الأربعاء، 1 يونيو 2011

يااعلااااااااااامنا خالي بالك مش ناقصينك ونبي


اهو بيستفزوني اهووووووووووو
قلت ابعد عن السياسة يومين الاقي خبر معمول كده
اول ماقريت العنوان قلت اااااااااااااااااه
هنعسكر الوزارات بقا
ولما قريت المقال لاقيت ان الراجل هيقوم بالاعمال بس
يااعلاااااااااااااااامنا خاللي بالك مش نقصينك ونبي
http://www.youm7.com/News.asp?NewsID=४२५११८
تصدقوا علي مانشرت البوست العنوان اتغير
كان العنوان الاول
طارق المهدي وزيرا للأعلام بدلا من انس الفقي
واضح ان حد نبهم
ناس ماتجيش غير بال......
اهي دي عملوها زي وصف الجمعة اللي فاتت
المذيعة قالت حاشدة والقناة كانت كاتبة مظاهرات حاشدة
ولما الاخ شاهين اعترض شالوها
والدليل قالولواااااااااااااا
:))
اه يابلد لسه زي ماانتي
الاول ديييييييييش

هناك 22 تعليقًا:

راء يقول...

انا مش فاهمة اصلا مفيش دولة متقدمة فيها وزارة اعلام المفروض الاعلام ملهوش رقابة ووزراء من الاساس
!!

معلش متعصبيش نفسيتك مفيش حاجة مستاهلة :D

أمل حمدي يقول...

متزعليش يا شموسة ولا يهمك حبيبة قلبي

خدي اسمعي دي هديتي لك

http://www.d1g.com/a9waat/show/1993248

أنا - الريس يقول...

فيه خلل أصلا يا شموسه
الاعلام عايز تطهير
مجال الأعلام قذر مثل السياسة
والكل عارف
أنا بنت خالتي بما إنها كانت في
المجال ده قالت حجات لولا الحياء
العام كنت كتبتها عن الاعلامين

فيه ناس نضاف وفيه ناس زباله

اليوم السابع والوفد وبقي احيانا الشروق والدستور بيلعبوا علي مكاينة الاشاعات

المهم بروباجندااااااااااا
حتة الجيش يمسك الاعلام هتزود الطين بله
لانها هتطلع متشككين كتير

ربنا يستر علي مصر مش ناقصه والله

شريف صابر يقول...

السلام عليكم
اكيد احنا لسا زى ما حنا
يجب ان يكون التغير بداخلنا نحن
ولكن الاهم ان نتروى قليلا فى بعض الامور
تحياتى لكى

تخاريف مترجــِــمة يقول...

فعلا يا شمس معاكي حق خالص
انا منبهرة بحال الاعلام حاليا ^ــ^
حتى الصحف بقت بتهيس
تقرأي الخبر وحد يقولهم اثبتوا
يقولوا خلاص
غير الخبر يا عم !!!!!!!!!!
امال فين مكانة القارئ والمشاهد
احنا بتبعتر يا جدعان :)
:)
هدي اعصابك واعملي نفسك مش واخده بالك وخلاص
^ــ^

AHMED SAMIR يقول...

مش عارف ليه حاسس الشر برة و بعيد ان ما بعد انقلاب يوليو 1952 بيتكرر تاني
ربنا يستر

تامر علي يقول...

الاعلام لم يتغير قيد انمله (حلوه انمله دي؟ )
الاعلام معظمه منتفعين ومضللين وتبارات فاسدة لذلك لايمكن ان يتغير الا بتغيير جذري

تحياتي ونراكم غداً في بوست جديد

سواح في ملك اللــــــــــــــــــه- يقول...

طيب نجرب القيادات الجديدة
وبعدين نحكم
بلاش استباق الاحكام
تحيتي

فشكووول يقول...

عشان كدا انا بحزر وبقول خدوا بالكوا واخلصوا وانفدوا بجلدكوا وما تطولوش فى الموضوع احسن الموضوع بقى سمك لبن تمر هندى ..

عابرة السبيل يقول...

الوزارة ايه معناها ؟
هى اصلا ريحتها وسيرتها وحشه
وبعدين واحد فى الجيش ايش فهمه فى الاعلام ؟
ولو حتى بيفهم فيه
مهو فى وزارة ثقافه ولا هى مصاريف على الوزرا وخلاص

وطبعا لازم يبقو مبسوطين قوى

عاش الملك
مات الملك

البلد دى مش هتنضف ابدا طول ما اشبه الحرباء عايشين فيها

شمس النهار يقول...

*Alexchris123

اهلا بيك والحقيقة زرت مدونتك بس لاقيتها عايزة مجهود علشان الترجمة
بس ولا يهمك هنترجم وهنتواصل
:))

شمس النهار يقول...

*طالبة مقهورة ..درجة أولى

لا بيعصبوني وانتي داخلة علي امتحانات ومش ناقصين عصبية

:)))

الاعلام الان في مصر لاله قواعد ولا اصول ولا اي حاجة
قليل من الاعلاميين اللي ماشيين علي اخلاق المهنة

شمس النهار يقول...

*ماما امولة

شكرا ياجميلة علي الهدية

رقيقة وهديتك رقيقة زيك

شمس النهار يقول...

*MR.PRESIDENT

الاعلام لحد النهاردة لم تصل اليه رياح التغيير

التلفزيون المصري يدار بنفس الاسلوب

وان الجيش يدير الاعلام دي كارثة تانية

شمس النهار يقول...

*شريف صابر

في حاجات ممكن التروي فيها

لكن في حاجات ماينفعش
زي الاعلام ماينفعش اننا نقول واحدة واحدة
علشان ده هو لسان الثورة ماتبقاش انت في وادي واعلامك في وادي
زي التشتيت اللي حصل للمواطنين الايام الاولي في الثورة
اعلام جايب الكورنيش
والحقيقة حاجة تانية

شمس النهار يقول...

*تخاريف مترجــِــمة

:))

حبيبتي عملت نفسي مش واخدة بالي
وحطيت اغنية عاطفية
لاقيت الاخبار ورايا ورايا

حدش قال لنا مين الاخ طارق المهدي ده
؟؟؟؟

شمس النهار يقول...

*AHMED SAMIR

مش عايزة اقول كده

بس عارف زي الطالب اللي بيحل امتحان في البيت لما مايعرفش اجابة يروح يفتح الكتاب يقرا
انا عاملة كده
لما مابفهمش حاجة اروح علي جوجل واكتب ثورة 52المصرية وياتري عملوا ايه في الموضوع ده
الاقي في شبه كبير جدا
وخالي بالك ان الجيش منهجه في الحياة واحد وخططه خطط عسكرية قوالب يعني

شمس النهار يقول...

*تامر علي

دي حتي الانملة مشيت والاعلام مش عايز يمشي

صديقة اعلامية من داخل التليفزيون بعد الكراسي الموسيقية اللي عملوها في التليفزيون
قالت لي التليفزيون علشان يبقا كويس عايز يايتهد ويتبني من جديد
يايرشوا ماء نار يقضي علي اللي فيه ويجيبوا ناس نضيفة

شمس النهار يقول...

*sony2000

نوووووووووو

:))

شمس النهار يقول...

*سواح في ملك الله

فين القيادات الجديدة

علي فكرة مافيش قيادات جديدة هو علشان الناس مش عارفة مين اللي جوه التليفزيون
بدليل ان الشرفاء الي الان معتصمين
ولحد دلوقتي اسماء المعتصمين مش متقاله علشان من المشاهير
كل اللي عملوه انهم طلعوا الاصغر مكان الاكبر والاصغر ده كان مساعد الاكبر في كل مايصنع

الاعلام من الاشياء اللي ماينفعش الصبر فيها
الاعلام المصري تردي في 30 سنة تردي ماينفعش فيه صبر

شمس النهار يقول...

*فشكووول

هننفد بجلدنا نروح فين ياعمنا فشكول
دلنا بس

شمس النهار يقول...

*عابرة السبيل = ام بقلظ باشا

الاعلام بالذات يجب ان يحكمه شرف المهنة

وماينفعش يبقا وزارة

وفي نفس الوقت ماينفعش مايتحاسبش
علشان هو ده اللي بيقوم ويقعد الدنيا بالبلدي كده