر مرشحيها
ومفيش مشكلة ما دمت متأكد إن الانتخابات نفسها مش هتتم السنة دى

المحليات
بلاش تشغلى بالك بيها
هتتحل بعد امتحانات الجامعات وانا قلت لك الخبر ده قبل كده حصرى من الأزهرى
زى خبر طارق المهدى

الجمل هيقال قبل 8 يوليو بأيام قليلة أوبعدها على أبعد تقدير

نيجى بقى لحته كمان حصرى من الأزهرى
الشرطة هيعاد هيكلتها آخر السنة

أى خدمة
ولا البى بى سى

سواح في ملك الله- يقول...

عايزة الصراحة

حضرتك كتبتي تقريبا من كام بوست كدة

انك شفتي شباب الاخوان بيتطوعوا عشان

ينظموا المرور وده تصرف ايجابي

وانا شفتهم بيحلوا ازمةالانابيب

وليهم ايجابيات كتير

لانهم مهمومين بالشعب

علي فكرة انا مش اخواني

لكن يوم مانتخب هنتخب اللي بينفع الناس

وانا شايف ان كل الاحزاب التانية

مقضيينها رغي وبس

mira@ يقول...

استاذه شيرين
كلامك جميل جدا
وبجد نفسي ده يحصل
بنفس حماس التحرير هنقدر نوصل مصر لبر الامان من غير كلاكيع المريسه اللي سايقها الكل دي
تحياتي

بسنت يقول...

الامر هو اننا صراحه لا نقبل رأي الاخر مش مهم مين الاخر بس دايما مش بنقبله

انا قلت لا بردوا فى الاستفتاء بس بعد الحملات اللى عملاها المصرى اليوم الجبهات والكلام دا مش موافقه ابدا بالدستور الاول بالرغم انى نفسى يكون الدستور الاول ولكن مش بالطريقه دى
طريقه لوى الدراع وهى فكره التوقيعات لان الاستفتاء اتعمل وخلصنا
د: علاء الاسوانى اقترح اقتراح شيفاه ممتاز هو ان الانتخابات الاول وبعدين يحطوا اللجنه التأسيسيه للدستور جزء من ترشيح المرشحين وجزء مساوى من كافه اطياف الشعبالاخرى بشرط نفس الفكره انهم جميعا نتوافق عليهم كدا هنريح الجميع

تامر علي يقول...

كده مش فاضل غير اني اترشح للرئاسة ومش هيبقى في ناس تنتخب :))

ربنا يهدي النفوس

لـــولا وزهـــراء يقول...

وابتدوا يخبطوا في بعض
حتي توفيق عكاشة بتاع الفراعين
قاعد بيقارن بينه وبين البرادعي
بيقول هو معاه دكتوراه والعبد لله(اللي هو توفيق عكاشة)
معاه دكتوراه
الي اخر المقارنة المضحكة
ماعلينا
................................
اما دا بقى شئ مضحك وكوميدي بشكل ياخبر ابيض
سمعت الفيديو بتاع المقارنة من كام يوم ومقولكيش هو ماله ده
حد مزعله ... حد يبسمل في ودانه

لولا