الاثنين، 6 يونيو 2011

هيكل تااااااااااااااني

مش ممكن انت يااستاذنا
عمال تلطش شمال ويمين وتقول كلام وتقول عندي مستندات
وطلع ماعندكش لما رحت للنائب العام
:))
وبعدين وقعت المره دي مع مييييييييييييييين
مع الطيارين:))
وماادراك ماالطيارين دول عشرة عمر:))
اعتزاز بالنفس عالي يضرب كده علي المحطة اللي قبل الغرور بشويتين
علي حبة تركي عتيد
علي دمااااااااااااااااغ عالي وناشف يعني ضاربين علي صعايدة
دول ناس متنقية علي الفرازة
ومايحبوش حد يدوس لهم علي طرف
ومابيناموش ولهم تار بايت بره:)
تقوم تخبط فيهم!!!!!!!
اهم رفعوا عليك قضية
وطلعوا علي كل الفضائيات يتكلموا بعد سكوت دام سنين
ويردوا عليك
سلاااااااااام سلااااااح للجيش المصري اللي رفع راسنا في 73
ورفع راسنا في 25 يناير
ومش سلام لأي حد يقلل من عظمتك ياجيشنا
وللأسف مالاقيتش حلقة اخر الاسبوع علي اون تي في مع اللواء طيار الجواهرجي علشان تسمعوا الدرر اللي قالها ورد بيها علي هيكل
وكذلك مالاقيتش حلقة اليوم من العاشرة مساء والكلام الجميل اللي قالوه الطيارين الضيوف برضوا رد علي هيكل
بس ياريت ماكانوش طلعوا مع مني الشازلي اللي ماعرفتش تكون قد الحوار معلش الجيش بتاع الاعداد اللي وراها مانفعهاش المره دي
البوست الساااااااااااااااااااااااادس يامعين يارب
مع الاستمرار في الدعاء لللاب توب بتاعي يمكن ربنا يصلح الباد سيكتور تبعه
الا هو ايه الباد سيكتور اللي بيقول عليه جوز بنتي ده
:)))))

هناك 20 تعليقًا:

دعاء العطار يقول...

أهو كلله عمال يخبط فى كله

المفروض فعلاً ماحدش يقول أى كلام والسلام

وكمان مش مفروض نتكلم من غير مايكون فيه أى مستندات

ربنا يقوم لابتوبك بالسلامه (: (:

تامر علي يقول...

هو هيكل قيمة تاريخية بلا شك من حيث انه عايش احداث كثيرة بنفسه لكن هو توجهاته الناصرية على الصح والغلط بتخليني لما اقراله أو اسمعله لازم اشيك وراه :)
بالنسبة ببلبد سيكتور أخرته لاقدر الله هتغيري الهارد ديسك وخلاص :)
تحياتي

الازهرى يقول...

هيكل
أستاااااااااااذ

وبيتكلم ويضرب ويلاقى وهيطلع من البلاغ سليم
وبكره أفكرك

***************
الباد سيكتور
هى جزء معطوب من أقراص الهارد بتاع الكومبيوتر
وهنا عندنا حلين
الأول تحييد الجزء الميت ده ووضعه خارج نطاق التقسيم ويبقى كويس وحل ابن حلال
التانى التانى يبقى منتشر وهنا ارمى الهارد وريحنى دماغنا


ولا أراكم الله مكروها فى عزيز لديكم

أحــوال الهـوي يقول...

اعتقد الاستاذ هيكل لابد ان يعتزل لان تاريخه قد يتلوث بسقطاته المتتاليه

من يوم ما تبنته الجزيرة و هو في النازل بالرغم ان كتبه كانت مرجعي السياسي


تحياتي

ENG./ELSAYED,PMP يقول...

اتفرجت ع الجواهرجى ... البلد فيها شخصيات تتاقل بالدهب

سواح في ملك اللــــــــــــــــــه- يقول...

تعرفي يامدام شمس

هيكل ده قيمة عظيمة

المفروض يؤرخ لنا كل الفترة اللي عاشها بكل

صدق وحيادية

معلش هو لازم تبقي فيه هفوات

بس ده لايمنع عظمة هيكل ككاتب عالمي

تحياتي

جايدا العزيزي يقول...

سلاااااااااام سلااااااح للجيش المصري اللي رفع راسنا في 73
ورفع راسنا في 25 يناير

يسلم نبض قلمك يا ست الكل

طول عمرة جيشنا رافع رسنا

ما اروعك

تحياتى

rack-yourminds يقول...

قد نختلف كثيرا مع مايقوله الكاتب الكبير هيكل

لكن بلا شك فهو كاتب عالمي

همس الاحباب يقول...

مع الاسف بالرغم من كونه كاتب ومؤرخ عاش فترات مصر الحديثة من ايام الملك وحتى الان اضافة الى قربه من القرار السياسى فى تلك الفترات الا الهوى والانطباعات الشخصية ما زالت تحكم كتاباته واتجاهاته وهذه افة خطيرة فى الكاتب والمؤرخ
تحياتى

Unknown يقول...

السلام عليكم

صراحة أنا كنت سعيد باستدعاء هيكل على النحو وسعيد أكثر بالنتيجة لسببين:
1- للكشف أمام الناس أن الرجل ليس كل كلامه مسلم به.. وهو ما أؤمن به منذ زمن.
2- حتى يرتدع أصحاب الصحف الصفراء الذين لا يراعون الله فيما ينشرون من أكاذيب (طبعا لا أقصد أن منهج الرجل مثل هذه الصحف ولكن من باب اضرب المربوط...).

ربنا يقوم اللابتوب بالسلامة.

................
على فكرة (الباد سيكتور) دي معناها كلمة وحشة مش هقدر أقولها!!! :)
شوفي بقى جوز بنتك بيقول إيه على لابتوبك؟!! :)

بجد: الإجابة هي ما قال أخي (الأزهري).

شمس النهار يقول...

*دعاء العطار

مشكلة هيكل انه مش مصدق انه كبر وان المرحلة مش بتاعته
ولازم يحترم تاريخه

الله يسلم ان شاء الله خير

شمس النهار يقول...

تامر علي

هيكل مش بس توجهه ناصري ده عايز يعمل نفسه انه اللي كان موجه كل الاحداث
عنده جنون العظمة
واللي بيغظني موضوع المستندات دي
مافيش حد يبقا معاه مستندات لحاجات سرية الا لو سرقها

بيتم الان تغيير الهار ولله الحمد
:))

شمس النهار يقول...

الازهرى

طبعا هيطلع سليم والمحققين هيتعطفوا معاه اعتقد ان دي قرصة ودن له بيفكروه انه مايعملش بلبله ويقعد ساكت


وبيتم تغيير الهاااااااارد ياازهري
:))

شمس النهار يقول...

أحــوال الهـوي

مانصحكش ان هيكل يكون مرجعية سياسيه ليك
في احداث حضرها من هم في سني وتكلم هيكل عنها بشكل تاني خاااااااالص

يسعدني رجوعك البلوجر

شمس النهار يقول...

ENG./ELSAYED,PMP

طبعا ياباش مهندس البلد مليانا بالناس العبقرية مش بس كويسة
بس الاتجاه كان اننا نلغيهم ومايكونش لهم وجود

شمس النهار يقول...

سواح في ملك الله

مش هنختلف هيكل قيمة عظيمة بس مش محايد ومش بيؤرخ بشفافية زي اغلب المؤرخين

شمس النهار يقول...

جايدا العزيزي

اهلا بيكي ياجيداء

الجيش المصري من خير اجناد الارض

شمس النهار يقول...

rack-yourminds

نختلف معاه كثيرا

وعلشان عالمي لازم يحترم تاريخه ومايقولش اي كلام
كلامه كله محسوووووب

شمس النهار يقول...

*همس الاحباب

موافقة علي كل كلامك
واضيف ان المرحلة مش بتاعته

شمس النهار يقول...

ماجد القاضي

وعليكم السلام ورحمة الله وبركاته

اوافق علي كل كلمة كتبتها عن هيكل

وشكرا علي دعواتك للاب توب

:)))))
عارف مش مودي لاب توبي ده في داهية غير جوز بنتي مهندس الكمبيوتر
:)))))))