الجمعة، 17 يونيو 2011

ممر التنمية والحزب الوطني والدستور

مش عارفة ليه في بلدنا الاشهر دول كل شئ حواليه جدل وخلافات غير محسومة
المفروض ان الديمقراطية الاقلية بينصاعوا لراي الاغلبية
يعني لما الاغلبية تقول نعم حتي لو غلط يبقا خلاص
نحترم اول خطوة علي طريق الديمقراطية ونتكاتف معا من قال لا ومن قال نعم ونصلح معا تبعيات الاختيار حتي لو كان اختيار غلط
علشان دي بلدنا اللي بنعيش فيه مع بعض من قال لا ومن قال نعم
مااعتقدش اننا هنعاد بعض يعني علي حساب البلد والمستقبل
بصراحة انا لسه لحد دلوقتي مش فاهمه الهوجة دي علي ايه لما نعم غلط ليه النخبة من من قالوا لا وفهموها جيدا مانزلوش القري والنجوع وكل شبر يوعوا الناس بي ليه هنقول لا
------
ممر التنمية والدكتور الباز وكل التحيات العطره له هذا الرجل العلامة المتواضع اللي لا الشهرة ولا الفلوس ولا مركزه علي مستوي العالم وامريكا ومصر ماغرهوش ولا خلاه يغير لهجته الفلاحي المحببه لنا
يعني ماعملش نفسه خواجة برغم انه عاااااااااااش سنين طويلة في امريكا ولولا السادات طلبه بالاسم ماكنش هيعرف يغادر امريكا ابدا
لأنه من ابرز علماء وكالة ناسا
المهم
الرجل عرض مشروع قومي مدروس اسمه ممر التنمية
ويادوب الراجل عمل له ندوتين تلاته والا هجووووووووم عليه وعلي المشروع وانقسمنا برضوا نصين
نص يقول ده مشروع ليس له عائد زي مااحنا فاكرين واهدار للمال
وفريق يقول لا المشروع من عجائب الدنيا الحديثة ورائع ومافيش احسن من كده
حدش طلع علينا يشرح للناس البسطاء من الشعب المصري ايه هو المشروع ده ووبساطة شديدة علشان نستوعب ونقدر كمان نشارك في القرار
-------
اعضاء الحزب الوطني
فريق يقول نحرم كل اعضاء الحزب من المشاركة السياسيه لمدة عشر سنوات علشان لايفسدوا الحياة السياسية مره اخري
وبالبلدي نقصص لهم ريشهم اللي نافشينه علي الشعب وعلشان مايدخلوش مجلس الشعب الدورة دي اللي تعد من اخطر الدورات علي الاطلاق
وعلشان همه مربطين وعارفين الناخبين
الفريق التاني قال لك لا هو احنا هنعمل زيهم ونتحول لديكتاتوريين ونحرم شريحة من الشعب من حقهم في الحياة السياسية
يرد النص التاني ويقول ماقعدوا فيها تلاتين سنة عملوا ايه لا يمشوا من الحياة السياسية نهااااااااااائي
طيب والناس الكويسه اللي في الحزب ليه نحرم دوائرهم منهم
النص التاني يقول لك في ناس كويسة تانيه لازم يخدوا فرصتهم
هو فعلا الحزب الوطني اعتمد علي الناس اللي ليها عزوة ومكانة في بلدانهم علشان ينضموا للحزب علشان يتم تأييدهم في الانتخابات
ومااعتقدش اااااابداااااااا
ان اي حد في عهد المخلوع كان يقدر يقول لهم لا
بالعكس كان بيعتبره فخر ان الحزاب الحاكم اختاره علشان يدخل الانتخابات بأسمه
--------
المهم ان في كل موضوع اهل بلدي بينقسموا قسمين
ومش دي المشكلة بالعكس الاتخلافات والمناقاشات مقيدة جدا في المرحلة دي
بس نعرف نعمل ده صح ونحترم الراي والراي الاخر
وليه مافيش حد يتكلم ويشرح لنا احنا مختلفين في ايه علشان حتي نعرف نختلف صح
وعلشان لما نختار نختار صح ومانعملش زي ماعملنا في الاستفتاء
نصوت علي شئ ويتعمل شئ تاااااني خالص
وياتري هترسي علي ايه اعتقد ماحدش يعرف
الدستور والا الانتخابات الاول

هناك 21 تعليقًا:

ENG./ELSAYED,PMP يقول...

اعتقد المشكلة يا هندسة فى عدم وجود آليات أو مرجعيات أو آطر أو نظم - سميها زى ما تسميها - نرجع اليها عند اختلافنا حول امر ما ... فمثلاً وانتى شرحتيها موضوع التعديلات الدستورية ... لو رجعنا لمرجعية الديمقراطية اللى اولى مبادئها احترام رأى الاغلبية ... كده الموضوع اتحل ثم ننظر فيما هوه خاطىء فى هذا الرأى ونعمل معا على اصلاحه وتقويمه .

موضوع ممر التنمية للدكتور فاروق ... ليه لا يتم تشكيل لجنة من الخبراء فى المجالات المختلفة ... تربة ... زراعة ... اقتصاد ... تمويل ...الخ
وكلا يدلى بدلوه ... ويتم دراسة جدوى المشروع من كافة الرؤى ... والموضوع مش هياخد اكتر من اسبوع عشر ايام فى ايد كل خبير من الخبراء دووول .

موضوع اعضاء الحزب الوطنى ... نرجع بردوا لعدم وجود اطر وانظمة ... حيث فى حال وجودها سيكون من السهل محاسبة السياسى او البرلمانى ... برنامج - هدف - خطة - انجاز - نسبة انجاز - مدى نجاح من عدمه ... هتقولى ماهو اشتغل قبل كده ... هقولك كلنا كنا زى الزفت قبل كده ... !

بس خلاص
:) تحياتى

الميكروباص يقول...

نحن لا يوجد لدينا رأي آخر
ولكن طالما انك اختلفت معي فأنت ضدي وعدوي
وهذا ما هو حادث الآن
لأول مرة في العالم تجدي الاقليه تريد ان تمشي رأيها على الاغلبيه
وهذا غير موجود في أي مكان
كله يريد تنفيذ اللي ي ماغه بغض النظر عن اي شيء
اما بالنسبه لأعضاء الوطني السابقين
لن يفرق الامر كثيره
فسوف يظهر حزب وطني آخر -وهذه توقعاتي- وسوف يظهر منتفعين آخرين حول الرئيس الجديد
انها طبيعة شعب

Foxology يقول...

زى ما قال لورنس العرب .. معندناش ثقافة الرأى و الرأى الآخر !!

المشكلة زى ما حضرتك قلتى : محدش بيفهم حد حاجة !

تحياتى والقادم ربما يكون أفضل

سواح في ملك اللــــــــــــــــــه- يقول...

تعرفي يامدام شمس

انا بحس ان الفلاسفة الجهابذة

الي بيعترضوا وبس

بيعترضوا من اجل الاعتراض

ومعندهمش اسباب منطقيةللاعتراض

ممر التنمية لما تبصيله بنظرة عملية

بعد خمسين سنة لو تعداد مصر 200 مليون

مش هيبقي فيه كثافة سكانية

Haytham Alsayes يقول...

اولا بالنسبة للدستور
سواء اللي قال لا او نعم النتيجوة واحدة ان في اعلان دستورى خلاص يعني اعلان لحين عمل دستور جديد اما بقي حكاية الدستور اولا ولا الانتخابات اللي عمل كدة حالة الاستقطاب الشنيع بين الاسلاميين والعلمانين والليبراليين زى مابيصوروهم في الاعلام طيب اهنو الصح انا عن نفسي مش فاهم في ناس بيقولوا لو الانتخابات الاول هيسيطر الاخوان لانهم المنظمين علي المجلس وساعتها هما اللي هيحطوا الدستور علي مزاجهم وباقي التيارات هتطلع برة اللعبة اما لو الدستور اولا المفروض كل القوى تتجمع وتكتبه مش عارف اهنو الصح بس ممكن بقي يمسكوا العصا من النص بمعني ان الانتخابات تتعمل بس ميسيطرش عليها فئة معينة دون فئة وبعدين نضمن ان الدستور الكل يكتبه وكدة نحل المشكلة اللي هي اساسا مش مشكلة عموما انا حاسس ان كل مصرى عامل فيها ابو العريف وعمال يتكلم بما فيهم انا ههههههههههواحنا مش فاهمين حاجة البتة خالص يعني


ثانيا بقي الحزب الوطني بصراحة انا من انصار حظرهم سياسيا دى عالم فاسدة افسدت كل شىء واي ثورة في التاريخ بتقصي الناس اللي اتقامت الثورة عليهم طيب الناس الكويسة او الصف الاخير من الحزب دة ممكن ينضموا لاحزاب تانية تسعهم بس يشتغلوا بما يرضي الله بقي بس انا بصراحة مش شايف اي عناصر كويسة علي الاقل في محيطي كلهم انتهازيين وفلول بما تعنيه الكلمتين من معني


ثالثا ممر التنمية برضه مش عارف في ايه يعني المشروع حلو ولا وحش الله اعلم بس عموما لازم نخلص من المرحلة دي وتستقر الامور نوعا عشان نعرف نفكر
حالة الاستقطاب وماسورة الائتلافات اللي اتفتحت هتهدى لما الانتخابات البرلمانية والرئاسية تحصل
وربنا يستر


تحياتي

Mahmoud Ahmed يقول...

ل نحرم كل اعضاء الحزب من المشاركة السياسيه لمدة عشر سنوات علشان لايفسدوا الحياة السياسية مره اخري
_______________________
ده المفروض يتحرموا خاااالص من السياسه و نهائيا و محدش يقرب منها باي شكل ولا تحت اي مسمي و ميرشحوش نفسهم في اي انتخابات نهائيا

ولو حد منهم رشح نفسه في انتخابات مجلس الشعب او الشوري و نجح يبقي الدايره دي عايزه الحرق و الله

الموسوعة الحرة يقول...

تحية طيبة...
استيعاب الديمقراطية والحرية تحتاج الى عقود وليس اشهر فقط...
اكيد كلما تطور الزمن سوف يزداد الوعي السياسي...
تحياتي الطيبة...

Unknown يقول...

استمرارا لحالة التخبط التي نرجو الا تدوم طويلا...ونعرف نخرج من سنة اولى ديموقراطية واختلاف للمرحلة الإعدادية إن شاء الله.
أما عن مشروع فاروق الباز فأعتقد أنه الدراسة الجيدة من العلماء المتخصصين كفيلة بوضع الأمر في إطاره الصحيح.

تحياتي

غير معرف يقول...

السلام عليكم يا حاجه
تحياتى
يا ستى الموضوع مش اختلاف عشان خاطر سواد عيون البلد
الاختلاف الآن عشان كل واحد عايز يركب ويلاقى له كرسى يقعد عليه .. كله عايز يقسم التورته .. يقولوا ان الاحزاب الجديده لازم تاخد فرصتها .. قال يعنى الفرصه حتيجى فى شهر ولا فى شهرين ولا حته فى سنه .. ما يعرفوش ان كل حزب لازم يناضل سنين عشان يبقى موجود فى الشارع وعشان يبقى له قاعده جماهيريه
سمعت انهم بيطالبوا انهم يخفضوا سن العضويه فى مجلس الشعب الى 25 سنه .. شفتى بقى الموضوع اصله ايه
عايزين يركبوا على الكراسى وبيقولوا ان الثوره دى بتاعتهم .. مع ان انا من اول يوم ضد مسمى ثورة الشباب .. عشان دى ثورة الشعب المصرى كله من اصغر طفل الى اكبر شيخ .. ثورة شعب يا عالم .. وعلى فكره التصنيف ده فى الاول كان مقصود والناس من هبلها ركبت الموجه وقالت ثورى الشباب عشان لما الشباب يقعوا فىالكبار وتبقى وقعه سوده ومنيله بنيله .. ودا حصل فعلا
نقول لهم ياعالم ثورة شعب .. يقولوا ثورة شباب وحاصل كدا فى ليبيا واليمن وسوريا
الموضوع يا ستى كل واحد بيدور على دور لنفسه وعايز يبقى وزير او على الاقل عضو مجلس شعب .. ولا حد هامه مصر ولا مستقبل البلد .. وياريتك يا ابوزيد ما غذيت ولا رحت تونس ولا جيت

ما تحاوليش تروحى فشكووول عشان بااااظت وبقيت ادخلها زى الغريب وما ليش اى سيطره عليها وانا داخل لك من براها
تحياتى .. فشكووول

شمس النهار يقول...

ENG./ELSAYED,PMP

الاليات موجودة بس زي ماقلت في البوست السابق عندي
ان الناس فاهمه ان ثورة يعني فوضي وتعطيل لكل شئ

وفكرتك عن ممر التنمية ممكن تكون قاعدة لكل مانختلف عليه
لكن المصريين عايزين يختلفوا وخلاص
وكل واحد يفتي في اللي ليه واللي مالوش والناس اللي مش فاهمه تفضل طول عمرها مش فاهمة

الفجيعة ان طلع في قانون يحاسب السياسيين!!!!!

شمس النهار يقول...

لورنس العرب

مش مصر ام العجايب :)))

يبقا لازمن الاقلية يفرضوا رايهم علي الاغلبية:)))
بالعكس يعني

واللي مخليهم بيقولوا كده ان الاستفتاء تم علي تعديل مواد في الدستور مش علي اعلان دستوري يبقا كده خلاص
ماهو احنا مااتفقناش علي كده
وماحدش عارف حاجه وماحدش فاهم حاجة اولهم انا

وان شاء الله وابقا قول شمس قالت الحزب الاغلبيه اللي هيوصل للحكم هو ده اللي هيبقا الحزب الوطني الجديد

شمس النهار يقول...

Foxology

فعلا ياابويوسف المشكلة ان ماحدش عايز يفهم حد

وخصوصا ان المكلمات اللي علي الفضئيات بحس انها فرد عضلات ومنظرة وخلاص

Unknown يقول...

السلام عليكم

أختي شمس.. الخلاف لن ينتهي أبدا.. فقط سيقل أو يختفي مؤقتا في الأيام العصيبة التي تجتمع فيها الأمة على هدف واحد أو مشروع قومي ضخم يستهلك كل الجهود، أو عدو واحد مشترك يجذب إليه كل العداوات...!!!!
هذه سنة كونية لن تجدي لها تبديلا ولن تجدي لها تحويلا.
..............
أما موضوع الاستفتاء، فأنا أتعجب صراحة ممن يقول أنه لم يكن له فائدة...!!!! وأن الإعلان الدستوري قد ألغى أثره..!!!!! من أين أتوا بهذا الكلام؟!!!!!!!!!!

كان من المعروف للجميع أن هناك إعلانا
دستوريا.. لم يخدعنا المجلس العسكري بهذا الشأن.. ولكن أخبر أيضا أن هناك مواد محددة سيتم تعديلها وعرضها وحدها للاستفتاء.. وهي (فـــــقـــــط) المواد التي تضمن نزاهة ونظافة الانتخابات البرلمانية والرئاسية القادمة.. وهو ما حدث.. والشعب ليس (عبيييييييطا) لنقول ببساطة أن الإعلان الدستوري ضرب باستفتائه عرض الحائط...!!!

سبحان الله.. لماذا نكرر وراء (كارهي نتيجة الاستفتاء) اقاويلهم وشبهاتهم التي هي هرف بغير معرفة (أو حتى بمعرفة)..؟!!!

أرجو أن نحكم العقول ونستمع إلى الشرفاء العقلاء..!!!

تحياتي أختي الكريمة..

شمس النهار يقول...

سواح في ملك الله

المشكلة ان مافيش حد بيفهم حد

يمكن علشان الكل مش فاهم

يمكن لما يبطلوا المكلامنات اللي عملنها يقدروا يفكروا ويوصلوا لحل
:)

شمس النهار يقول...

Haytham Alsayes

انت صح التيارات الكتير والخوف المسيطر علي الناس
وخصوصا بعد تجربة خلط الدين بايوة او لا

عارف لو كان لا في مصلحة التيار الاسلامي كانوا برضوا قالوا لا في خدمة الاسلام
وكان الناس كلها قالت لا

برضوا اللعب علي كبير وماحدش فاهم:)))

انا برضوا مع موضوع حرمان قيادات الحزب الوطني ولكن القيادات فقط لأن معروف ان في مصلحة لو طلب من حد ينضم وماانضمش كان بيبقا ياويله ياسواد ليله

وكله كوم وموضوع الائتلاف ده كوم بس نفسي اعرف انتوا مؤتلفين مع مين:))
وياتري عارفين يعني ايه كلمة ائتلاف
مش كل 100 فرد يعملوا ائتلاف

بس رغم كل اللخبطة دي والخلطبيته دي عندي امل كببييير ومصر بتتولد من جديد ودي كانت اول كلمة ليه قلتها لما وصلنا ميدان التحرير ولاقينا اعداد كبيره هناك

شمس النهار يقول...

سبايدرمان

تيجي نولع فيهم:)))))

طيب ايه رايك ان في منهم لو رشحوا نفسهم هيعاد انتخابهم تاني
انت شفت الست اللي كانت واقفه مستنيه سرور وعماله تعيط وتقول ربنا يحميك يانصير الغلابه والايتام

اغلب الناخبين هي دي ثقافتهم النائب الصح اللي بيمشي لهم الامور

شمس النهار يقول...

الموسوعة الحرة

اهلا بيك

المشكلة ان علي مانتقن الديمقراطية الصح نكون باظت حاجات كتير

شمس النهار يقول...

حاتم عبدالفتاح

الشعب المصري جدع
وبيفهم وبيستوعب بسرعة ان شاء الله هتعدي علي خير

وبرضوا عندي امل في الله

شمس النهار يقول...

*فشكووول

عمنا فشكول عندنا يامرحبا يامرحبا
خير مالها المدونة

الاحداث كتير جدا وعايزين نعرف رايك ياتصلحها ياتعمل مدونة جديدة:))

كلامك كله في السليم المظبوط

بس مين يعرف ومين يقرا

شمس النهار يقول...

*ماجد القاضي

احنا استفتينا علي تغيير مواد في الدستور مش علي اعلان دستوري
وهكذا فهم الجميع مش انا ولورجعت لكل اللي علي اليوتيوب من احاديث وقت الانتخابات هتلاقي الكلام كان علي كده
وعلي ان ازاي استفتي علي تغيير مواد في دستور سقط بسقوط نظامه اصلا

واللي يقول قاري هيحصل ايه بكره يبقا بيضحك علي نفسه
مصر بقت رايحة علي احداث غير متوقعه اصلا

دعاء العطار يقول...

هى حاجه تضايق والله بس أنا حاسه ان التخبط ده والتشتت شىء صحى

هو بصراحه زاد أوووووى وبقينا نختلف على أى حاجه وبقينا مش فاهمين فين الصح والغلط

بس أنا متفائله (: (: