ليه من الصعب الان ان يواجه الانسان نفسه بأنه غلط
ولازم يصلح من نفسه
ليه صعب انك تجد الانسان اللي بيقف مع نفسه ويحاسبها
ليه اغلب الناس بتبص لنفسها علي انها صح وكل اللي حواليهم غلط
ليه مانكنش من الصدق ان الانسان الغلط يقول انا غلط وهصلح
ليه الانسان مايعترفش لنفسه انه بتصرفاته دي بيضايق اللي حواليه وعليه انه لازم يتغير للأحسن
ليه العند والانانية ايوة انانية ماهو لما الانسان يقول انا كده صح ومافيش احسن من كده تبقا دي انانية
ومش شايف غير نفسه
معلش البوست غم ومش مرتب
ليه صعب انك تجد الانسان اللي بيقف مع نفسه ويحاسبها
ليه اغلب الناس بتبص لنفسها علي انها صح وكل اللي حواليهم غلط
ليه مانكنش من الصدق ان الانسان الغلط يقول انا غلط وهصلح
ليه الانسان مايعترفش لنفسه انه بتصرفاته دي بيضايق اللي حواليه وعليه انه لازم يتغير للأحسن
ليه العند والانانية ايوة انانية ماهو لما الانسان يقول انا كده صح ومافيش احسن من كده تبقا دي انانية
ومش شايف غير نفسه
معلش البوست غم ومش مرتب
بس موقف حصل قصادي وضايقني جدا من انسانة
استغربتها اغلب تصرفتها غلط في غلط
ومستغربة ان الناس بتعاتبها علي ان كل اللي بتعمله بيضايقهم
وهي بعد كل الاجماع ده حاسة انهم همه اللي غلط وهي صح
بصراحة مالاقيتش كلام اقولوا لها غير ان ربنا يكفيكي شر نفسك ويهديكي للصواب
زعلت مني
بصراحة مالاقيتش كلام اقولوا لها غير ان ربنا يكفيكي شر نفسك ويهديكي للصواب
زعلت مني
الاغنية مالهاش دعوة بالبوست بس امال ماهركانت بتغنيها النهارده
وكلماتها جميلة كأني بسمعها لأول مره
مع اني اصلا بسمعها كتير
هناك 25 تعليقًا:
أول من تانى
مش لاقى تعليق
طيب اكتب إيه ؟
السلام عليكم..
عارفة ليه أختي شيرين؟
لأننا بشر وضعفاء..! بس.
إذا وضعتِ مشاحة للضعف البشري في مجال رؤيتك لهذه المرأة فربما (أقول: ربما) استطعتِ تقبلها، ونصيحتها في وقت آخر بعيد عن الأعين... أحسب والله أعلم أنها ستقبل..!
أعرف أن تساؤلاتك استنكارية ولا تنتظر إجابة.. لكن هناك من يرجع عن خطئه ممن حولنا ويتفكر في كلام المحيطين به..!
وأعرف أنك غَضبى (مؤنث غضبان) وأنني أتحدث بهدوء لأنني بعيد عن المشهد.. لكن أنت أيضا عليك بنصيحتي وتبصيري عندما أكون ثائرا وأنتِ هادئة.. صح؟
تحياتي وتقديري أختي الكريمة.
في مثل بيقول
ربك وزع الأعمار محدش عجبه عمره
وزع الأرزاق محدش عجبه رزقه
وزع العقول كل واحد عجبه عقله
بس لازم في النهاية
نحط إمكانية الإصابة
اه ربما تكون مصابه بمرض نفسي
في الطب النفسي مثلا في مرض المثالية : اللي الواحد بيكون عايز يعمل كل حاجة صح بس بيوصل لدرجة تخنق للي حواليه
في جنون العظمة إن افعاله منزهه عن الخطأ إن مشي من طريق هوا الصح والباقي غلط
لو عزيزة عليكي ممكن تنصحيها تروح لدكتور نفساني
لو مش عزيزه ومش صلة دم نفضيها أحسن لأنها هتسبب مشاكل ، وإن كان رأيي مخالف للدين فخدي بالدين وسيبك من رأيي
مع إني عارف إني أرائي كلها هيا اللي صح وانتوا اللي غلط :)))))))))))
رحم الله امري اهدي الي عيوبي
علشان كان لازم تتربى من وهى صغيرة على كده
كان لازم يكون اللى حواليها بيقولوا لها ايه الصح والغلط
واللى حواليها الاب والام والقرايب والصحاب
علشان الاب والام مش وظيفتهم يأكلونى ويشتروا لبس ويودونى مدرسة كويسة وخلاص
وظيفتهم يربوا
اكيد وهى صغيرة محدش قالها انت غلطانة
ياشمس هانم أنا اعرف ناس طيبين ومع ذلك شفنا منهم أذى شديد جدا
لنفس الفكرة وبرضه مش حاسين ابدا انهم غلطانيين
قال تعالي
وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا (63)
وقال سيدنا علي
جادلني عالم فغلبته وجادلني جاهل فغلبني
وقالوا ايضا
حقا .. لا تجادل الجاهل أو الأحمق .. فقد يخطئ الناس في التفريق بينكما
"وإذا قيل له اتقي الله اخذته العزه بالإثم "
اه دلوقتى الاعتراف بالخطا بقى عيب وضعف فى الشخصية
وفى المقابل مابقاش حد بيعترف بخطأه لانه عارف ان اللى قدامه عمره ماهيعترف بخطأه
اما فى الموقف اللى حصل قدامك
فده طبيعي من شخصيه تعودت على التصرفات الغلط فبقى مواجهتها او توجهيها للصح مايهمهاش
كبرى دماغك
:)
مبيعترفش بخطأه إلا أصحاب القامات الرفيعة اللي بيعرفوا إن الغلط مش عيب إنما العيب إن الواحد يصر على خطأه
تحياتي (:
انتى بتهرجى يا شمس ؟!!!
هوه مين اصلاً بيعترف انه غلطان
خصوصاااااا لما حد يواجهه بكدا ؟!!
على فكرة بقى
احيانا المواجهة دى
بتزيد الشخص عناد اكتر
ويبقى يكاد يعتذر
ويعترف بالخطأ
بس ينقح عليه عرق المكابرة
و يتصور انه هينتقص من كرامته
بينما والله الإعتذار .. عادة بيزود
ف قيمة البنى آدم ..مش العكس
معلش
متزعليش قوى
الا لو كانت حد قريب منك جدا
لدرجة انك مقهورة على خسايرها
اللى هيا بتخسرها ومش حاسة
معلش
اما اروح البيت
ابقى اسمع الغنوة بقى
آمال ماهر صوت رائع
بس معرفش ليه
حاسة ان ناقصها حاجة
ايه ؟
معرفش
ميرسى على بوست الفنان الجميل بتاعنا
آه بقول بتاعنا ..
انا حاة ان ليا نصيب ف فنه الجميل
حلوة الصور وبتخيلها ف الواقع
وبتمنى اعماله تكون ف كل حتة ف مصر
ويطلع من تحت ايده اجيال
بجد الفن دا بيستهوينى من زمان
وان شاء الله
لما يوسف يرجع
هبعتهوله ..
او اساله يتعلم فين
لأن يسوفة كان نفسه يطلع فنان تشكيكى
ويا سلام بقى لو ف الفن دا تحديدا
يبقى انا زاعقلى نبى
واتفشخر ايما افتشخار بيه
وانا اصلا متفشخرة دلوقتى من غير حاجة
سلامى للبنات
والحفيد الجميل
:)
عارفه كنت بندهش أوى على الناس دى
وكنت بقعد أقول هما ازاى مش حاسين انهم بيكذبوا ... أو ازاى لما بيقعدوا مع نفسهم بيحترموها
ازاى لما يبصوا فى المرايه يقول أنا كويس ؟
لقيت اجابتى فى كتاب لعادل صادق كنت بقرأه الأيام دى
ان فيه نوعيه من الناس لما بتكتر غلطاتها عشان ماتكرهاش نفسها برد فعل تلقائى تلاقيها استخدمت أسلحه من غير هى حتى ماتعرف زى مثلاً التبرير والإسقاط والتوحد
بصراحه مش هينفع مع الإنسانه دى الا الدعاء اللى انتى دعيتيهولها أو أنك تواجهيها بالغلط من غير تجريح عشان من ناحيه تبقى واجهتيها ومن ناحيه تانيه ماجرحتيهاش
لان الكلام ده كله محتاج قوة نفس واخلاق عالية
ودى طبعا مش حاجة سهلة
العزه بالاثم يا أستاذتي العزيزه و المكابره اللي هي داء المصريين أساساً, تعرفي أنا بحس ان معظم الرجاله كده لا يعترفوا بأخطاءهم أ ب د اً :)
و عشان ترتاحي حاولي متدققيش مع الناس و اللي مش عرف انه غلطان دلوقتي هيجي يوم و هيعرف لكن بعد فوات الأوان.
عندي سؤال حضرتك إسمك شيرين ؟ :)
و لا أستاذ ماجد غلط في الاسم
تحياتي و تقديري لكي
الازهري
:)))
والاول علي طول ياازهري خلاص الاصحاب هجروا البلوجر والروح اللي كانت موجودة وانتظارنا لبوستات بعض خلاص
:))
وكمان مش لاقي تعليق
:)))
*ماجد القاضي
وعليكم السلام
بس دورت حواليا لاقيت اغلب الناس في اغلب الاحوال بقوا كده
صدقني الانسان اللي كده بيصعب عليا
وبدعي له ربنا يهديه
شمس
*MR.PRESIDENT
:)))))
تعليقك كان ماشي كويس
جداااااااا
بس في الاخر ضحكتني ضحك ياريس
ربنا يكرمك
واعلمك اني فعلا نفضتلها نص تنفيض
علشان مانقعش في من خاصم صديقة فوق تلات ايام
يعني تقدر تقول حسن جوار فقط
العملية مش ناقصة
*rack-yourminds
بالظبطت كده
يابخت من بكاني وبكي عليه
ولا ضحكني وضحك الناس عليا
:))
الامثال دي كلها حكم فعلا
*حفيدة عرابى
صح انتي جبتي المفيد
التربييييييييييية
كل شئ من التربية
والدلع الزايد اللي بيخلي الطفل يحس انه اله
والنوعيات دي مش دايما بتكون شريره
بس بيبقوا مستفزين جدا وبرضوا بيأذوا
اللي حواليهم في النهاية نتيجة التشثبس برأيهم الغلط في اغلب الاحيان
*سواح في ملك الله
انا مؤمنة جداااااااااا
ان ماينفعش تناقش حد كده
بالعكس ده بيتزعل مني اني مش بناقش الناس اللي كده
ربنا يهديهم بيعصبوا اي حد يتكلم معاهم
*عابرة السبيل = ام بقلظ باشا
والله يااختي ام بقلظ من كتر ماكبرت دماغي حسيت اني مش قادرة اشيلها
:))))
*حاتم عبدالفتاح
صح اكبر صح
العيب اننا مانعترفش بغلطنا ونصلحة
*فاتيما
طبعا اغلب الناس مش بتحب تعترف بغلطها
لكن صدقيني بيرفضوا حتي السمع
حتي لو كا الواحد بيتكلم بطريقة جميلة محببه
همه بيبقوا رافضين المبدأ اصلا
الحمد لله انها مش قريبة مني اوي بس ده موقف حضرته وزعلت علي الناس اللي كده بيصعبوا عليا
بالنسبة لآمال ماهر ناقصها ياستي الحضور
يعني صوت جميل بلا روح
ام كلثوم كانت لما بتغني بتحسسك انها كمان بتمثل بتحطك في الحالة يعني
:))
ايش جاب لجاب
وطبعا سعد روماني فنانا طبعا
وان شاء الله لما يكون له معرض في القاهرة هنروح كلنا
مافيش نقاش
وان شاء الله يوسف يتعلم علي ايديه
وشكرا ليكي ياجميلة علي سؤالك
*دعاء العطار
النوعية دي من البشر لانملك لهم فعلااااا
غير الدعاء
*ENG./ELSAYED,PMP
مع قوة الشخصية تربية سليمة وتعود من الصغر
والايمان ان الاعتراف بالخطأ قوة وليس ضعف
*شيرين سامي
ميه ميه ياشيرين
الرجاااااااااااله اساتذة في المكااااااابرة
:)))))
لا مش اسمي شيرين الاستاذ ماجد غلط في الاسم
:)))
إرسال تعليق