الخميس، 2 يونيو 2011

الفنان سعد روماني

الزميل الفنان سعد روماني فخر الفنانييين المصريين التشكليين
احيا فن الميكروموزاييك
اللي هو في الاصل فن مصري اصيل
وياصبره بدل
مايعمل موزاييك عادي
لا
اختار الميكروووووووموز
اييك وبعد19 سنة عمل معرضه الاول
وهو المعرض الاول علي مس
توي العالم في فن الميكروموزاييك
وسافر بلاد بره يعرض لوحاته ويعلم بلاد الفرنجة في ورش عمل ازاي يعملوا لوحات الميكروم
وزاييك
الان الفنان سعد روماني له معرض
في الاسكندرية
في متحف محمود سعيد
اللي يقدر يروح م
ن اهل اسكندرية مايترددش
مش هيندم
اخر يوم في المعرض يوم 5يونية
التاااااااااااااااااني ان ديييييييييييش
:))

هناك 31 تعليقًا:

الازهرى يقول...

هيييييييييه

الأول من تانى

الازهرى يقول...

بخصوص المعرض

انا للأسف مستنى ناس وعدونى أروح معاهم
وخلو بى
وحاليا صعب أروح بسبب ضيق الوقت


****************************
بالنسبة لموضوع اللواء طارق والإعلام
لو افتكرتى هتلاقينى بلغتك الخبر قبل اليوم السابع ما تنشره
بشهرين

تحياتى ونتقابل الخدعة الجاية

tarek momen يقول...

معلهش للي مش متخصص الميكرو موزايك له علاقة بالميكروباص واللا الميكروويف
ياريت قليلا من الشرح و التفسير

rack-yourminds يقول...

المصري اذا توافرت له اجواء كويسه يستطيع أن يبدع في اي مجال

__

للاسف انا مش من اسكندريه

الاحلام يقول...

جميل شمس النهار لكن اختى العزيزه الفن له ناسه صعب على اى انسان ان يفهم لعة الرسام فتكون رسوماته عند مشاهدتها بدون اهتمام
تقبلى تحياتى الاحـــلام

شمس النهار يقول...

*الازهرى

اهلا ااااااااهلا

ماانت لو متابع كنت عرفت ان حالة سعاد ماكنتش تسمح اني اسبها
:)
اما اللواء طارق فاده شئ مايبشرش بخير
اذا كان اعترضوا علي كلمة حاشدة يبقا هيعملوا فينا ايه

شمس النهار يقول...

* tarek momen

لا هو من الناحية العائلية يعتبروا ولاد عم من ناحية الام
:)))))

الميكروووموزاييك ده ياحاج قطع صغيرة جدااااا من الزجاج الملووون
الفنان بيرسم لوحاته بيها
وهو فن في غاية الدقة والصعوبة

اي ميني ياحاج :))))
وهنضيفها علي البوست كمان

شمس النهار يقول...

* rack-yourminds

تصدق بقا ان هذا الفنان المبدع اللي بهر اه الفرنجة
مصر ماعملتلوش حاجه حتي معرضه فضلوا يحربوه فيه لحد مااخيرا اتعمل السنة اللي فاتت في مايو رغم انه اول معرض من هذا النوع علي مستوي العالم

ان شاء الله له معرض في القاهرة قريب هبقا اعمل له اعلان هنا

شمس النهار يقول...

*الاحلام

الحقيقة كلامك فيه جانب كبير من الصحة
بس الفنان سعد روماني لوحاته كلها مقرية ومفهومه
ولو رحت هتنبسط وتنبهر جدا

سواح في ملك اللــــــــــــــــــه- يقول...

باين عليه بارع
مصر مليئه بالمواهب
ولكن انظام البائد مكنش مخلينا شايفين
حاجة
وكان اعظم فنانيه
فاروق حسني ملك الشخبطة هههههه

شمس النهار يقول...

* سواح في ملك الله

فعلا هو بارع وهو الوحيد علي مستوي العالم

اما فاروق هو في كان زي فاروق دي نانسي غنتله مخصوص شخبط شخابيط

:)))))

حفيدة عرابى يقول...

تشكرات يافندم على المعلومات المفيدة والصور الجميلة قوى
لو كنت فى اسكندرية كنت اكيد هاهتم انى اشوفه

غير معرف يقول...

الفن ده شكله صعب على فكره :)

ربنا يوفقه

أنا - الريس يقول...

ربما تقولي عليا يا شموسة إني ضيق الأفق
بس أنا ضد الفنون التصورية

عابرة السبيل يقول...

يا طووووووووووله باله

طب مايكبر قطعه الزجاج شويه ليه بس التعب ده
ههههههههههههه

بس فنان فناااااااااان

r يقول...

جميل جدا
نفسى احضر معرض فن حقيقى ودا فن حقيقى وكمان صعب- نقول حلال على الاسكندرانيه الفن الجميل والبحر
ياريت لو فى صور تانيه حضرتك تحطيها بورتريهات

شمس النهار يقول...

*حفيدة عرابى

:)
الشكرلله ياحفيدة عرابي

ان شاء الله هيعمل معرض قريب في القاهرة هبقا اعرفكم

شمس النهار يقول...

*فتاه من الصعيد

فعلا هو من اصعب الفنون
ولازم اللي يمارس هذا النوع يكون متمكن وبيحب النوع ده

شمس النهار يقول...

* MR.PRESIDENT

كده يبقا انت حلال فيك لوحات الوزير الفنان فاروق حسني
:)))))

شمس النهار يقول...

*عابرة السبيل = ام بقلظ باشا

ماهو سر الحرفنه انه متناهي الصغر

:)))

ومن ناحية فنان فاهو فنان
:)))

شمس النهار يقول...

* بسنت

ان شاء الله لما يعمل معرض القاهرة هنشر هنا الموعد

ونروح كلنا

واغلب الصور موجودة علي النت اكتبي علي جوجل لوحات الفنان سعد روماني

دعاء العطار يقول...

مصر داااايماً ولااااده

كتير أوى فيها مبدعين وعندهم اراده واصرار وعند انهم يختاروا الطريق الأصعب وينجزوا فيه

تحياتى

MaNoOoSh يقول...

فكرتيني باللذي مضى يا شموسة

كان نفسي ادخل تصوير جداري..بموت في الموزاييك والزجاج المعشق

بس اصرو في البيت افضل تصوير زيتي

وياعيني على صبر الميكروموزاييك

ميرا ( وومن ) يقول...

مش عارفة ليه لما قريت الكلام ده جه في بالي شكلة وهو جنبة علب الزجاج الملون ومحني علي اللوحة بيرسم فيها بالملقاط

زي العمال الحرفيين اللي كانوا في خان الخليلي بشتغلوا نحاس وأرابيسك

زي الفنانين اللي عملوا جامع أحمد أبن طولون والقلعه وقصر الجوهرة وبيت السحيمي

زي عقاد عجوز محني علي القماش بيطرز فيها لأنها كسوة الكعبة

وكل الفنون اللي كانت مصرية أصلية وحرفية عالية وفن ومهارة ومبقتش موجودة لأسباب لا نعلمها

تامر علي يقول...

لوحة الحصان تحفه بجد ... خساره ان المعرض مش في القاهرة لكن أكيد هييجي دار الاوبرا انا كنت سمعت كده من فترة
انا عاوز اعمل فن اسمه الميكروميت
وهو فن عمل لوحات باللحمه وده هيلاقي قبول شعبي جارف :)

تحياتي

سعد رومانى يقول...

صباح الخير
انا سعد رومانى فنان المايكرو موزاييك
اولا انا بأشكر شمس النهار على نشر الموضوع و كمان بأشكر كل اللى كتبوا تعليقاتهم هنا - و احب اضيف عن فن المايكرو موزاييك انه فن ظهر فى عصر النهضة و كان بس بيتعمل مخصوص لملوك و أمراء و أثرياء اوربا و لم يكن متاح للعامة فرصه لرؤية هذا الفن و ايضا فى بعض الكاتدرائيات الفخمة - و الموجود منه حاليا قطع قليلة فى المتاحف العالمية -
و الرابط التالى به تسجيل تم لوكالة رويتر و عرضته محطة فويس اوف اميريكا
اتمنى ان تستمتعوا بمشاهدته

http://www.youtube.com/watch?v=WA-7Pqs1-Xk

شمس النهار يقول...

*دعاء العطار

في فمصر فنانين معروفين عالمين
وفي مصر ماحدش يعرف عنهم حاجه اصلا

شمس النهار يقول...

*MaNoOoSh

مانووووش انتي زوووومل فنون جميلة ولا ايه

ولو اه ماجيتيش الانتخابات ليه في النقابة
:))

شمس النهار يقول...

* ميرا ( وومن )

اهلا اهلا
ازيك واين انتي يافتاة

وعجبتني الصورة الجميلة اللي انتي كتباها في التعليق

ان شاء الله لما يعمل معرض في القاهرة نروح كلنا مع بعض

شمس النهار يقول...

*تامر علي

عارف لوحة الحصان دي كانت محطوطه في معرض عن الخيل فيه مش اقل من اكتر من 100 لوحة والكل كان مهتم باللوحة دي بس

وموضوع الميكروميت ده ماينفعش في مصر المصريين يعشقوا الهوبر مش الميكو

شمس النهار يقول...

*سعد رومانى

ياصباح الفل ياريس سعد

اهلا اهلا المدونة نورت ياريس

لاقيت هنا ازاي ياريس
:))
الخبر كمان نازل علي جروب مدونين علي الفيس وانت عارف الفيس اسرع من هنا
والناس اللي راحت منبهره
من نجاح لنجاح يافنان