سلاااااااام كبير لسواقين وكل عاملين مترو الانفاق
لييييييييييييييييه؟؟
لما حبوا يعملوا احتجاج ماعطلوش المترو
اللي هو تعطيل للمواطنين يعني تعطيل للبلد
وقالوا مش هنعطل مصالح الناس ونضرهم زي مااحنا مضرورين
وبيعملوا مناوبات
ناس تشتغل عااااااااااااادي خالص وناس تريح
وناس في الاعتصام
وكمان موقع الاعتصام مكان شغلهم رصيف محطة المترو
يعني لاقطعوا شريط سكة حديد ولا قطعوا طريق علي الناس
وتسببوا في وقف حالهم
وبيعرضوا مطالبهم في منتهي الشياكة
وقفة تانية احتجاجية
بس
رغم شياكة المنظر وريحة البرفان بس مش هحييهم
لييييييييييييه؟؟
علشان الوقفة شيك في مظهرها وليس في جوهرها
المفروض ان المراقبيين الجويين دول بينظموا حركة الطيران
جميل
طيب لما تكون كل تعاملاتكم مع اللي داخل وخارج مصر
وتقولوا وتهددوا انكم هتتوقفوا عن العمل اربع ساعات وكمان يوم جمعة
يبقا فين هنا الوطنية ياعاملين شركتنا الوطنية
يعني عمالين نقول تعالوا استثمروا في بلدنا
وياسياح تعالوا تاني
مصر رجعت كاملة لينا ومصر اليوم في عيد
وانتوا بتقولوا وبطريقة عملية الكلام ده كدب
ومصر فيها اضرابات
ولو ركبتوا طيارتكم مش هتعرفوا تنزلوا من الطيارة
مش لاقية كلام اقوله لكم
غير حلال اللي عملوا معاكم شفيق زماااان القريب ده
:)
=====
علي الهامش نصيحة
لعبد الله طاااااااااااااالح
لم نفسك الاعيبك مش هتنفع تاني انت خلاص بح
ولفشار الفار
عارفة ان مش انت اللي بتحكم سوريا
وان العيلة هي اللي بتحكم وانت مش قادر عليهم
بس هقولهالك العيلة هي اللي طايحة في البلد وسفاحين علي الاخر
وانت اللي هتدبس تاريخيا ياحلو
اما (الواد المجنون بتاع ليبيا)
الله يرحمك ياسادات قريته من بدري:))
ده مالوش حل وبقوله انت حكمت علي نفسك ياتتقتل ياتنتحر
وانا بقول ياريت تنتحر اضمن
====
اخبار اللاب توب:تم امس والحمد لله ولا حول ولاقوة الابالله
بعد جهود مضنية انتزاع بعض الملفات الهامة من علي الهارد
واللي كان هيجين هارت اتاك لو طارت
وهي عبارة عن صور رحلاتي كلها
والمحاولات تجري علي قدم وساق لنتزاع ملف التحرير
اللي كنت ناوية اعمل مدونة وانشره فها
ده مايمنعش اننا نستمر بالدعوات
والعمل اللي تم ده بفضل الله تعالي ودعواتكم
نقول آآآآآآآآمين
:))))))))))))))))))
وشكراااااااااااااااا
هناك 23 تعليقًا:
بعيد السياسة
علشان انا قربت اتكرع منها
البوست الجديد فى ذكريات لو فاتك
يبق فاتك كتيييييييييييييييييييييير
صباح الفل يامدام شمس
صباحك فل ياشموستنا المنورة
كلامك اضاءات جميلة علي الذي يحدث
مبروك عودة الروح للاب توب
انا شكيت انه ممكن يكون الواد المجنون
بتاع ليبيا كان ليه صورة علي اللاب
فاللاب انفجر والا حاجة
تحياتي يامدم شمس
بصراحه انا ضد الاضرابات والاعتصامات ,لاني شايف البلد متستحملش كده
__
القذافي اللي مش معمر وبشار اللي مش اسد وعلي اللي مش صالح ( كاريكاتير غالبا للفنان الميدع وليد طاهر)هؤلاء الظالمين انتهي امرهم
كلهم نسخة واحدة
كأنهم طلعوا من ماكنة تصوير واحدة (:
و ألف الف سلامة للاب توب
و بأذن الله يقوم بالسلامة بدون خساير فى الملفات
اخبار اللاب توب:تم امس والحمد لله ولا حول ولاقوة الابالله
بعد جهود مضنية انتزاع بعض الملفات الهامة من علي الهارد
واللي كان هيجين هارت اتاك لو طارت
وهي عبارة عن صور رحلاتي كلها
والمحاولات تجري علي قدم وساق لنتزاع ملف التحرير
اللي كنت ناوية اعمل مدونة وانشره فها
ده مايمنعش اننا نستمر بالدعوات
والعمل اللي تم ده بفضل الله تعالي ودعواتكم
نقول آآآآآآآآمين
هههههههههههههههههه
ههههههههههههههههههههههههه
جامده قوي الكلام ده
عبد الله طالح و فشار الاسد
خلالالالالالالالاص نهايتهم قربت
عقبال القذافي ربنا يخلصنا منه هو كمان
:)
كتب اليسار صفحه مش عارف كام بيقولك لازم تعطل العمل :)))
بهزر بس بيقولوا لازم تكبد رأس المال خساره في الارباح .... لكن لا تعطل مصالح الناس :)
كلامك كله فى المضبوط
وعقبال يارب ما تنتزعى
كل ملفاتك صاغ سليم
السلام عليكم
إحنا متابعين حالة اللابتوب بقلق شديد.. يا ريت تطمنينا عليه.. وسلامتك من الهارد أتاك...!
أنا كلامي في الثورات العربية للشعوب وليس للحكام المخابيل.. بصراحة لازم يعرفوا إن ما فيش حد هينقذهم بعد الله إلا أنفسهم أولا وأخيرا.. وربنا معاهم ما داموا صابرين ومرابطين..
تحياتي.
متيجي احنا كمان نعمل اضراب في المدونات
ونطالب فيها بالمساواة بالمواقع والمنتديات ولا احنا هنفضل متهمشين كدا
هههههههه
ان شاء الله انا مشتني مدونة التحرير
وكله هايبقي تمام
تحياتي
احلم وقوم حقق ...... من حقهم التهديد ..... كنا بنهدد النظام القديم برضه
فعلا وشكرا
لما نفتقد الرؤية المسقبلية وتملى القلوب الانانية وحب الوقت اللى عايشة فيه
بيكون هو ده الحال
ربنا يهدى وشكرا برضوا
*الازهرى
رحت يافندم وشوفته
:)))))
* سواح في ملك الله
صباح النور
لا ياسواح اللاب توب لسه في الانعاش
:))
انا كنت بنشر من علي اللاب توب بتاع بنتي
:)))
* rack-yourminds
فعلا لا ده معمر ولا ده اسد ولاده صالح
ربنا يهدهم
* Ramy
الحمد لله تم انقاذ الملفات
تحس ان الؤساء العرب طالعين من ام واحدة وتربية واحدة
كل شئ كوبي
* سبايدرمان
ابشرك ان جميع الملفات تم انقاذها بفضل الله وفضل الدعوات وفريق العمل
:)))
ربنا يستجيب لدعواتنا وياخدهم جملة كده ويريح الشعوب منهم
* فتاه من الصعيد
دي نكته من العيار الكبير
:))
يعطلوا براحتهم
:)))))
* norahaty
الحمد لله يادكتورة تم انتزاع كل الملفات
نورتي يادكتورة
* ماجد القاضي
وعليكم السلام ورحمة الله وبركاته
اللاب توب الحمد لله تم انقاذ الملفات واشترينا هارد جديده بيتم تركيبها الان
:)))
ان شاء الله الرؤساء هيغوروا والشعوب هتبقا دي بس حلاوة روح
* beautiful mind
كده انت مندس وبتدعوا للأضرابات ووقف عجلة الانتاج
:))))))))))
ان شاء الله هعمل المدونة
* صوت من مصر
انا ضد التهديد
واشجع القانون والعمل
:))))
*SHAPE YOUR LIFE (ABOALI)
اعتقد ان الكل متخبط وعايز يتصرف بطريقة تلفت النظر
:))
إرسال تعليق